Jerimaya 15:1 - FỊAFỊA BAỊBỤLỤ

¹ Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 15:1 Iomraidhean Croise

Suku-saakị 19:27

Jen ene ḅaa ḅẹ dede-funfun ḅụ Ebira-amụ nwẹnị saakị anịanga mẹ tẹ ọ̀ KỊNỊNYANAḄỌ ḅe tọrọkọ sịẹ anga mẹ mu,

2 Amadapụ 17:20

KỊNỊNYANAḄỌ ḅe nwẹnị Izirẹlị ḅụ paka-ḅo apụ mamgba sịkị, tẹ ḅụụ-fụka kẹ ịn pịrị, ịn kẹ ye sima apụ ḅara-ḅio suu, nwenii ori ò ḍiki-tọrụ ḅụ ini nguma famam.

Devidi-Anume 106:23

Tamụnọ ori atomi ma ḅaa guluguluma ḅẹ tẹ ḍuko sakị, Mozizi, ori sẹlẹ ọkị tẹ fịrịmẹnjịḅọ ḅe, Tamụnọ kikim, tẹ ḍụkụ tẹ ori ịganị mẹ ịn ḅaa guluguluma-a.

Devidi-Anume 99:6

Mozizi na Erọnị na anie ori agbamịẹapụ, tẹ Samụwẹlị anie ọ̀ tẹkẹ, tẹkẹ ḅọ; ịn KỊNỊNYANAḄỌ ḅe sịn tẹ ori ịna ḅịḅị-ọkịyam.

Egberima-Ẹkwẹn 14:35

Amịna akọrịnama kọrị kpaịnmarị fịrịmẹnjịapụ mie amadapụ ḅioḅẹlẹmarị; kụma in fomu-ḅara kẹ in ḅii ḅara mịẹ-a apụ pịrịarị.

Jerimaya 10:18

KỊNỊNYANAḄỌ mị amakiri mẹ ḅio ọ́ kẹ gbin pakama ḅẹ-ḅiiarị; ori ọ́ mịẹ nwenii tẹ ọmịna ḅụ gbọrụḅọ-sọ kiri kọn ḅịa. KỊNỊNYANAḄỌ ḅe ọkọ ḅẹẹm.

Jerimaya 11:14

Jerimaya ị̀ tẹkẹ ma anịanịa ị̀ na ḅịḅị-ọkịya, mịna apụ ma gotẹ. Ịn ḅụụ-fụka ḅio emi tẹ ḅarasụa gotẹ ị̀ sịn sakị àrị in poki ḅịa.”

Jerimaya 14:11

KỊNỊNYANAḄỌ ḅe nwẹnị ị̀ ḅẹẹ, “Ị̀ ḅara ḅii ma mịnẹ à ḅarasụa mịna apụ ma pịrịị.

Jerimaya 14:12

In ḅuru-ịmọ sọ, ịn ḅarasụa gotẹ kọn-arị owu mẹ à poki ḅịa; ịn dọkịma-agba na mgbọlị fịye agba na mịẹ-mịẹ ị̀ pịrịarị sọ, ịna mịẹ ye ị̀ ḅụụ-ḅẹlẹ ḅịa. Anie nakara, arị ịn ḅaa ḅa ọmụ ḅio na, ḅuru-ḅa na obi na ḅụ.”

Jerimaya 15:19

Miemẹ KỊNỊNYANAḄỌ ḅe pakịrịm, “Ị́ pịkị-ḅo ḅẹḅẹ, à siin ị́ ọkị ḅa, tẹ ị́ pịkị siin ị̀ fịrịmẹnjịḅọ sọ ḅa. Ị́ nwẹnị nimi ofori ẹkwẹn kọn-a tẹ kọn na-iḅi ẹkwẹn kọn-arị ḅẹḅẹ, í siin ị̀ ịkịankoroḅọ sọ ḅa. Tomi ma pịkị ị́ dama-ḅo ḅa, anịsakị ị́yẹrị rẹ gotẹ ịn dama-mu mu ye ofori.

Jerimaya 16:13

Anịtẹso, mie ḅụ, arị ó sukuruma pakama ḅa mị amakiri mẹ ḅụ, tẹ ó mu ọmịnị-o, ọmịna elemu aḍapụ ma-o, amụ nimi-a anga mu ḅa. Tẹ anịanga ọ́ fịrịmẹnjị oru-atamụnọ pịrị ḅa eneḅaka na ḍin na ḅụ, tẹ àrị ọkụrụkụrụ nyana ọ́ pịrị ḅịa.’ ”

Jerimaya 16:5

“Ị́ ịn ḍụẹịn ḍuuarị gbọrụ warị sọ sọ-mu ḅịa. Gbọrụḅọ sọ gotẹ kururuma. À ḅarị jen kẹ ị̀ atomi boma ḅịa, anịanịa ḅẹlẹma na ọkụrụkụrụ na kẹ in ḍie.

Jerimaya 18:20

Si anie ịn kẹ iḅi gbẹẹ ḅẹ ye aro? Anịsọ ini olulu soku ị̀ pịrị tẹẹ, à ḅịkị sọ ḅẹ ḅara. Kẹ ḅiokoroma arị ịna sịḅị gotẹ ị́ dama-ḅo tẹ ẹkwẹn ị́ pịrị ḅara, mịẹ tẹ ị́ ịganị kẹ ini na mịẹ ḅịa ḅara.

Jerimaya 22:28

À nwẹnị ḅẹẹ, “Ama-da Jehohakịnị ḅe, ọ̀ fị tẹ jongo sọ tẹ ini ọ̀ kẹ wakị nguma tẹ gbọrụḅọ-sọ ḅarị ò ḅii-a? Anie mie in gotẹ ori na ori awọmẹ na kun-so ini anị gboloma gberie-sọ nimi-a amakiri mu ye?”

Jerimaya 23:39

piki-pikiye-ofori ḅara ḅụ arị ịn saakị ọkị tẹ ịn kẹ ị̀ ḅụ wakị ḅelema ḅa, ini na opu ama mẹ tẹ à kẹ ini na ịna elemu aḍapụ na pịrị ye mẹ na.

Jerimaya 35:19

Mie ḅụ, Yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, mininitẹ mịnẹ Jonadabụ, Rekabụ tụḅọ ḅe sakị mamgba ò furo ḅẹ owiḅọ nyana tẹ fịrịmẹnjị ị̀ pịrị ḅa.”

Jerimaya 52:3

KỊNỊNYANAḄỌ ḅe kpọma Jeruselemu na Juda na gotẹ ịganị tẹ in sikima jen anga mum ọ̀ tọrọkọ ḅụ. Zẹdẹkaya kọngọ-kụrọma Ama-da Nebukadineza, Babịlonịya da ḅọ ḅe pịrịm,

Jerimaya 9:19

Zayọnị ḅụ owu-pọkọ fiearị ye pokii, “Wa fa tẹẹ! Wamịna tọrụ-tuu fama tẹẹ! Jen mịẹ-mịẹ ḅara ofori wa wamịna amakiri koroma-so ḅa; Wamịna sime-ayọ ma ịn kan sara tẹẹ.”

Izikẹlị 14:14

Mịna tẹra owiapụ ma — Noha, Danẹlị, na Jobu na, nwẹnị anị ḅio anga simem sọ, ịna iḅi ịna aḍumo ngẹrị mie anị ḅọrọma ḅarịye.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 22:30

Àrị inetẹ onu nama ḅẹ ḅọ ḍọkịm, inetẹ onu mẹ ḅịkị anga ma ḅụ sịẹsime tẹ amakiri mẹ ḍụa ḅẹ ḅọ ị̀ ịganị anị guluguluma ḅẹ sakị, kụma à gbọrụḅọ-sọ ẹrị-a.

Hosiya 9:15

KỊNỊNYANAḄỌ ḅe ḅẹẹarị, “Ịna si mịẹ ye mẹmgba Giligalị ḅụ saakịm. Anị anga mie à saakị in ḍiki-ḅioḅu ye. Tẹ ịn mịẹ tẹ siye mẹ ẹrẹsị, àrị ị̀ amakiri ḅụ in dee-pakama ḅa. À ḅarị jen kẹ ịn ḅẹlẹma ḅịa; ịna sịḅịdapụ mamgba kọngọ-kụrọma ị̀ pịrị tẹẹ.

Zẹkaraya 3:3

Jọsụwa anịanga sịẹ wararị sakị mẹ ḅụ ọ̀ ḅụrụtẹ kapa sụam.

Ditẹrọnọmị 9:26

Tẹ à nwẹnị KỊNỊNYANAḄỌ ḅe tẹkẹ: Yei KỊNỊNYANA-TAMỤNỌ, ị́ atomi tẹ ị́ kẹ ínye mịẹ tẹ apụ ma, inima tẹ ị́ í opu ḅụ pakịrị ọkị tẹ apụ ma, inima tẹ Ijiputi ḅụ ị́ kụrọ nyanatẹ opu ḅara kẹ ọkị-ḅo tẹ apụ ma ḅaa fama ma ị́ na.

Hiburu 9:24

Kẹ gotẹ ọkọ ḍukoarị, Kịrayịsị sọ-mu Fịafịa Yọ mẹ tomi ḅara kẹ, karakaraye mẹ tọnma tẹ nama ye-a. So mẹ ḅioju mie ọ̀ sọ-mu ye, tẹ mịọkụ wa gotẹ Tamụnọ tọrọkọ emi.

Ḅẹrẹkọn-apụ 5:9

Ị̀ tẹmẹ paka-so Izirẹlị ḅẹ ḅẹrẹtọn-apụ ma ḍọkụma-mum, inima tẹ ḅarana tomi ma ogbo-ḅio amịna aḅụụ pakama-ḅo apụ ma, Ọ́ KỊNỊNYANAḄỌ ḅe bomaa.

1 Samụẹlị 12:19

Tẹ tomi mamgba nwẹnị Samụwẹlị ḅẹẹ, “KỊNỊNYANAḄỌ ị́ Tamụnọ ḅe tẹkẹ ị́ afịrịmẹnjịapụ pịrị, mịẹtẹ wa fịị ḅịa ḅara, kẹ gotẹ ọkọ ḅẹẹarị, wa pịkị gbọrụ amadaḅọ ḅii wamịna-aḅụụ pịrị tẹ mị siye mẹ kẹ mu wamịna asi mamgba ḅụ sụa tẹ ḅẹẹ-sakị.”

1 Samụẹlị 12:23

Anie sikima, yee anị ḅioḅọrọma ye sọ mịnẹ yẹrị tẹkẹ ọ́ pịrị dasịẹma tẹ KỊNỊNYANAḄỌ ḅe ḅụụ si mịẹ ḅarị mẹ; anịsakị arị iḅitẹ karakara etela mẹ kẹ ó toluma ḅa.

1 Samụẹlị 7:9

Anieḅụ Samụwẹlị ndo ndoarị gbọrụ anana tụḅọ ọkị tẹ anị kẹ bebe tẹ dọkịma-agba mịẹ kẹ KỊNỊNYANAḄỌ ḅe pịrịm; tẹ Samụwẹlị Izirẹlị gotẹ owu KỊNỊNYANAḄỌ ḅe pịrịm, tẹ KỊNỊNYANAḄỌ ḅe nwẹnị ọ̀ pakịrị.