Jerimaya 15:11 - FỊAFỊA BAỊBỤLỤ

¹¹ KỊNỊNYANAḄỌ, yee ma gbo-aị mamgba ị̀ ḅụụ paka, amụ arị iḅi-oku fịrịmẹnjị ị́ pịrị-a ḅẹḅẹ, amụ à si kẹ ị̀ tọn-arị apụ ma sịḅị ẹrẹsị ị́ na ẹkwẹnma-a ḅẹḅẹ, ịn ḅụụ-fụka na ḅụụ-ḅalaḅala na ḅio sọ sakị.

Jerimaya 15:11 Iomraidhean Croise

Devidi-Anume 106:46

Ọ̀ mịẹ tẹ ịn ponoma sime apụ mamgba in ḍiki sịḅị-jịrịm.

Devidi-Anume 138:3

Àrị ị́ sịn sakị ị́ ị̀ ḅịḅị ọkị; ị́ ị́ ịnyọ kẹ ị̀ mịẹ kuromam.

Egberima-Ẹkwẹn 16:7

Ị́ mịẹ ye KỊNỊNYANAḄỌ ḅe ḅụụ-ḅẹlẹarị ḅẹḅẹ, í inetẹ mịẹ tẹ si kẹ ị́ tọn-arị apụ í ikiapụ sọ ḅa.

Egberima-Ẹkwẹn 21:1

KỊNỊNYANAḄỌ sarasarama mẹnjịarị minji mẹ da anị mu ḅẹ anga pịrịarị ḅara mẹ, anie ọ̀ kẹ ḅẹrẹtọn amadaḅọ ḅe kuroma pịrịarị ḅara.

Nimi Tolumaḅọ 8:12

Si-mịẹḅọ sakị sọnọa asi kẹ si mịẹm, tẹ mḅọ ḍumo nangwọmam ḅẹsọ, à nimi wararị mịnẹ anịsọ Tamụnọ mangịmarị apụ ma ye ini na kpaịn ḅa, gbala ịn Tamụnọ mangịmarị ẹrẹsị;

Ayịzaya 41:10

Ḅalafa ma — àrị ị́nịna emii! Yẹrị ị́ Tamụnọọ, ḍụkụ tẹ gberie-sọ ị́ tẹmẹ-naịn-naịnma ma! Àrị ị́ mịẹ tẹ ị́ kụrọ ḅa, pịkị ḅarasụa ị́ pịrị ḅa Àrị ị́ gbaịn tẹ ị́ ḅọrọma ḅa.

Jerimaya 21:2

“Sisi ḍuko KỊNỊNYANAḄỌ ḅe pịrị wa pịrịị, Babịlonịya ḅẹ Ama-da Nebukadineza ori ọmụ-ogbo kẹ opu ama mẹ ikelema-koro tẹ anị ọkị ḅẹ ẹrẹsị. Ẹbịsịya KỊNỊNYANAḄỌ ḅe ọ̀ ḅụụ-buama-aị ma ḅẹ gberie mịẹ wa pịrị tẹ kụrọ-ḅara kẹ ọ̀ mịẹ tẹ ọ̀ pịkị-so ḅa.”

Jerimaya 37:17

Sakị ḅọrọ lama tẹso, Ama-da Zẹdẹkaya fịrịma ị̀ sịnm, tẹ anịanga Amada-Opu-warị mẹ ḅio jen-apụ ofori ogbo ì gbelam, “KỊNỊNYANAḄỌ ḅe ḅara ḅo oku emi?” À pakịrịm: “Emii”, tẹ nwẹnị kẹ sụa ḍuko, “Ini ị́ saḅama Babịlonịya ḅẹ amadaḅọ ḅe pịrị ḅa.”

Jerimaya 37:3

Ama-da Zẹdẹkaya nwẹnị Jehukalị, Selemaya tụḅọ ḅe na, Agbamịẹḅọ Zẹfanaya, Masẹya tụḅọ ḅe na kẹ fịrịma tẹ ḅii mịnẹ à KỊNỊNYANAḄỌ, wamịna Tamụnọ ḅe tẹkẹẹ wamịna sịẹ mẹ gotẹ.

Jerimaya 38:14

Jen gbọrụ sakị ḅụ Ama-da Zẹdẹkaya ị̀ kẹ ò sime anga ḅom Tamụnọ-warị mẹ ḅẹ tẹrẹị karama ḅọkọ mẹ ḅụ, tẹ ori ị̀ ḅẹẹm, “À ye kẹ í gbela ḅẹ ḅiiarị, tẹ à ḅiiarị í bebe karakara mẹ ḍuko ị̀ pịrị.”

Jerimaya 42:2

tẹ ị̀ ḅẹẹm, “Sisi wa ḅiiarị ye mịẹ wa pịrịị! KỊNỊNYANAḄỌ wamịna Tamụnọ ḅe tẹkẹ wa pịrịị. Tẹkẹ wamịnị-mgba tẹ fịị-a so apụ ma pịrịị. Gbọrụ sakị wamịna ḅụ ḅẹ tọnwa-apụ simem; kụma mịọkụ wamịna ḅụ boowa apụ kịngẹ kọn tẹẹ, í inetẹ ẹrịarị ḅara ḅụ.