Jerimaya 14:2 - FỊAFỊA BAỊBỤLỤ

² Juda kururuarị, anị ḅẹ opu ama ma ḅẹ apụ fịịarị, in kururu ḅụ kiri ḅio ḅọlọlọ wararị, tẹ Jeruselemu ḅarasụa gotẹ owu pakamarị.

Jerimaya 14:2 Iomraidhean Croise

Jobu 34:28

Anieḅụ ịn mịẹ tẹ igoin-apụ ma owu mẹ ọ̀ ḍọkụma-ḅom, tẹ ọ̀ ḅụụ-fụka ḅụụ ḅụ simearị apụ ma owu naam.

Devidi-Anume 144:14

Yee wamịna opu anama ma tọnwa aị iyi sara, fura so-a pịkị iri-faa ḅara sime. Yee wamịna etela ma ḅụ kịnị opu ḅụụ-fụka gotẹ owu ma-ḅọrọ ma.

Paka-so 2:24

Tamụnọ nwẹnị ịn kọn-arị iningi mẹ naa, tẹ ori Ebira-amụ na, Ayịzịkị na, Jekọbụ na, fị ọḅọkụ mẹ kẹ ḅiokoroma.

Ayịzaya 15:5

Ị̀ ḅioḅẹngbọ owu pakama Mohabụ pịrịarị. Tomi ma mangị-so Zoha ama mu tẹ, pịkị Sẹlisiya ḅẹ Egilati na. Japụ owu-owu tẹ etela mẹ kpọlị iwo Luhiti muarị; jen-apụ pụkọ-pakaḅo Horona-imu muarị, owu-owu pakama ḅụ.

Ayịzaya 24:11

Tomi etela ogbo ma ḅụ iru ḅarị ofori gotẹ olokuarị. Ḅioḅẹlẹ gbọrsịḅị so tẹ; amakiri mẹ ḅụ ini anị dee-siin tẹ.

Ayịzaya 24:4

Kiri mẹ samụnọ-kpakịkị tẹ anị ḅụ so-paka aị kpatụarị; ịnyọ bebe tomikiri mẹ ḅụ faarị; kiri mẹ na So-tọrụ mẹ na, ma maaịn ma, si tọrọkọ, tọrọkọ muarị.

Ayịzaya 24:7

Kụrọ mgbọlụ ma kpatụarị, tẹ iru saakị kụrọarị. Gbọrụ sakị ḅioḅẹlẹ sime apụ ma ḅo mịọkụ kururu tẹ,

Ayịzaya 3:26

Ama mẹ ḅẹ onu-aḅọkọ ma kururu tẹ owu ḅa, tẹ ama mẹ ḅioju ịn paụmatẹ kiri ḅio lẹgị wararị ẹrẹḅọ kịka ḅa.

Ayịzaya 33:9

Amakiri mẹ papaa koro-simearị, tomi ma mangị-so tẹ. Lẹbanọnị ḅẹ opu apiri ma kpatụ tẹ, Sarọnị ḅẹ iḅi ḍụọ ḍiḅi kiri mẹ ḅo ịkpa sọ tẹ, anịsakị Basani na Kamẹlị Tụndụ na ḅẹ asịn ma ịnyịnya sararị.

Ayịzaya 5:7

Izirẹlị anie KỊNỊNYANAḄỌ, Kụrọmamgba Nyanaḅọ ḅe kụrọ ḍụọ mẹ; Juda ḅẹ apụ ma anie ò ḍiḅi kụrọ asịn ma. Ori ini iḅiye mịẹ ḅẹ ḅara kẹ in ḍikim, kụma anie nakara ịn kịnị ḅaam. Ori in kuraye mịẹ ḅẹ ḅara kẹ in ḍikim, kụma ịn ḅaa apụ ma oloku pakamam mịnẹ ịna gbẹẹfị ḅii.

Jerimaya 11:11

Mie ḅụ, mịọkụ yẹrị KỊNỊNYANAḄỌ ḅe ịna ḅeri nụnụarị mịnẹ à ḅaa-guluguluma ọkị-ḅo ịna ọgọnọ gbana ḅa, tẹ ini anị ḅụ pụkọ-so ḅịa. Tẹ ịn ḅara sụa gotẹ oloku sakị arị in poki ḅịa.

Jerimaya 12:11

Ini anị kẹ kịnị anga-anga-a yọ sọma tẹ, anị papaa kan-sara tẹ koro-simearị ị̀ tọrọkọ. Bebe amakiri mẹ ḅo ịkpa sọ tẹ, gbọrụḅọ-sọ kẹ ye-sịn-a.

Jerimaya 12:4

Wamịna amakiri mẹ samụnọ mu tọ sakị la ḅẹ, tẹ ḍụọ ma ḅio mamgba nama fị ḅẹ osuka mamgba kpatụ fama ḅẹ? Nama ma na feni ma na fịịarị wamịna ama ḅẹ apụ ma si-sịḅịḅio ẹrẹsị, anie ḅarị apụ ma, “Wa mịẹarị aị ma Tamụnọ ẹrị-a.”

Jerimaya 18:22

Si atomi ogbo kẹ fịrịma mu ịna awarị fọịn ini ịba naa-a ḅara ḅụ; ịn mịẹ tẹ ini opu ḅalafa kẹ oloku pakama. Ini olulu soku ị̀ pịrịtẹ à ḅịkị sọ ḅẹ ḅara, pịkị ḍiein tuu tẹ kẹ ì kun ḅẹ ḅara.

Jerimaya 4:28

Kiri mẹ kururu ḅa, So-tọrụ mẹ ḅo kanakana ḅa, KỊNỊNYANAḄỌ ḅe ọkọ ḅẹẹm, ori ò kuroma ḍima ḅịa. Ọ̀ tọn pẹlẹ tẹẹ, Ọ̀ ḅarị ọḅụ ḍiki ḅịa.

Jerimaya 46:12

Sịẹ-sịẹ ma ọmịna ḅụụ-jịrị gboloma ye naa tẹ ḅẹḅọ-ḅẹḅọ ọmịnị owuarị ye naa tẹ. Gbọrụ ọmụḅọ osi-ḅọ ḅụọ tala tẹ, tẹ ini maa apụ ḅịkị kiri koro tẹ.

Jerimaya 8:21

Ì ḅioḅẹngbọ kan kọsị tẹẹ, ini ị̀ atomi kọsịma tẹẹ ẹrẹsị; à kururuarị, ì ḅioḅẹngbọ ḅịkị fama tẹẹ.

Kururu Owu-apọkọ 2:8

KỊNỊNYANAḄỌ ḅe tọn tẹẹ mịnẹ ọ̀ kpọma-ḅẹlẹmarị Jeruselemu onu mẹ kan-sara ḅa; ò ye-tọn ḍigi kẹ anị tọn siinm; anị kan-sara ḅụ ori ọ̀ ḅara ọlọ-sịẹma-a; ọ̀ mịẹ tẹ onu na anị palị kụrọma lịka na kururum, ịn ḅarị koro-a ḅara sime gbolomam.

Kururu Owu-apọkọ 2:9

Árị ogigo-aḅọkọ jine kiri-ḅio sọ tẹẹ; arịḅẹ ẹngbẹsẹ-ikulele ma, ò ye kẹ lama tẹ arị anyịma tẹẹ; árị amadaḅọ na, amadaḅọ owiapụ-awọmẹ ma na, opu asịẹ ma ogbo ḅio emi; oloko mẹ ḅarị ofori, anịsakị arị ịkịankoroapụ sọ ḅarị KỊNỊNYANAḄỌ ḅe ḅụ ḅo ịkịan ẹrị-a.

Kururu Owu-apọkọ 5:10

Ịnụ mẹ fịnị kọrị ḅara kọrịarị ye mẹ ḅẹ ọfịrị, wamịna oju-apara ọfịrịma tẹ gbala wa ọpọ akaka emi.

Hosiya 4:3

Tẹ mie ḅụ amakiri mẹ samụnọ-kpakịkị ḅa, tẹ anị ḅụ angarị ye goyegoye fịị ḅa. Nama mamgba na feni ma na pịkị inji sọ fịị ḅa.”

Jowẹlị 1:10

Ḍụọ-akiri ma gulugulu tẹẹ, kiri mẹ ḅarị fịaị pakama-a; anịẹrẹsị mgbọlị-fịye ḅarị ofori. Ịwọ iru fa tẹẹ, Pulo sọ fa tẹẹ.

Jowẹlị 1:11

Ọmịnị ḍụọ-kọrịapụ, ó ḅioḅẹngbọ sii nyanaa; ọmịnị girepu-aḍụọ ma ḍikiḍikiarịapụ, ọmịnị owu pakamaa; ịn kẹ witi na bali na sịn afịaị ma inn, soku-ḅẹ afịaị mamgba gulugulu tẹ ẹrẹsị.

Jowẹlị 1:14

Ó ḅuru-ịmọ tọn pakamaa, kobiri sịịn! Amakiri mẹ ḅẹ sịḅịdapụ ma na tomi ma na kobiri ḅoo, KỊNỊNYANAḄỌ ọmịna Tamụnọ ḅẹ Warị mẹ ḅio, tẹ owu pakama ọ̀ pịrịị.

Jowẹlị 2:6

Ịn ḅoarị ḅara mẹ, ḅẹḅọ-ḅẹḅọ tẹmẹ-naịn-naịnarị, tọrụkuḅu goyegoye bosoloarị.

Hegayị 1:11

À samụnọ sakị ọkị-ḅo kiri mẹ lama tẹ — anị ḅẹ tụndụ ma ọgọnọ na, mbịaka aḍụọ ma na, kụrọ aḍụọ ma na, fị sịn mgbọlụ aḍụọ ma na — kiri mẹ pakama-ḅoḅo ye goyegoye, tomi na nama amẹẹ ma ọgọnọ na, ọ́ ḅụụkụrọma tẹ ḍiḅi ḅarịye goyegoye ọgọnọ ḅụ.”

Zẹkaraya 7:13

Àrị ẹkwẹn sakị in poki-a ẹrẹsị ịn tẹkẹ sakị àrị ịn pakịrị-a.

1 Samụẹlị 5:12

Tomi ma tẹ fịị-a apụ pumbulo obi fomu-ḅara dam, tẹ opu ama mẹ owu mẹ nwẹnị iwo mu so la.

1 Samụẹlị 9:16

“ḅaa nwẹn pembe sakị ḅụ à Benijamịnị ama mẹ ḅụ ḅo gbọrụ owiḅọ kẹ ị́ fịrịma ḅa, anịsakị amadaḅọ owiḅọtụḅọ sọ ị̀ atomi Izirẹlịapụ ma pịrị ḅarị ḅọ ḅara ḅụ í pulo kẹ ọ̀ sịḅị sara ḅa. Ori ị̀ atomi Izirẹlị ḅọrọma ḅa Filisiteniapụ ma ḅara ḅụ, kẹ gotẹ ọkọ ḅẹẹarị, àrị ị̀ atomi ma tọrụsiẹrị mẹ ẹrị tẹẹ, gbala ịna owu mẹ ḅo ị̀ la tẹẹ ẹrẹsị.”