Jerimaya 14:8 - FỊAFỊA BAỊBỤLỤ

⁸ Ị́yẹrị ngẹrị mie Izirẹlị nyana ḅiokpọ; anie opu ḅụụ-fụka ḅụ wa ḅọrọmarị ḅọ, Tiye ẹrẹsị ị́ wamịna amakiri mẹ ḅụ kịnị tọrụ-nimi-a ḅọ kịkarị, gbala ḅọrọ ye muarị tẹ agba tẹ ḍin mẹ kịngẹ kẹ sime ḅọ ọkụ.

Jerimaya 14:8 Iomraidhean Croise

Devidi-Anume 10:1

Yei KỊNỊNYANAḄỌ, tiye paka tẹ í ḅele-fa wararị? Tiye paka tẹ ị́ ị́ ḅụụ kikimarị ḅụụ-fụka wa la sakị?

Devidi-Anume 138:7

Ḅụụ-fụka ḅo, ḅo ì ikelema-koro sakị, koro sakị í ì koko kpaịnmarị. Si kẹ ị̀ tọn apụ ma ịganịarị saakị ị́ ini na tụḅụrụarị tẹ ị́ kụrọ ḅụ ị̀ ḅọrọmarị.

Devidi-Anume 46:1

Tamụnọ wa kikimarị, pịkị ịnyọ kẹ wa pịrịarị. Sakị mamgba ori emi tẹ ḅarasụa wa pịrịarị ḅụụ-fụka asakị ḅụ.

Devidi-Anume 46:2

Mie ḅụ kiri mẹ jikearị sọ wa ḅalafa ḅịa, tẹ tụndụ ma soku mu abajị owolo ḅio koro sọ;

Devidi-Anume 50:15

Ḅụụ-fụka ḅo ọ́ la sakị ọmịnị ị̀ sịn; àrị ọ́ ḅọrọma tẹ ọmịnị ì tokini ḅa.”

Devidi-Anume 71:5

KỊNỊNYANAḄỌ, àrị ị́ kẹ ḅiokpọmarị; ị̀ asambịrịma sakị kụra-ḅio ị́ ḅụụ mie à ḅioḅẹngbọ kẹ gbanarị.

Devidi-Anume 9:9

KỊNỊNYANAḄỌ ḅe anie kịnị ponomarị apụ ḅụụ-ḅọị-yọ, ḅụụ-fụka sakị ḅụ ye-ḅụụ-la-a ḅara kẹ sime ḅẹ anga.

Devidi-Anume 91:15

Ịn ḅarasụa gotẹ ị̀ sịn sakị àrị ịna ḅịḅị ọkị ḅa, ịn ḅụụ-fụka ḅio sọ sakị, àrị ini na sime ḅa. Àrị ịn pụkọ-pakamaḅo tẹ ịn kẹ kụn nyana kiri ḅụ wẹrị ḅa.

Ayịzaya 33:2

KỊNỊNYANAḄỌ, ọkụrụkụrụ nyana wa pịrị. Wa ị́ kẹ ḅiokpọmarị. Ene-ene ḅụ wa gbaịn tẹ wa ḅọrọma ḅụụ-fụka asakị ḅụ.

Ayịzaya 43:11

“Yẹrị kịngẹ anie KỊNỊNYANAḄỌ ḅee, kpọkpọ gbọrụḅọ ḅe tẹ inetẹ ọ́ ḅọrọma ḅẹ ḅọ ḅee.

Ayịzaya 43:3

Kẹ gotẹ ọkọ ḍukoarị, yẹrị anie KỊNỊNYANAḄỌ ị́ Tamụnọ ḅe. Izirẹlị tẹkẹarị Fịafịa Ḅọ ḅe, ị́ ḅọrọmarị ḅọ ḅe. Arị Ijiputi ḅụ ḅara-siin tẹ ị́ ḅọrọma ḅa; à Sudanị na Sẹba na ḅụ ḅara-siin ḅa.

Ayịzaya 45:15

Izirẹlịapụ tẹkẹarị Tamụnọ ḅe tẹ amịna atomi ḅọrọmarị ḅọ ḅe, anie amịna ḅụụ kikimarị Tamụnọọ.

Ayịzaya 45:21

Ó ḅo ọmịna ḅịḅị ḍuko ḅẹrẹ-siri ḅụ; yee ḅẹrẹ pakịrịarị apụ ma jụmọ-jụmọ na ḅẹrẹ-ḅiya. Iḅere-iḅerea kụra ḅio ḅụ paka ḅẹ ye ḍuko ḅọ tụḅọ? Yẹrị-yaa, KỊNỊNYANAḄỌ ḅe, amịna atomi ḅọrọmarị Tamụnọ ḅe? Jen tamụnọ ofori.

Ayịzaya 63:8

KỊNỊNYANAḄỌ ḅe ḅẹẹm, “Ini ma ị̀ atomii; ini oḅori kẹ ị̀ sịn ḅịa.” Tẹ mie ḅụ ori ịn ḅọrọmam,

Jerimaya 16:19

KỊNỊNYANAḄỌ, ị́yẹrị anie ị̀ gbaịn tẹ pịkị ịnyọ kẹ ị̀ pịrịarị ḅọ; ị́ ḅarasụa ị̀ pịrịarị ḅụụ-fụka sakị ḅụ. Sịẹ-sịẹ ma tomikiri ḅẹ ịkọlị ma ḅụ sime tẹ ḅo tẹ ḅẹẹ ḅa, “Wamịna elemu-aḍapụ ma jen gberie-sọ nyana-a, kụma iruo atamụnọ, gberie-sọ gberie-a kụma ye-ḅụ-sọ-a oru-afụḅara.

Jerimaya 17:13

KỊNỊNYANAḄỌ, anie Izirẹlị ḅiokpọ; í koroma tẹ so apụ mamgba ịna tọrụ-tuu ḅa. Ini ịmaịn-faa ḅarị ḅara fọọn ọgọnọ kẹ ẹrẹ kịka ḅa, ini, KỊNỊNYANAḄỌ ḅe, sịkị tẹ ẹrẹsị, ḍumo-pịrịarị ngụngụḅa minji ḅe.

Jerimaya 30:7

Tẹmẹ-naịn-naịnma ene ḅoarị; kẹ anị na tọnma ḅẹ jen ene ofori ḅụụ-ḅalaḅala sakị sọ ị̀ atomi pịrị ḅẹ ene, kụma ịn fịị-a so ḅa.”

Jerimaya 50:7

Ini ẹrịapụ-ẹrịapụ owu kẹ ịn pakam. Si kẹ ịn tọn apụ ma ḅẹẹarị, ‘In si kẹ KỊNỊNYANAḄỌ ḅe mịẹ tẹẹ, tẹ anie ḅụ wa mịẹ ye kura-aye-a. Ịna atẹngịapụ ma KỊNỊNYANAḄỌ ḅe kẹ ḅiokpọmam, tẹ ini ma ḅioju sọ ḅioḅẹngbọ-kẹ-sịrẹrẹ-niḅi ḅara sime ọ̀ pịrị na-iḅim.’ ”

Jowẹlị 3:16

KỊNỊNYANAḄỌ ḅe ekirearị Zayọnị ḅụ; ọ̀ pọkọọ so-alagba fie ḅara fie paka-ḅoarị Jeruselemu ḅụ, Kiri na So-tọrụ na jikearị. Kụma ori ori atomi ḍụa ḅa.

Zẹkaraya 9:12

Jen sịẹ ḅụ angarị tẹ mịọkụ ḅiokpọmaye nyanatẹ apụ, ọ́ pịkịma ḅoo, ọ́ pịkịma ọ́ kpaịn-sime ḅarị anga ḅoo, Mịọkụ à ḍuko ọ́ pịrịarị, à maa kiri kẹ ọ́ gbẹẹ wama ḅa ọmịnị ẹrị tẹ tọrụsiẹrị mamgba ḅụ ó boma ḅụ.

Fịrịmẹnjịapụ 28:20

Mie à ḍuko ọ́ pịrị ḅẹ tẹ fịrịma ọ́ sịn ye. Ye ḅẹ karakara ḅụ, Izirẹlịapụ kẹ ḅiokpọmaḅọ tẹ ịn tọrụ kẹ ḍikiarị ḅọ ḅe anie ịn gotẹ ma ikoli ma kẹ ị̀ sụa wararị.”

1 Timoti 1:1

Pọlụ, Kịrayịsị Jizọsị fịrịmẹnjịḅọ ḅe, Tamụnọ wamịna Ḅọrọmaḅọ ḅe na Kịrayịsị Jizọsị wamịna ḅiokpọ ḅe na tọn ḅara ḅụ:

Ḅẹrẹkọn-apụ 19:17

Ọ̀ nwẹnị ọ̀ tọrụ saakị tẹ opu ama mẹ ḅẹ ama-ogbo ḅụ igoni-muḅọ ḅe ẹrị; omongitẹ owiḅọ ḅe nwẹnị ò gbela, “Ị́ tọ-anga muarị? Anịsakị ị́ tọ-anga ḅụ sime tẹ ḅo?”