Jerimaya 15:10 - FỊAFỊA BAỊBỤLỤ

¹⁰ À kpọma ḅioḅẹlẹ nyana-a tomḅọ sọ la ḅara ḍikii! Tiye ẹrẹsị ì iyingi ì iyi pakama-ḅo tomikiri ḅụ? À sime kamụ-sọ na ḅẹḅọ-ḅẹḅọ na ye-nụnụa na pịrịm amakiri mẹ ḅio. Amụ arị igbigi kẹ kịnị ḅọlọ-a, tẹ kịnị pịkị amụ ị̀ ḅara ḅọlọ-a; anịsọ ḅẹḅọ-ḅẹḅọ ị̀ kẹ gboarị.

Jerimaya 15:10 Iomraidhean Croise

1 Amadapụ 21:20

Ehabụ Ịlayịja ẹrị tẹso, ọ̀ nwẹnị Ịlayịja gbela, “yei ị̀ na fịya-a ḅọ, í ḅo ị̀ ḍọkị ẹrị tẹ?” Ọ̀ nwẹnị pakịrị, “À ḅo ị́ ḍọkị ẹrị tẹẹ, gbala ị́yẹrị ḅe ị́ ḅụụ kẹ KỊNỊNYANAḄỌ ḅe ḍiki-tọrụ ḅụ siye mịẹ mẹ dẹrịma tẹ ẹrẹsị.

1 Amadapụ 22:8

Izirẹlị ḅẹ amadaḅọ ḅe nwẹnị Jehosafatị ḅẹẹ, “Gbọrụḅọ paa kọn wararị wa ọ̀ ḅara ḅụụ KỊNỊNYANAḄỌ ḅe ḅịḅị ḅii ḅarị ḅọ anie Mayịkaya, Imila owiḅọtụḅọ ḅe, kụma arị ò ḍiki-ḅioḅum, gbala jene-jene ì gbolomaye ḅụ amụ ori iḅi ịkịan koro ị̀ pịrị-a, sịẹ sikima.” Jehosafatị nwẹnị ḅẹẹ, “Yee amadaḅọ ḅe amụ ọkọ ḍuko ma tẹrẹmẹ.”

Devidi-Anume 109:28

Yee ini ye gbo ị̀ pịrị, kụma ị́yẹrị ì boma ḅa. Yee owu ị̀ ḅaa ḅẹ ḍọkịarị apụ ma ḅara si, tẹ yee yẹrị, ị́ fịrịmẹnjịḅọ ḅe, ḅioḅẹlẹ.

Devidi-Anume 15:5

Ò ye gbana-a ḅara kẹ igbigi kẹ kịnị ḅọlọarị tẹ kịnị inetẹ ọḅụ kẹ ọ̀ pịrị fị tẹ ò tomḅọ nimi-a ye ḍuko mḅọ sịḅị gbana ḅịa. Mịna aị mịẹarị ḅọ, mịẹarị ḅọ sakị mamgba mḅọ la-la ye ofori.

Devidi-Anume 69:4

À mịẹ ye ofori tẹ ì ḍiki-ḅioḅuarị apụ ma kịẹn-ḅịḅị ị̀ sịḅị-ḅẹ-inume kịẹn-ḅịḅị nẹngịm. Si kẹ ị̀ tọn-arị apụ ma iruo aị ḍuko ị̀ ọgọnọ gbanarị; ịn kụrọ wararị tẹ ị̀ ḅaa ḅẹ-ḅiiarị. Ini ì ponoma tẹ arị yẹrị furu-a aị pakama-ḅo ịn pịrịm.

Paka-so 22:25

“Ọmịnị igbigi kẹ ị̀ atomi ma ḅụ ḅẹḅọ-ḅẹḅọ tẹ igoin wararị ḅọ ḅọlọ-ḅọlọ, ị́ ḅụụ kẹ igbigi kẹ kịnị ḅọlọ ḅọ sọma ọ̀ pịrị tẹ ọ̀ ḅara igbigi sịḅị ḅụ gbana ye ọkị ma.

Egberima-Ẹkwẹn 26:2

Wori-anume inetẹ ị́ ịnọ ḅịa arị ị́ kịkarị sikima. Arị kịkarị aị anie fiin ḅọrọarị tẹ gbala-gbala sịẹsime-a afeni.

Jerimaya 15:20

Àrị ị́ kẹ kụrọtẹ ojo warị-akaka mịẹ ḅa ịna ḅụụ ḅụ. Ini owu kẹ ị́ na sọ ḅa, kụma ini ị́ nẹngịma ḅịa. Àrị ị́ na sime tẹ ị́ gbaịn wẹrị tẹ ye ị́ la ḅịa.

Lẹvitikọsị 25:36

Mḅọ ḅara ḅụ gbana igbigi kịẹn, anịanịa ye kẹ sụa ọkị ma, kụma ọ́ Tamụnọ ḍiki-ḅalafaa mịẹtẹ ọmịna iyimbere ọmịna akaka ḅụ ọmịnị na anga ḅarị ḅara.

Lẹvitikọsị 25:37

Ọ́ gbana igbigi kịẹn ọkị ḅara kẹ ọmịna igbigi kẹ mḅọ ḅọlọ, anịanịa sọye fị ḅara kẹ ọmịna fịye kẹ mḅọ pịrị fị ma.

Habakọkụ 1:3

Tiye ẹrẹsị ị́ ị̀ mịẹ tẹ à nwẹn sime ḅụụ-fụka ẹrịarị? Ndẹẹ í inetẹ inema tẹ tọrụ-tọrụ kẹ nwẹn sime kura-a mịẹ-aị ẹrịarị ḅara? Guluguluma na kụrọ-kụrọ amịẹaị na ì gbori wararị, tẹ owu-sọ na kamụ-sọ na emi anga goyegoye ḅụ.

Matiyo 24:9

“Anịsakị ini ó kun tẹ ọ́ saḅama tomi pịrị tẹ in fomu-ḅara kẹ ọ́ pịrị tẹ ọ́ ḅaa ḅa. Ị̀ sịḅị gotẹ tomḅọ nwẹn-sịn tomḅọ ó ḍiki-ḅioḅu ḅa.

Matiyo 5:44

Kụma mịọkụ yẹrị ọ́ ḅẹẹarị: ó si kẹ ọ́ tọn apụ ḅẹlẹmaa, tẹ tẹkẹ ḅaa-ḅọkọ kẹ ọ́ ḍọkịarị apụ pịrịị,

Luku 2:34

Simiyọnị nwẹnị ịn boma tẹ Meri ò iyingi ma ḅẹẹ: “Ḅị tụḅọ ḅe Tamụnọ ọ̀ sẹlẹ-ọkị tẹ ò fa na ḅọrọma na sọ Izirẹlị ḅụ tọnwa-apụ pịrị ḅẹm. Ọ̀ Tamụnọ ḅara ḅụ ḅo elekima sọ ḅa, tẹ tọnwa atomi anị na tụḅụrụ ḅa Izirẹlị ḅụ,

Luku 6:22

Tomi Tomḅọ Tụḅọ ḅe gotẹ ó ḍiki-ḅioḅu, tẹ ọ́ sịkị, ó wori sima tẹ ḅịḅị ḅẹ sọye, sọye kẹ ọ́ ḅẹẹarị ḅẹḅẹ, ó boma tẹẹ!

Fịrịmẹnjịapụ 28:22

Anịsọ wa paa í kuroma sime aị naa ḅẹ ḅii ḅa, kẹ gotẹ ọkọ ḅẹẹarị, anga na, anga na ḅụ mie í simearị ogbo mẹ tomi anị ḅụ iḅiye ḍuko-a.”