Jerimaya 14:3 - FỊAFỊA BAỊBỤLỤ

³ Ngọ-kọnapụ ma minji gotẹ tẹ ịna afịrịmẹnjịapụ fịrịma-pakamarị; ini ama minji koko ayọ ma muarị, kụma in minji ẹrị-a; ini ịna ye ofori ajongo ma kẹ pịkị-ḅoarị. Ḅioḅẹngbọ-ḅịkị na pikiri na ḅụ ini ịna atọrụ ḅọịarị.

Jerimaya 14:3 Iomraidhean Croise

2 Samụẹlị 15:30

Kụma Devidi, Olivu Tụndụ mẹ ḅẹ kpọlị iwo anga mẹ ḅụ ḅara kẹ ọ̀ sịḅị-ogbo gbana, tẹ tẹmẹ-la ḅara kẹ owu-ma papaa ḅụọ kẹ kpọlị iwom; tẹ tomi ma tẹ ori na sime apụ mamgba ḅara kẹ ịna asịḅị-ogbo gbanam, tẹ tẹmẹ-la ḅara kẹ owu-ma mẹnjịma mum.

2 Samụẹlị 19:4

Amadaḅọ ḅe ḅara kẹ ọ̀ tọrụ gbaịnm, tẹ lee-leema gele pọkọ kẹ owu pakamam, “yei, ì owiḅọtụḅọ Abusalọmụ! yei, Abusalọmụ, ì owiḅọtụḅọ, ì owiḅọtụḅọ!”

1 Amadapụ 17:7

Sakị kẹlẹ ḅọrọ tẹso, eene koro-a mẹ ẹrẹsị, ḍawa mẹ nwẹnị ḅo samụnọ.

2 Amadapụ 18:31

Ọmịnị Hẹzịkaya poki ma. Mie Asiriya ḅẹ amadaḅọ ḅe ḍuko yee, ‘Ọmịnị ọmịna dein mẹ pakamaa, yẹrị na ọmịnị na ogboku, tẹ paka ị̀ ḍọkụma-ḅoo; anịsakị ọmịna aḅụụ ḅụ ḅụọ-ḅụọ mḅọ kụrọ ḅụ paka-ḅo ye fị ḅa, ḅụọ-ḅụọ mḅọ ịla sịn ḅụ paka-ḅo ye fị ḅa, ḅụọ-ḅụọ pịkị mḅọ suḅe ḅio paka-ḅo minji ḅuu ḅa,

Ẹsịta 6:12

Anịtẹso Mọdịkaya nwẹnị pịkịma so amadaḅọ ḅe ogigo mu, Kụma Emanị kururu ḅụ ḅara kẹ ọ̀ sịḅị gbana tẹ fọnya so ọ̀ warị mum.

Jobu 6:20

Ịn ḅiokpọm ẹrẹsị ini ịn pikirimam; in anịjụ ḅom tẹ ḅụụ-jịrị nyanam.

Devidi-Anume 109:29

Yee si kẹ ị̀ tọn apụ ma tọrụ-tuu; yee ịn ḅụụ-jịrị kẹ kapa kịkama tẹ sụa.

Devidi-Anume 40:14

Yee owu gbọrsịḅị ị̀ ḅaa ḅẹ ḍọkịarị apụ ma ḅara si fama, tẹ in pikiri-pikiri. Yee à ḅụụ-fụka daarị mẹ gotẹ ḅioḅẹlẹarị apụ ma pịkị ọḅụ da tẹ ḅụụ-jịrị.

Jerimaya 14:4

Anị gotẹ ọkọ sime ye eene koro-a, tẹ kiri mẹ pịkị samụnọ-kpakịkị tẹẹ, ḍụọ-kọrịapụ ma ḅioḅẹngbọ si tẹẹ; ini ịna atọrụ ḅọịarị.

Jerimaya 15:18

Tiye ẹrẹsị à paa tọrụsiẹrị-siẹrị-siẹrịarị? Tiye ẹrẹsị ị̀ ịnọ ma ḅarị gwọ ḅịa ḅara simearị? Arị tiegotẹ gwọ ḅịa? Í ì pikirima ḅẹ ḅiiarị ḅoto, tẹ àrị ịrụa kụra ḅẹ ḍaḅa kịka tẹ samụnọ-kpakịkịarị?

Jerimaya 2:13

kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:37

Í Ijiputi ḅụ pịkị-so ḅa, ḅụụ-jịrị kẹ sịḅị-tuu ḅụ. Yẹrị KỊNỊNYANAḄỌ ḅe ị́ kẹ ḅiokpọmarị apụ ma sịkị tẹẹ; ịna ḅụ ị́ nyana ḅẹ gbọrụ sọye sọ ofori.

Jerimaya 20:11

Kụma, KỊNỊNYANAḄỌ, ị̀ jụ emi, ị́ kụrọ tẹ opu kụrọ nyana wararị, tẹ ḅaa-ḅọkọ kẹ ị̀ ḍọkịarị apụ ma ḅịkị ḅa. Ịna tọrụ-tuu gbamaso ḅa, in ḅiiarị ye ini inetẹ nyana ḅịa ẹrẹsị. Ịna tọrụ-tuu mẹ gbala-gbala ḅioḅọrọ ḅịa.

Jerimaya 3:3

Anie mịẹ tẹ eene ḅarị koro-a, tẹ fẹngụ aya-ḅịḅị ḅẹ nwẹịn-nwẹịn eene mẹ sọ ḅo-a. Ḍiki-tọrụ ḅụ kịngẹ sọ ị́ ama-mẹnjị-ẹrẹḅọ kịkarị; ị́ ḅụụ sọ jịrị-a.”

Kururu Owu-apọkọ 4:4

Minji pọkọ-tarị ḅụ ịn ḍikiḍikiarị awọmẹ ma ḅẹlẹ samụnọ tẹ ịna ḅịḅị oḅolom; awọmẹ ma sisi tẹkẹ tẹ fịye ḅiim, kụma gbọrụḅọ-sọ fịye kẹ in pịrị-a.

Hosiya 2:3

Á ḍụkụ-a ḅẹḅẹ, àrị á paụma fama tẹ árị ini árị iyi ene mẹ ḅụ á sime-ḅara sime ḅa. Àrị á mịẹ tẹ árị ịkpa kịka ḅa, tẹ á minji-pọkọtarị ḅụ fịị ḅa.

Jowẹlị 1:20

Piri-ḅio-ḅẹ anama ma sọ owu pakama ị́ pịrịarị, ḍawọ ḅio ḅẹ aminji ma ḅo fa kụlụkụlụ tẹ ẹrẹsị.

Emọsị 4:7

Yẹrị eene mẹ ọlọ-sịẹmam ó ḍiḅi aị ma anị ḅii tẹịn sakị ḅụ. Àrị eene kẹ gbọrụ opu ama fịrịmam, kụma osi ye à fịrịma-a. Eene gbọrụ ḍụọ ḅụ saram, kụma osi ḍụọ samụnọm.

Emọsị 4:8

Minji ḅuu pọkọ-tarị ḅụ ịnyọ-fa tẹẹ, tọnwa opu ama ḅẹ apụ gbọrụ opu ama mum ini anịjụ minji nyana ḅẹ ḅiokpọ ḅụ, kụma inimgba ḅuu ḅẹ ḅara la-a. Anịsọ ịn paa pịkị ị̀ ḍọkụma-ḅoa.”

Zẹkaraya 14:17

Ḅẹ sịẹ-sịẹ tẹ amadaḅọ ḅara kẹ mu sunsin Kụrọmamgba nyana KỊNỊNYANAḄỌ ḅe pịrị ḍụkụ-a sịẹ, eene koro ịna amakiri sara ḅịa anị sakị ḅụ.