Jerimaya 14:18 - FỊAFỊA BAỊBỤLỤ

¹⁸ À ḍụọ ḍiḅi apiri ma ḅio sọ-muarị sakị ọmụ ḅio ịn ḅaa owiapụ ḍụẹịn mie arị ẹrịarị; arị ama ma sọ-muarị sakị, ḅuru-ḅaarị apụ mie arị ẹrịarị. Ịkịankoroapụ na agbamịẹapụ na ịna kọrịnama kọrịarị, kụma ịn mịẹarị ye tiye-o tiye-o in nimi-a.

Jerimaya 14:18 Iomraidhean Croise

Ayịzaya 22:2

Bebe ama mẹ yeke-yekearị, ẹkwẹn pẹlẹ-a ḅara kẹ ye sịḅịḅio sọ ḅara mịẹarị? Ọmịna atomi ma tẹ mịẹ ọmụ mẹ ḅio fịị apụ ma ini owu sọarị ogbo fịị-a.

Ayịzaya 28:7

Ịkịankoroapụ ma agbamịẹapụ na kịngẹ sọ iru ḅuu nwenii tẹ pụmbụma-pụmbụmarị. Ịn waịnị na kụrọ iru na pikiri ḅuu ḅụrama tẹ pụmbụ tẹ. Ịkịankoroapụ ma iru ḅuu ḅaka tẹ ḅarị Tamụnọ kẹ fịrịmarị ịkịan ma fiearị ye naa-a, tẹ agbamịẹapụ ma sọ iru ḅuu ḅaka tẹ ḅarị inetẹ ịn kẹ ịna tọrọkọ ḅo aḅẹrẹ kọn-pẹlẹa.

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 23:21

KỊNỊNYANAḄỌ ḅe ḅẹẹm, “Mịna ịkịankoroapụ ma yẹrị ịn kẹ fịrịma-a, kụma anịsọ in mum. À gbọrụ oku sọ kẹ ịn pịrị-a, kụma ịn paa ị̀ ẹrẹ ḅụ ẹkwẹnm.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 6:13

Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Jerimaya 6:25

Paka piri ọgọnọ mu kịngẹ sọ wa ḅarị ḅiokpọmatẹ paka mu-a, kịnị-na-fịya-a apụ ma owuna-aị ọlọ tẹ wa ikelema-koro wararị ye mẹ ḅẹ tẹmẹ-naịn-naịn gotẹ.”

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Kururu Owu-apọkọ 1:20

Yei KỊNỊNYANAḄỌ, ḍikii, gbala à ḅụụ-ḅalaḅala ḅụ emi ẹrẹsị ị̀ tẹmẹ sule owu kọn-arị apụ ogbo-ḅio emi ì ḅioḅẹngbọ ị̀ ḅụụ ḅio ḅụ inwima tẹ, gbala à sịḅị-kụrọma lama tẹ ẹrẹsị. Etela-ogbo ḅụ okologie mẹ mịnapụ ma ḅaarị, warị mẹ ḅio anị nwẹnị gbala fị kịka.

Kururu Owu-apọkọ 2:19

Saakịị, owu pakamaa ḍin ḅụ, ḍin koru mẹ suku-saakịarị ḅiri ḅụ! Minji ọsụma ḅara kẹ í ḅioḅẹngbọ ọsụma KỊNỊNYANAḄỌ ḅe pịrịị! Ị́ aḅara saakị-gelema ọ̀ daa ị́ awọmẹ ma aḍumo gotẹ, inima tẹ ḅuru pọkọ-tarị ḅụ naịn-ḅọrọarị apụ ma, etela goyegoye sịḅị ḅụ.

Kururu Owu-apọkọ 4:9

Okologie fịị kọn apụ ma ḅioḅẹlẹ inima tẹ fịye pọkọ-tarị tẹ ịn ḍụọ mẹ ḅio ḅẹ sịnmgbọlụ kẹ pịrị fị-a, tẹ ḅuru-pọkọtarị ḅụ fịị apụ ma nẹngịm.

Izikẹlị 7:15

Etela ma ḅụ ini owu-sọarị, tẹ warị aḅio ma ḅụ obi na ḅuru-ḅa na emi. Bebe amakiri mẹ ḅụ sime-ḅọ sime-ḅọ owu mẹ ḅio fịị ḅa, tẹ ḅẹḅọ-ḅẹḅọ tẹ opu ama mẹ ḅio sime-ḅọ sime-ḅọ sime obi na ḅuru-ḅa na pịrị ḅa.

Emọsị 4:6

“Yẹrị anie ḅuru-kụrọ kẹ ọmịna opu ama mamgba pịrị yee, anịsọ ọ́ pịkị ị̀ ḍọkụma-ḅoa.

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Ditẹrọnọmị 28:36

“KỊNỊNYANAḄỌ ḅe ọmịnị na, ọmịna amadaḅọ tẹ ọ́ kẹ ọmịna sịḅị-dama ḅọ na ọkị-ḅo gbọrụ opu sịẹ tẹ ọmịnị, anịanịa ọmịna aḍapụ sọ amụ nimi-a sịẹ pịrị ḅa; tẹ anịjụ ọ́ fịrịmẹnjị ịn sịn na, ḍụḅarị na kẹ mịẹ ja oru-atamụnọ pịrị ḅa.

Ditẹrọnọmị 28:64

“Anịsakị KỊNỊNYANAḄỌ ḅe ọ́ gala-galama ḅa tomi-kụlọkụlọ mamgba ogbo-ḅio tomikiri mẹ ḅụ gbọrụ kunoma ḅụ ọkị mu osi kunoma la; tẹ anịjụ ḅụ ọ́ fịrịmẹnjị sịn na ḍụḅarị na kẹ tẹmẹ ja oru-atamụnọ ma pịrị ḅa, arị aị ma tẹ ọmịnị, anịanịa ọmịna aḍapụ sọ nimi-a aị ma.

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.