Jerimaya 14:22 - FỊAFỊA BAỊBỤLỤ

²² Tomikiri ḅẹ asịẹ ma oru-afụḅara ma ḅẹ gberie tẹ inetẹ eene koroma ḅẹ ye ofori; so tọrụ mẹ ḅioju sọ inetẹ nwẹịn-nwẹịn eene sọ koroma ḅịa. Ị́yẹrị mie wa kẹ ḅiokpọmarị ḅọ, yei KỊNỊNYANAḄỌ, wamịna Tamụnọ, ị́yẹrị anie mịna aị ma mịẹ-mịẹ ḅọ ẹrẹsị.

Jerimaya 14:22 Iomraidhean Croise

1 Amadapụ 17:1

Mị sakị ḅụ Tisibi ḅẹ Ịlayịja, Gilẹdị ḅụ sime ḅọ ḅe nwẹnị Ehabụ ḅẹẹ, “KỊNỊNYANAḄỌ Izirẹlịapụ tẹkẹarị Tamụnọ ḅe ḍumo wararị ogbo, ori ḅe tẹ à fịrịmẹnjị pịrịarị ḅọ ḅe, à ḍuko-a sime ogbo, mịna akụra ma ḅụ igirigi anịanịa eene koro ḅịa.”

1 Amadapụ 17:14

Gbala mịẹ KỊNỊNYANAḄỌ, Izirẹlịapụ tẹkẹarị Tamụnọ ḅe ḍuko yee, ‘Fịlawa-kokoye mẹ ḅio fịlawa ḅarị faa ḅịa, pulo-sụaye mẹ ḅio sọ pulo ḅarị kụnụnụ ḅịa nwenii àrị eene kẹ tomikiri mẹ fịrịma ene la ḅa!’ ”

1 Amadapụ 18:1

Tẹra akụra karama kụra mẹ ḅụ, tọnwa aḍin ḅọrọ tẹso, KỊNỊNYANAḄỌ ḅe nwẹnị Ịlayịja ḅẹẹ, “Muu, tẹ ị́ ḅụụ kẹ Ehabụ ḍiee, anịsakị àrị eene kẹ tomikiri mẹ fịrịma ḅa”

1 Amadapụ 8:36

So-ḅio ḅụ ịn naa. Amadaḅọ ḅe na Izirẹlịapụ ma na asi ma wẹrịso ịn pịrị. Kuraye mẹ kẹ ịn toluma tẹ ịn mịẹ. Anịtẹso ọkụma, eene kẹ mie ị́ ama mẹ fịrịmaa, ị́ kẹ ị́ atomi pịrịm ịn gbọrsịḅị angaa tẹ nyanaa ḅẹ ama mẹ.”

Jobu 28:26

ori oloko sụa eene mẹ pịrị tẹ etela mịẹ so-alagba mẹ ḅẹ ḅalapụ pịrị sakị;

Jobu 5:10

Tomikiri mẹ ọgọnọ ori eene pịrịm tẹ minji kẹ ḍụọ ma ọgọnọ fịrịmam.

Devidi-Anume 130:5

À ḅio-sẹsẹ ḅara kẹ KỊNỊNYANAḄỌ ḅe ḅarasụa koruarị, tẹ arị ori ẹkwẹn kẹ ḅiokpọmarị.

Devidi-Anume 135:7

Tomikiri ḅe akunoma ma ḅụ mie ori erise oḅuto ma ọkị-ḅoarị; ọ̀ mịẹ tẹ so-ḅalapụ tẹ erise fiearị, tẹ nwẹnị ọ̀ fẹrụ mẹ pakama ḅoarị ori anị koko wẹrị yọ ḅụ.

Devidi-Anume 147:8

Ori oḅuto wasamarị So-tọrụ mẹ ḅẹ; ọ̀ mịẹ tẹ eene koroarị kiri mẹ ọgọnọ, tẹ tụndụ ma ọgọnọ osuka pakarị.

Devidi-Anume 25:21

Yee ì iḅi na ị̀ kịnị-inoma-a na ì koko, àrị ị́ kẹ ḅiokpọmarị ẹrẹsị.

Devidi-Anume 25:3

Ị́ kẹ ḅiokpọma apụ ma owu ịna ḅara si-si-a: kụma sarasarama kọngọ-kụrọma tẹ ị́ na tụḅụrụarị apụ ma mie owu-ḅara-sii ḅo pịrịarị.

Devidi-Anume 27:14

KỊNỊNYANAḄỌ ḅe kẹ ḅiokpọmaa. Ò mininii, ḅioḅẹngbọ ḅịkị ma. KỊNỊNYANAḄỌ ḅe kẹ ḅiokpọmaa.

Ayịzaya 30:18

Anịsọ KỊNỊNYANAḄỌ ḅe paa koruarị ori ọkụrụkụrụ nyana ọ́ pịrị. Ọ̀ tẹlẹma wararị ò ḍiki sịḅị-jịrị, sakị mamgba ò kuraye mịẹarị ẹrẹsị. Ḅioḅẹlẹ sime KỊNỊNYANAḄỌ ḅe kẹ ḅiokpọmarị apụ ma pịrịm.

Ayịzaya 30:23

Ó ye ḍiḅiarị sakị goyegoye ḅụ KỊNỊNYANAḄỌ ḅe eene kẹ fịrịma tẹ ḍiḅi aị ma so-paka tẹ tọnwa afịaị pakama sara ḅa soku sakị ḅụ. Anị ene mẹ ḅụ, ọmịna opu anama ma tọnwa osuka nyana tẹ fị ḅa.

Ayịzaya 41:29

Ma oru-atamụnọ mamgba in ye ḅụ sọ-a; gbala-gbala ini inetẹ mịẹ-mịẹ gberie-sọ ofori ma mḅudu ma ini ịnyọ na kụrọ na nyana-a.

Jerimaya 10:12

KỊNỊNYANAḄỌ ḅe kiri mẹ tẹmẹm ọ̀ kụrọ ḅụ; Ò nimi ḅụ ò tomikiri mẹ tẹmẹ tẹ So ma nụnụ finjimam.

Jerimaya 10:13

Ori tọn ḅara ḅụ So-tọrụ mẹ ọgọnọ-jụ ḅẹ minji mẹ ḍụrụkụarị; Ori oḅuto mẹ ọkị-ḅoarị tomikiri mẹ ḅẹ ịkọlị ma ḅụ. Eene ḅio ọ̀ mịẹ tẹ so-ḅalapụ tẹ kọrị ḅọrọarị tẹ fẹrụ fịrịma pakamarị ori anị koko wẹrị anga ḅụ.

Jerimaya 10:15

In kẹ mịẹ-mịẹ ye ofori, tẹ kịnị in ḍiki iderima ḅa; KỊNỊNYANAḄỌ ḅe ḅo ọ̀ kẹ ịn mịẹ ḅẹ ye kẹ ịn mịẹ sakị in gulugulu ḅa

Jerimaya 10:3

Mịna atomi ma tamụnọ nimi ḅara mẹ ye-ḅụ-sọ-a. Ini opu piri-ḅio-ḅẹ sịn pẹlẹ-gbin-arị; ini akanị-aị kẹ anị kịrarị,

Jerimaya 16:19

KỊNỊNYANAḄỌ, ị́yẹrị anie ị̀ gbaịn tẹ pịkị ịnyọ kẹ ị̀ pịrịarị ḅọ; ị́ ḅarasụa ị̀ pịrịarị ḅụụ-fụka sakị ḅụ. Sịẹ-sịẹ ma tomikiri ḅẹ ịkọlị ma ḅụ sime tẹ ḅo tẹ ḅẹẹ ḅa, “Wamịna elemu-aḍapụ ma jen gberie-sọ nyana-a, kụma iruo atamụnọ, gberie-sọ gberie-a kụma ye-ḅụ-sọ-a oru-afụḅara.

Jerimaya 5:12

KỊNỊNYANAḄỌ atomi ma ò pịkị tẹ ḅẹẹ tẹẹ, “Karakaramatẹ ọ̀ mịẹ ḅẹ ye ofori. Wa kụrọ-kụrọ sakị nyana ḅịa. Wa ọmụ, anịanịa ḅuru-ḅa sakị nyana ḅịa”

Jerimaya 5:24

Gbala-gbala ó kuroma tẹ ị̀ kụn-a tụkụmaye yẹrị fẹngụ eene mẹ na ịrụa kụra aya-ḅịḅị ḅẹ eene mẹ na kẹ fịrịma tẹ fịaị soku sakị mẹ kẹ ọ́ pịrịarị sọ, kụra-kụra ḅụ.

Jerimaya 51:16

Ori tọn tẹ So-tọrụ ḅẹ minji mẹ ḍụrụkụm; kiri mẹ ḅẹ ịkọlị ma ḅụ mie ori oḅuto ọkị-ḅoarị. Eene koroarị sakị ọ̀ mịẹ tẹ so-ḅalapụarị tẹ ọ̀ fẹrụ koko anga ḅụ anị fịrịma pakamarị.

Hosiya 2:7

Á mangị á ḅẹlẹmapụ ma ḍuka-mu ḅa, kụma árị inetẹ ịn la ḅịa. Árị ịn ḍọkị ḅa, kụma árị ịn ḍọkị ẹrị ḅịa. Anịtẹso á ḅẹẹ ḅa, “À pịkịma-so ị̀ tarị diḅọ ḍọkụma-mu ḅa — anị sakị ḅụ ye ị̀nịna iḅi mịọkụ nẹngịm.”

Jowẹlị 2:23

Zayọnị ḅẹ apụ, ó ḅioḅẹlẹẹ, ó ḍerekuu, KỊNỊNYANAḄỌ ọmịna Tamụnọ ḅe mịẹ ọ́ pịrị ye ḅụ. Ori ọmịnị na iḅi ḅẹ ḅara kẹ ḍụọ soku sakị ḅẹ eene kẹ ọ́ pịrị tẹẹ; ori ịwọ eene ọsụma sara ọ́ pịrị tẹẹ, pịkị ḍiḅi-aị ịwọma pakarị sakị ḅẹ eene mẹ sọ, tarị anị mịẹ-mịẹ ḅara ḅụ.

Emọsị 4:7

Yẹrị eene mẹ ọlọ-sịẹmam ó ḍiḅi aị ma anị ḅii tẹịn sakị ḅụ. Àrị eene kẹ gbọrụ opu ama fịrịmam, kụma osi ye à fịrịma-a. Eene gbọrụ ḍụọ ḅụ saram, kụma osi ḍụọ samụnọm.

Mayịka 5:6

Okologie ḅụ ini Asiriya nẹngịma ḅa, tẹ lubulu ḅio nụnụ paka-ḅo okologie kẹ Nimirọdị nẹngịma ḅa; anịsakị ini Asiriya ḅẹ apụ ḅara ḅụ wa ḅọrọma ḅa, Nimirọdị wamịna ama ḅio sọ ḅo tẹ wamịna ama agara mẹnjị sakị.

Mayịka 7:7

Kụma yẹrị kịngẹ ọkụma, à tọrụ saakị KỊNỊNYANAḄỌ ḅe ḍiki ḅa, arị ị̀ ḅọrọma mẹ ọkị-ḅo ḅarị Tamụnọ ḅe koru ḅa; ị̀ Tamụnọ ḅe ori ị̀ naa ḅa.

Matiyo 5:45

miemẹ mịẹtẹ ó ḅo ọmịna So-ḅio ḅẹ Ḍaḅọ ḅe awọmẹ sọ ḅa. Kẹ gotẹ ọkọ ḅẹẹarị, ori mie mịẹtẹ ịrụa mẹ gbọrụ ḅara kẹ ḅịya iḅi atomi na, si-mịẹapụ na saramarị ye, tẹ ọ̀ pịkị eene kẹ iḅiye mịẹ apụ na siye mịẹ apụ na pịrịarị ye.

Ditẹrọnọmị 28:12

KỊNỊNYANAḄỌ ḅe ọmịna ama mẹ ḅẹ eene mẹ kẹ anị ḅẹ sakị ḅụ ọ́ pịrị, tẹ ọmịna aḅara ḅẹ kọrịnama mamgba boma ḅụ, so ma, ori iḅi ngọ koko warị mẹ finji ọ́ pịrị ḅa; anịsakị ó ye kẹ tọnwa opu asịẹ ḅọlọ ḅa, kụma ó ye ḅọlọ ḅịa.

Ditẹrọnọmị 32:21

In ì jikema tẹ arị aniemẹ tẹ tamụnọ-a ye na afana sọ tẹ, ini ịna akpokobịa ma kẹ ị̀ ịganịma tẹẹ. Anị ḅara mie à kẹ ịn jikema tẹ ini inima tẹ tomi-a tomi ma na afana sọ ḅarị ḅara; à ye-nimia gbọrụ opu sịẹ ḅụụ sọ tẹ ini ịganịma ḅa.