Jerimaya 14:16 - FỊAFỊA BAỊBỤLỤ

¹⁶ Ịn mịna aị ma ḍuko pịrịtẹ apụ ma sọ anị gbọrụ ḅọkọ mẹ ḅụ ḅọrọ tẹ fịị ḅa. Ini ịna oju-akpakpa ma kẹ Jeruselemu ḅẹ etela ma ḅụ gbin koroma tẹ àrị ḍiḅi ḅẹ gbọrụḅọ, sọ paka ḅịa. Miemẹ inimgba ḅụ paka ḅa ịna sime-ereme na, ịna owiapụ-awọmẹ na, ịna eremịna-awọmẹ na, kẹ sụa. À mịẹ tẹ ini ịna si-sịḅịḅio-sụa saa mẹ gbẹẹ ḅa.”

Jerimaya 14:16 Iomraidhean Croise

Egberima-Ẹkwẹn 1:31

Anị ẹrẹsị ị́ ị́ gbẹẹ-ye nyana ḅa, tẹ ḅarana mịẹ-aị mịẹ tẹ í obi ḅa.

Ayịzaya 51:20

Etela akaka goyegoye ḅụ í atomi ịnyọ faa ḅụ ḅịkị koro wararị; ịn kịkarị ye piri-deeḅọ ịgbọ ḍiein kun sịẹma wararị ḍuu. Tamụnọ ịganị ḅẹ kụrọ ịna ḅụụ ịnọ tẹ.

Ayịzaya 9:16

Mịna apụ ma kẹ sịḅịdarị apụ ma mịẹ tẹ ini etela-iri tẹẹ, tẹ gbọrsịḅị pikiri fa tẹẹ.

Jerimaya 16:4

Ịn ḅalafama obi ḅụ ḅọrọtẹ fịị ḅa, tẹ gbọrụḅọ-sọ in ḍuu ḅịa, anịanịa ịn kẹ ḍiḅi. Ịna oju akpakpa ma tunduru sime ḅarị ḅara sara kịka ḅa kiri mẹ ọgọnọ. Ini ọmụ ḅio fịị ḅa anịanịa ḅuru-ḅa ḅụ fịị, ịna oju akpakpa ma fịye sọ feni amẹẹ na piri-ḅio-ḅẹ anama na pịrị ḅa.”

Jerimaya 18:21

Kụma mịọkụ, KỊNỊNYANAḄỌ, yee ịna awọmẹ ḅuru-ḅa ḅụ fịị; yee ini ọmụ ḅio ịn ḅaa. Yee ereme ma ịna diapụ na ịna awọmẹ na fama; yee owiapụ ma obi ḅụ fịị, tẹ ini ịna asambịrịma apụ ma ḅaa ọmụ kiri ḅụ.

Jerimaya 20:6

Ị́yẹrị kịngẹ kụma, Pasọ, na ị́ warị na sọ in kun tẹ ọ́ kẹ so Babịlonịya mu ḅa. Anị anga ị́ fịị tẹ ini í ḍiḅi ḅa, na í ikiapụ mamgba na, ị́ tọnwa iruo aị ḍuko pịrị tẹ apụ ma.”

Jerimaya 27:15

KỊNỊNYANAḄỌ ḅe ḅioju ḍuko tẹẹ mịnẹ ori ịn fịrịma-a tẹ ini iruo ọ́ pịrịarị ori ẹrẹ ḅụ. Anịtẹso ori ó dee-pakama ḅa, tẹ ini ọ́ ḅaa ḅa, ọmịnị na mịna iruo aị ma ḍuko ọ́ pịrịarị ịkịankoroapụ ma na.”

Jerimaya 4:18

Juda, í miemẹ ọkị-ḅo ị́ ọgọnọ gbanam, ị́ wẹrịtẹ ḍumo kọn ḅara na ị́ mịẹ tẹ aị na ḅụ. Í si mịẹ tọrụsiẹrị mẹ dogi-ḅom; anị gbala-ḅọrọ ogie sọ tẹ í ḅioḅẹngbọ temi tolu-ḅọrọtẹ.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 7:33

Ḍụẹịn ma fịye sọ feni ma na piri-ḅio-ḅẹ anama ma na pịrị ḅa, tẹ feni ma na nama ma na ḅalafama tẹ ịn so ḅẹ ḅọ paka ḅịa.

Jerimaya 8:1

“Anị sakị mẹ ḅụ Juda ḅẹ amadapụ ma na opu fịrịmẹnjịapụ ma na, pịkị agbamịẹapụ ma na, ịkịankoroapụ ma na, Jeruselemu ḅụ anga sime osi apụ ma na ḍụẹịn mgbe ma na ịn soku pakama-ḅo ḅa ịna aḍuḅu ḅio ḅụ.

Jerimaya 8:2

Ini arị kobiri tẹ ḍiḅi ḅẹ nakara ịna mgbe ma vooma kiri ḅio sara sime ḅa, kẹ ḍụọ ḍiḅi ḅẹ ḅụrụtẹ fun sara ḅara. Ini arị gala-galama sara ịrụa na akalụ na lolia ma na pịrị ḅa, anie mịna atomi ma ḅẹlẹma tẹ fịrịmẹnjị pịrị sime aị ma, anie ini arị aḅịḅị ḅii tẹ sunsin pịrị aị ma.

Jerimaya 9:20

À nwẹnị ḅẹẹ, “Ọmịnị ereme, ọ́ KỊNỊNYANAḄỌ ḅe pokii, ọmịnị ori ẹkwẹn ma kẹ elekima sụaa. Ọ́ ḍụẹịn owu-owu ḅara kẹ ọmịna eremịna-awọmẹ tolumaa, pịkị ḍụẹịn owu nume sun-sun ḅara kẹ ọmịna ikiapụ tolumaa.

Jerimaya 9:22

Anga mamgba ḍụẹịn gala-gala sara wararị, gbala kẹ kiri tẹlẹma tẹ kẹ ye ḍiḅi ḅẹ ḅụrụtẹ afun sara ḅara, gbala mbịaka pẹlẹ apụ pẹlẹ sara tẹ koroma-so aị ọkụ, pẹlẹ sara tẹ kolokolo apụ ofori mbịaka. Mie KỊNỊNYANAḄỌ ḅe ị̀ ḅẹẹm à ḍuko ḅẹ ye.”

Izikẹlị 39:14

Sọnọma akalụ ma ḅọrọ tẹ ḅẹḅẹ, ini owiapụ sẹlẹ pakama-ḅo tẹ ini amakiri mẹ mẹnjị ḍiki tẹ ḍiḅi-a tẹ papaa kiri ọgọnọ koro-simearị oju-akpakpa ma ọkị ḍiḅi ḅa, mịẹ tẹ ini amakiri mẹ mị fịafịama ḅẹ ḅara.

Emọsị 7:17

Miemẹ ẹrẹsị, Amazaya, KỊNỊNYANAḄỌ ḅe ị́ ḅẹẹarị, ‘Ị́ ta ama-mẹnjị-ẹrẹḅọ sọ ḅa etela ma ḅụ, tẹ ị́ awọmẹ ọmụ ḅio fịị ḅa. Ini í kiri ḍie ja apụ pịrị ḅa, tẹ ḅioju oru nimi apụ amakiri ḅụ fịị ḅa. Tẹ piki-pikiye-ofori ḅara ḅụ ini Izirẹlị ḅẹ apụ ma kun-so ḅa ịna soku-ḅẹ amakiri ḅụ.’ ”

Matiyo 15:14

Ọmịnị ịn bala ma! Ini ma anie tọrụngbọ-pụụntẹ-apụ tẹ jen tọrụngbọ-pụụntẹ-apụ tọrọkọ-tarị apụ; tẹ tọrụngbọ-pụụntẹḅọ jen tọrụngbọ-pụụntẹḅọ tọrọkọ-tarị sakị goyegoye, ini maa apụ ma mu ḅịkị olulu ḅio sọ ḅa.”

Mịẹfinji 16:1

Anịtẹso Tamụnọ-warị mẹ ḅio gbọrụ opu pọkọ sime tẹ sọnọma enjẹlị ma ḅẹẹarị tẹ à naam, “Ó mu ịn Tamụnọ ịganị ma kẹ sụa wararị sọnọma abọlị ma ḅio simearị aị ma ọsụma tomikiri mẹ ḅụ sara-a!”