Jerimaya 14:7 - FỊAFỊA BAỊBỤLỤ

⁷ Ị̀ atomi owu ị̀ pịrịarị: Tụkụmaye wamịna asi ḅẹrẹ kẹ wamịna sịḅị gbanarị sọ, KỊNỊNYANAḄỌ, ḅarasụa wa pịrịị, í minini tẹ ḅara ḅụ. Tọnwa asakị wa nwẹn kẹ ị́ ḅụụ pịkị-so tẹẹ; wa si kẹ ị́ mịẹ tẹẹ.

Jerimaya 14:7 Iomraidhean Croise

Ẹzịra 9:15

Yei KỊNỊNYANAḄỌ, Izirẹlịapụ tẹkẹarị Tamụnọ, ị́yẹrị ị́ karakaram, wamịnị boowa kala apụ mie paka-ḅo yee, anị wẹrịtẹ mịmgba ḅụ sime-ḅara. Ḍikii, ị́ tọrọkọ ḅụ wa wa mịẹ gbẹẹ aị ma na emi, kẹ gotẹ ọkọ ḅẹẹarị, miemẹ gotẹ inetẹ ị́ tọrọkọ sịẹ ḅẹ ḅọ ofori.”

Devidi-Anume 115:1

Ị́yẹrị kịngẹ, Yei KỊNỊNYANAḄỌ, ị́yẹrị kịngẹ — wamịnị-a — mie ebube sime pịrị na-iḅi ḅọ, í kuno-a ḅẹlẹma mẹ na ḅioḅẹngbọ kẹ ị́ ḅụụ ḅụ gbana na-iḅim mẹ ẹrẹsị.

Devidi-Anume 25:11

KỊNỊNYANAḄỌ, í minini ḅara mị, tẹ ị̀ asi ma wẹrịsoo, arị ḅaka wararị ẹrẹsị.

Devidi-Anume 79:9

Yei Tamụnọ, ḅarasụa wa pịrị tẹ wa ḅọrọmaa; wa pụkọ-pakamaḅo tẹ wamịna si-wẹrịso, sime ì pịrị ḅe kụn ẹrẹsị

Ayịzaya 48:11

À mịẹarị ye mẹ, ị̀ sịḅị ẹrẹsị mie à gotẹ mịẹarị à ḅarị ḍụkụ tẹ ị̀ ẹrẹ sii ḅịa anịanịa jen gbọrụḅọ-sọ ị̀ na sọ tẹ ebube nyana, anie ì ebube ye sime yẹrị kịngẹ pịrị ḅẹ ye mẹ.”

Ayịzaya 59:12

“KỊNỊNYANAḄỌ, wa kẹ ị́ mịẹ tẹ asi-aị ḅakam. Wamịna asi ḅẹrẹ kẹ wamịna ọgọnọ gbanarị. Wa arịmgba nimi lama wararị.

Jerimaya 10:19

Jeruselemu ḅẹ apụ ma nwẹnị owu pakama, “Anị kpọma wamịna ḅụ fụka tẹ ḅara ḍikii! Wamịna ịnọ ma ḅịya ḅịa. Wa sịnm miemẹ wa inetẹ inema alama ḅẹ ye!

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 3:25

Wa ḅụụ-jịrị ḅụ ḅịkị-koro gbẹẹm, tẹ ye tọrụ-tuu ḅụ wa gbaịn sime. Wamịnị na wamịna elemu aḍapụ ma na sakị mamgba si kẹ KỊNỊNYANAḄỌ wamịna Tamụnọ ḅe mịẹ tẹ; gbala-gbala amụ wa ọ̀ tọn wa pịrị aị poki tẹ mịẹ-a.

Jerimaya 3:6

Josaya ama-daarị sakị ḅụ, KỊNỊNYANAḄỌ ḅe ị̀ ḅẹẹm, “Ị́ ẹrị tịya, Izirẹlị, anị si ẹrẹḅọ ma mịẹ tẹ ye? Árị ọḅụ pịkị ì gbin tẹ mẹnjị so tẹ, tụndụ goyegoye ọgọnọ na ḍumo wararị sịn goyegoye suku ḅụ na arị ama-mẹnjị-ẹrẹḅọ mịẹ-mịẹ ye mịẹ tẹẹ.

Jerimaya 5:25

Anie nakara ọmịna asi mịna iḅi aị ma kiki ọ́ pịrị tẹẹ.”

Jerimaya 5:6

Anie ẹrẹsị opu piri-ḅio paka-ḅo ọkụkụ ịn ḅaa ḅa; anana kun pẹị-pẹị anama ịkpa ḅio sime tẹ ḅo ịn kanị-kọsịma ḅa, tẹ sịrị amẹẹ ịna ama ḅio mẹnjị-mẹnjị ḅọrọ ḅa Arị atomi ma mẹnjị paka-paka, ini ịn kẹ maaịn-maaịn puu ḅa, ịna asi ma ḅaka tẹẹ ẹrẹsị; tẹ sakị-sakị ḅụ ini ọḅụ kẹ Tamụnọ gbin tẹẹ.

Jerimaya 8:14

Tamụnọ atomi ma gbelarị, “Tiye ẹrẹsị wa paa mị yọ lẹgị-sime wararị? Ó ḅoo, wa mangị kụrọnị opu ama ma mu tẹ arị anga ḅụ fịị. KỊNỊNYANAḄỌ, wamịna Tamụnọ ḅe, fịị ḅẹrẹ-pẹlẹ wamịna ọgọnọ gbana tẹẹ; ọ̀ kịnị-ḅaaḅa ye kẹ wa pịrị ḅuu tẹẹ, wa si kẹ ọ̀ mịẹ tẹ ẹrẹsị.

Jerimaya 8:5

Ọkọ kụma tiye ẹrẹsị, ì atomi, ọmịnị ị̀ ḅụ pịkị-so tẹ ḅarị pịkị-ḅo-a? Ọmịnị ọmịna oru-afụḅara ma fịnama sịẹma tẹ ḍụkụ tẹ pịkị ị̀ ḍọkụma-ḅoa.

Izikẹlị 20:14

Kụma à mịẹ-a, anie anị ị̀ ẹrẹ sima ḅarị sakị goyegoye, sịẹ-sịẹ ma ogboku ḅụ anie àrị Ijiputi ḅio Izirẹlị tọrọkọ tarị tẹ ịn pakama-ḅoarị ye mẹ kẹ ị̀ ẹrị tẹ apụ ma.

Izikẹlị 20:22

Kụma à mịẹ-a, anie ị̀ ẹrẹ sima ḅarị ẹrẹsị sịẹ-sịẹ ma ogboku, anie àrị Izirẹlị pakama-ḅoarị ye kẹ ị̀ ẹrị tẹ apụ Ijiputi ḅio ḅụ.

Izikẹlị 20:9

Kụma à mịẹ-a, aniemẹ ị̀ ẹrẹ sima ḅẹ sakị goyegoye, gbala ịn gbori tẹ ini na anga sime apụ ma ogboku ḅụ à ḍuko-pakama Izirẹlị pịrị tẹ mịnẹ à tọrọkọ-sụn tẹ ịn pakama-ḅo ḅẹm Ijiputi ḅio ḅụ.”

Hosiya 5:5

Izirẹlịapụ ma Opu ẹkwẹn mẹ mie ḅẹrẹ kẹ ịna sịḅị-sẹịn-arị. Ịna asi ịn mịẹ tẹ ịn pụmbụ tẹ ḅịkịarị, tẹ Juda ḅẹ apụ ma ini na ḅịkịarị.

Hosiya 7:10

Izirẹlịapụ ma opu-amịẹaị mẹ ḅẹrẹ oloku ịna ọgọnọ gbanarị. Paka tẹ ye goyegoye ḅụ sọ, amụ ịn pịkị ị̀ ḍọkụma-ḅoa, KỊNỊNYANAḄỌ ịna Tamụnọ ḅe.

Emọsị 7:2

Ị̀ ịkịan mẹ ḅio à ẹrịm Igurube ma ịwọ ịnyịnya goyegoye fị siinm amakiri mẹ ḅụ, anị tẹso à ḅẹẹm, “Tẹịn-Ḅẹrẹtọn-Kụrọ-Nyana KỊNỊNYANAḄỌ, si-wẹrịso ị̀ atomi pịrịị! Ndẹẹ ini inetẹ ḍumo sime ḅẹ ḅara? Ini ịrụ ḅakam, ịn pịkị ịnyọ nyana-a!”

Mayịka 7:9

Wa KỊNỊNYANAḄỌ ḅe ịganị mẹ inema nwenii, ọ̀ wamịna ḅẹrẹ ịgbanị ḅa, gbala wa ọ̀ ḅụụ ḅụ si mịẹm ẹrẹsị, ọ̀ ḅẹrẹkọn wa da-paka tẹ. Ọ̀ wa ọkị-ḅo bele mẹ ḅio suu ḅa; wa tọrụngbọ kẹ ọ̀ ḍụa-ḅọrọma ẹrị ḅa.

Ẹfisọsị 1:12

Ọkọẹrẹsị, ó yee wamịnị, tarị Kịrayịsị kẹ ḅiokpọma apụ ma, Tamụnọ ebube mẹ tokini!

Ẹfisọsị 1:6

Ọkọẹrẹsị, ó yee wa Tamụnọ ebube ḍiki-ḅụụjịrị mẹ gotẹ ò tokini, anie ọ̀ ḅẹlẹma Tụḅọ ḅe ḅụ ọ̀ kẹ papaa ḍie wa pịrị ye mẹ!

Ditẹrọnọmị 32:27

À kịnị na fịya-a ḅọ ḅe ḅẹ kịnị ịganịma ye ḍiki-ḅalafa-a namịna. Anieofori ịn ḍiki-ḅioḅẹlẹ-a apụ ma ḅẹrẹkọn irima ḅa anieofori ịn ḅofa ḅẹẹ: Owu wamịna ḅara iḅi tẹ, KỊNỊNYANAḄỌ ḅe mie mamgba kọrị-a.

Jọsụwa 7:9

Kẹ gotẹ ọkọ ḅẹẹarị, Kenanị ḅẹ apụ na ama mẹ ḅio simearị apụ mamgba anị gboloma ye naa ḅa, tẹ wamịnị ikelema-koro tẹ wamịna ẹrẹ pẹlẹ-siin ḅa tomikiri mẹ ḅụ; anịsakị í tiye mịẹ í gburo-gburotẹ ẹrẹ mẹ pịrị ḅẹ?”