Jerimaya 14:21 - FỊAFỊA BAỊBỤLỤ

²¹ Í minini aị ma kẹ ḅiokoroma tẹ wa ḍiki-sima ma; tọrụ-tuu ọkị-ḅo Jeruselemu ọgọnọ gbana ma, í ebube emine mẹ sime-yọ mẹ. Ị́ wamịnị na fị ọḅọkụ mẹ kan ma.

Jerimaya 14:21 Iomraidhean Croise

Devidi-Anume 106:40

Anie ẹrẹsị KỊNỊNYANAḄỌ ḅe ịganị nyana ori atomi ma pịrị; ịna amịẹaị nwẹnị ọ̀ ḅụụ si lama.

Devidi-Anume 106:45

In gotẹ ori ori ọḅọkụ mẹ kẹ ḅiokoromam, tẹ ori opu ḅẹlẹma mẹ ẹrẹsị ọ̀ ḅara wẹrịm.

Devidi-Anume 145:11

Ini ị́ ama nyana kụrọ mẹ ḅẹ ebube mẹ ḅụ ẹkwẹn ḅa tẹ í opu kụrọ mẹ gotẹ ḅa,

Devidi-Anume 25:11

KỊNỊNYANAḄỌ, í minini ḅara mị, tẹ ị̀ asi ma wẹrịsoo, arị ḅaka wararị ẹrẹsị.

Devidi-Anume 51:11

Gbọrsịḅị ì dee-siin ma ị́ tọrọkọ ḅụ, ị́ fịafịa tẹmẹ siin ọkị ma ị̀ ḅụụ ḅio.

Paka-so 32:13

Ị́ afịrịmẹnjịapụ Ebira-amụ na, Ayịzịkị na, Izirẹlị na kẹ ḅiokoromaa, inima tẹ ị́yẹrị ḅioju ḅarana ye karị ḅara kẹ ịn ḅẹẹm, À mịẹtẹ ọmịna furo-ḅẹ-apụ lolo-kama tẹ So-tọrụ ḅẹ alolia sime ḅara sime ḅa, anịsakị mị ama mẹ tẹ à minini ye mẹ, à kẹ ọmịna furo-ḅẹ-apụ pịrị ḅa, tẹ ini anị nyana gbamaso ḅa.’ ”

Ayịzaya 62:6

Jeruselemu, í onu ma ọgọnọ arị ama-koru apụ kẹ koroma tẹẹ; In gbọsime ḅịa eneḅaka-o, ḍin-o Ịn KỊNỊNYANAḄỌ ḅe mịẹ ḅẹ tẹ minini aị ma kẹ ò ḅiokoroma nyanam Tẹ gbala-gbala ḍụkụ tẹ ori arị kẹ ḅioḅọrọma ḅịa.

Jerimaya 14:19

KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 14:7

Ị̀ atomi owu ị̀ pịrịarị: Tụkụmaye wamịna asi ḅẹrẹ kẹ wamịna sịḅị gbanarị sọ, KỊNỊNYANAḄỌ, ḅarasụa wa pịrịị, í minini tẹ ḅara ḅụ. Tọnwa asakị wa nwẹn kẹ ị́ ḅụụ pịkị-so tẹẹ; wa si kẹ ị́ mịẹ tẹẹ.

Jerimaya 17:12

Wamịna Tamụnọ-warị mẹ anị ebube nyana emine kịkarị, sukuyọ-saakị ḅụ gele-tụndụ ọgọnọ sịẹ wararị.

Jerimaya 3:17

Anị sakị mẹ ḅụ, ịn kẹ Jeruselemu sịn ḅarịye: KỊNỊNYANAḄỌ Ḅe Emine, tẹ sịẹ-sịẹ ma anị anga kobiri tẹ sunsin ị̀ pịrị ḅa. Ịn ḅarị jen kẹ ịna kọngọ-kụrọ na sitẹ aḅioḅẹngbọ ma ḍuko ịn pịrị aị mịẹ ḅịa.

Kururu Owu-apọkọ 1:10

Kịnị na fịya-a ḅọ ḅe amịna aḅara sụn-pakama á ḅụụ yela aị mamgba ọgọnọ gbana tẹẹ; inn, árị opu asịẹ ma á fịafịa yọ mẹ gbaịn-koro, tẹ anị fọịn ḅara ẹrị tẹẹ, inima tẹ í tomina-ogbo mẹ ḅio sọ-ḅo mẹ ị́ tọn-tọn apụ ma.

Kururu Owu-apọkọ 2:20

Yei KỊNỊNYANAḄỌ, ḍikii, tẹ ẹrịị! Ị́ ḅọrọ mịẹ ḅara mẹ kẹ tụḅọ na mịẹarị? Ereme ini iyi awọmẹ pẹị na-iḅi, ini ḍikiarị awọmẹ ma? Agbamịẹḅọ na, ịkịankoroḅọ na ḅaa na-iḅi KỊNỊNYANAḄỌ ḅe fịafịa yọ ḅụ?

Izikẹlị 20:22

Kụma à mịẹ-a, anie ị̀ ẹrẹ sima ḅarị ẹrẹsị sịẹ-sịẹ ma ogboku, anie àrị Izirẹlị pakama-ḅoarị ye kẹ ị̀ ẹrị tẹ apụ Ijiputi ḅio ḅụ.

Izikẹlị 24:21

Mị oku mẹ kẹ ọmịnị Izirẹlịapụ ma pịrị: Ọ́ Tamụnọ-warị mẹ ḅẹ ịnyọ mẹ kẹ ḅụụ-tọn-arị. Anị ḍikiḍiki tẹ mu-mu anị la ọ́ ḅụụ-ḅẹlẹarị, kụma KỊNỊNYANAḄỌ ḅe anị kẹ tọn-tọn-a ḅara wẹrị ḅẹ-yearị. Anịsakị ọmịna asambịrịma apụ ma tẹ warị-warị ḅụ Jeruselemu ḅụ kirikọn-apụ ini ịn ḅaa ḅa ọmụ ḅio.

Izikẹlị 39:25

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Kụma mịọkụ àrị ọkụrụkụrụ nyana Jekọbụ furo-ḅẹ-apụ ma pịrị ḅa, Izirẹlịapụ ma, tẹ mịẹ tẹ in siin lọkọlọkọ ḅa. Àrị ị̀ fịafịa kịrị ẹrẹ mẹ ḍụa ḅa.

Izikẹlị 43:7

“Fịị-fịị tomḅọ, ì emine mịẹ anga emi. À mịanga anga ḅa Izirẹlịapụ ma ogboku, tẹ ḅẹrẹtọn ịn pịrị mu ḅẹẹ-sakị ḅẹẹ-sakị la ḅa. Izirẹlịapụ ma-o ịna amadapụ-o ḅarị jen kẹ ị̀ fịafịa ẹrẹ mẹ sima ḅịa sunsin oru-atamụnọ pịrị anịanịa ịna amadapụ ma fịtẹ oju akpakpa ma kẹ mị yọ ḅụ ḍiḅi.

Danẹlị 9:7

Ị́yẹrị, KỊNỊNYANAḄỌ, sakị mamgba kuraye mịẹarị, kụma wamịnị sakị mamgba tọrụ-tuu dogi-ḅo ḅụụ pịrịarị. Mie anị sime wamịnị-mgba tẹ Juda na Jeruselemu na Izirẹlịapụ mamgba tẹ ị́ kẹ sịẹ-sịẹ ma, kpeki anga sime aị na sụma-jụ sime aị na ogboku gala-galama wararị apụ ma na sime-ḅara, wa ḅioḅẹngbọ-kẹ-sịrẹrẹ-niḅi ḅara sime ị́ pịrị-a ẹrẹsị.

Lẹvitikọsị 26:11

À nwẹnị ọmịna ogbo-ḅio ị̀ anga yọ pakama ḅa tẹ àrị ọ́ sịkị ḅịa.

Emọsị 6:8

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mị tẹmẹ-la ḅeri nụnụ ẹkwẹn mẹ kọn tẹẹ: “Arị Izirẹlị ḅẹ apụ ma ḅụụ-gelema mẹ ḍiki-ḅioḅuarị; ịna igbigi la ḅụratẹ iḅi awarị ma, ị̀ ḅụ gberie sọ la-a. Ịna sịḅịda opu ama mẹ na anị ḅio sime-ye sime-ye na à kẹ ini na fịya-a apụ pịrị ḅa.”

Luku 1:72

Ọ̀ ḅẹẹm ọ̀ wamịna atẹngịapụ ma ḍiki tọrụ-kụrụkụrụ ḅa, pịkị ori ini na fị fịafịa ọḅọkụ mẹ kẹ ḅiokoroma ḅa.

Luku 21:24

Ini okologie kẹ ja apụ ḅaa ḅa; ini ikoliapụ ḅara kẹ osi apụ kun so ja asịẹ mu ḅa; tẹ oru nimi apụ Jeruselemu mẹ ḅio anga tẹ mẹnjịma, mẹnjịma nwenii ịna sakị kara ḅa.

Ẹfisọsị 2:7

Ò gotẹ miemẹ mịẹ ye, kẹ kịnị ḍie mu ḅẹẹ-sakị ḅẹẹ-sakị la, kẹ Kịrayịsị Jizọsị ḅụ ọ̀ kẹ wa ḅẹlẹma ye mẹ ḍie-pakama, ọ̀ ḅakatẹ, inetẹ go ḅịa opu ḍiki-ḅụụjịrị ḅẹlẹma mẹ ḅụ.

Ditẹrọnọmị 32:19

KỊNỊNYANAḄỌ ḅe arị ẹrịm, tẹ ịn sịkị simam, ori owiapụ-awọmẹ na, ori eremịna-awọmẹ na kẹ ori ịganịma ye gotẹ.

Mịẹfinji 11:2

Kụma anị ḅioju ḅụ sime tẹ paka-ḅo laarị anga mẹ tọnma, kẹ gotẹ ọkọ ḅẹẹarị, anịanga mẹ ịn kẹ oru nimi apụ ma pịrị tẹ, anie akalụ amesi maa akalụ finji kẹ Fịafịa Opu Ama mẹ ḅio mẹnjịma, mẹnjịma ḅarị apụ ma.

1 Samụẹlị 12:22

Kẹ gotẹ ọkọ ḅẹẹarị, KỊNỊNYANAḄỌ ḅe ori atomi kẹ wakị-nguma ḅịa, ori opu ẹrẹ mẹ ẹrẹsị, anị gbala KỊNỊNYANAḄỌ ḅe ḅụụ-ḅẹlẹm ọ́ kẹ gbọrụ atomi mịẹ ọ̀ ḅụụ pịrị.