Jerimaya 14:19 - FỊAFỊA BAỊBỤLỤ

¹⁹ KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 14:19 Iomraidhean Croise

2 Paka-aị 36:16

Kụma kombo mịẹ in Tamụnọ afịrịmẹnjịapụ ma kombo-kombo tẹ ori ẹkwẹn-aḅịḅị ḍiki-sima-sima tẹ ori ịkịankoroapụ ma kẹ kpọọtiarị nwenii KỊNỊNYANAḄỌ ḅe ịganị mẹ ori atomi ma da-paka nwenii ye-mịẹ tẹlẹma ḅara ḅarị ofori.

Jobu 30:26

Kụma à tọrụ kẹ iḅiye ḍiki sakị, siye ḅom; tẹ à bele koru sakị kanakana mie ḅo ye

Devidi-Anume 78:59

Tamụnọ ịganịm ori anị ẹrị sakị, ọkọẹrẹsị ori ori atomi ma sịkị simam.

Devidi-Anume 89:38

Kụma ị́ ịganị ị́ sẹlẹ ọkị tẹ amadaḅọ ḅe pịrịarị; ị́ ọ̀ ḅụ puu so tẹ ọ̀ sịkị tẹ.

Egberima-Ẹkwẹn 29:1

Kịnị ị́ daa-karakarama sakị goyegoye ị́ kọngọ kụrọmarị ḅẹḅẹ, gbọrụ ene ḅụ ị́ gbọrsịḅị gbẹẹ kọsị tẹ ḅarị saakị paka-ḅo ḅịa.

Jerimaya 12:7

KỊNỊNYANAḄỌ ḅe mẹẹ, “Àrị Izirẹlị kẹ gbin koroma-so tẹẹ; Arị ị̀ sịẹ tẹ à sẹlẹ ọkị tẹ apụ ma sịkị tẹẹ. Àrị à ḅẹlẹmarịapụ ma kẹ si kẹ ịn tọn-arị apụ kụrọ ḅara-ḅio suu tẹẹ.

Jerimaya 12:8

À sẹlẹ ọkị apụ ma pịkị tẹ ị̀ na tụḅụrụ tẹ, opu piri-ḅio-ḅẹ ọkụkụ ọkụ, ini oloku ị̀ da tẹẹ, anie ḅụ àrị in ḍiki-ḅioḅuarị.

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 15:18

Tiye ẹrẹsị à paa tọrụsiẹrị-siẹrị-siẹrịarị? Tiye ẹrẹsị ị̀ ịnọ ma ḅarị gwọ ḅịa ḅara simearị? Arị tiegotẹ gwọ ḅịa? Í ì pikirima ḅẹ ḅiiarị ḅoto, tẹ àrị ịrụa kụra ḅẹ ḍaḅa kịka tẹ samụnọ-kpakịkịarị?

Jerimaya 30:12

KỊNỊNYANAḄỌ ḅe ori atomi ḅẹẹarị: Ọmịna ịnọ ma gwọ-gwọ ọkụ ofori, Ọ́ la aị ma inetẹ ḅịya ḅịa.

Jerimaya 30:13

Ó ḍikiḍiki ḅẹ gbọrụḅọ-sọ ofori, ọmịna ịnọ ma arị arịḅẹ ḍiri nyana-a, ọ́ gwọ ḅẹ ḅiokpọ ofori.

Jerimaya 51:5

Yẹrị, KỊNỊNYANA-TAMỤNỌ, Kụrọmamgba Nyanaḅọ ḅe, amụ àrị Izirẹlị na Juda na kẹ gbin-koroma so-a, karakaraye in si kẹ yẹrị Izirẹlị tẹkẹarị Fịafịa Ḅọ ḅe mịẹ tẹẹ sọ.

Jerimaya 6:30

Ịn kẹ ịn sịn ḅarịye: Ye-ḅụ-sọ-a Papaa Ye. Yẹrị, KỊNỊNYANAḄỌ ḅe, ịn sịkị tẹ ẹrẹsị.”

Jerimaya 7:29

“Jeruselemu ḅẹ apụ, ó kururuu; ọmịnị ọmịna sịḅị-ḅẹ-inume kịrị-siin tẹ kẹ gbin ngumaa; Ó tụndụ ma ọgọnọ-jụ sime tẹ ḍụẹịn owu nume-suu, kẹ gotẹ ọkọ ḍukoarị, yẹrị KỊNỊNYANAḄỌ ḅe, ịganịarị, tẹ ị̀ atomi sịkị tẹ.

Jerimaya 8:15

Wa dein nyana ḅẹ ḅiokpọ nyanam, pịkị gwọ sakị na, kụma anị gbọrụ iḅi sọ nyana-a; anie nakara tẹmẹ-naịn-naịnmaye.

Jerimaya 8:22

Giliyadi ḅụ kịnị gwọ-gwọ gbọrụ ḍiri sọ ḅarị ofori? Anị anga ḅịrịapụ ḅarị ofori? Ọkọ kụma, tiye ẹrẹsị ị̀ atomi amụ paa gwọ-a?

Kururu Owu-apọkọ 2:13

Àrị í gotẹ tiye ẹkwẹn tẹ tiye kẹ ị́nịna pii-pii ḅẹẹ ḅẹ, yei kpọma-ḅẹlẹmarị Jeruselemu? À tiye kẹ inetẹ í kịkama ḅẹ, mịẹ tẹ àrị í dedema ḅẹ ḅara, yei Zayọnị ḅẹ ḅụụ-gboloa ẹrẹḅọtụḅọ? Kẹ gotẹ ọkọ ḅẹẹarị, opu tọrụ mẹ finjima la ḅara, mie ị́ ḅụụ si-aị ma ḍụḅa la ḅara; tụḅọ inetẹ ị́ kẹ í sime-sime ḅara wẹrị ḅẹ?

Kururu Owu-apọkọ 2:22

Ị́ wẹrịtẹ alalị ene ḅụ kịnị sịn kobiri ḅara, mie pakịrị-pakịrị ḅụ í tẹmẹ-naịn-naịn sịn ì gbori ḅara tẹ KỊNỊNYANAḄỌ ḅe ịganị ene mẹ ḅụ, gbọrụḅọ-sọ mangị-soa, anịanịa ḍumo-sime; inima tẹ à bala tẹ ḍikiḍiki pakama-ḅo apụ ma, ị̀ na fịya-a ḅọ ịn ḅaa famam.

Kururu Owu-apọkọ 4:17

Wa ḅarasụa gotẹ papaa ḍiki-ḍiki-siḅiya, wamịna atọrụngbọ kọrị-kọrịm, wamịna ḍiki mẹ, opu sịẹ tẹ kịnị ḅọrọma ḅịa sịẹ, mie wa ḍiki ye.

Kururu Owu-apọkọ 5:22

Anịanịa ị́ gbọrụ sịḅị wa sịkị tẹ? Ị́ ḅụụ kọrị-a ḅara kẹ gbọrụ sịḅị ịganị wa pịrị tẹ?

Mayịka 1:12

KỊNỊNYANAḄỌ ḅe ḅụ fịị na fa na ideri-ḅo, Jeruselemu ogigo-ḅọkọ mẹ la tẹ ẹrẹsị Marọtị ḅẹ apụ ma, ḅio-sẹsẹ ḅara ḅụ ḅarasụa korum.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.