Jerimaya 14:15 - FỊAFỊA BAỊBỤLỤ

¹⁵ Yẹrị KỊNỊNYANAḄỌ ḅe à kẹ arị ịkịankoroapụ ma mịẹ ḅẹ ye ḍuko ị́ pịrịarị, anie à fịrịma-a tẹ ị̀ ẹrẹ ḅụ ḍuko tẹ ḅẹẹarị apụ ma mịnẹ ọmụ na ḅuru-ḅa na mị amakiri mẹ la ḅịa — àrị ịn ḅaa ḅa, ọmụ ḅio na ḅuru-ḅa na ḅụ.

Jerimaya 14:15 Iomraidhean Croise

1 Amadapụ 22:25

Mayịkaya nwẹnị ḅẹẹ, “ḍikii, ị́ ẹrị ḅa anị ene mẹ ḅụ tẹ í mu gbọrụ kala-ḅio ḅụ ị́ ḅụụ ḅọị ḅarị sakị ḅụ.”

Jerimaya 20:6

Ị́yẹrị kịngẹ kụma, Pasọ, na ị́ warị na sọ in kun tẹ ọ́ kẹ so Babịlonịya mu ḅa. Anị anga ị́ fịị tẹ ini í ḍiḅi ḅa, na í ikiapụ mamgba na, ị́ tọnwa iruo aị ḍuko pịrị tẹ apụ ma.”

Jerimaya 23:30

Arị ịkịankoroapụ ma tẹ jụmọ-jụmọ ẹkwẹn ma ọkị kọn tẹ ọkịarị mịnẹ ini ì oku ḍuko wasamarị nwẹn ḅẹẹ apụ ma arị ini na tụḅụrụarị.

Jerimaya 27:15

KỊNỊNYANAḄỌ ḅe ḅioju ḍuko tẹẹ mịnẹ ori ịn fịrịma-a tẹ ini iruo ọ́ pịrịarị ori ẹrẹ ḅụ. Anịtẹso ori ó dee-pakama ḅa, tẹ ini ọ́ ḅaa ḅa, ọmịnị na mịna iruo aị ma ḍuko ọ́ pịrịarị ịkịankoroapụ ma na.”

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 8:12

Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 8:13

“À ḅiim à tomḅọ fịaị soku sakị ò soku aị kobiri ḅara kẹ ì atomi kobiri, kụma mgbọlụ sụa-a kụrọ-sịn mie ịn kịkarị, gbala ịla sịn tẹ ịla mgbọlụ sụa ye ọkụ. Ọkọ ẹrẹsị à minini anị gboloma-a apụ pịrịtẹ ini amakiri mẹ ọkị ịna nye sọmaa.”

Kururu Owu-apọkọ 1:19

Àrị ị̀ na ḅẹlẹma sime apụ ma lam, kụma in oḅori kẹ ị̀ sịnm; ị̀ agbamịẹapụ na ì omongiapụ na, opu ama mẹ ḅio fịị gulugulu famam kẹ mịẹ tẹ ini ịnyọ nyana ḅụ, ini ịn fị ḅẹ fịye ḍọkịarị ogbo.

Kururu Owu-apọkọ 2:20

Yei KỊNỊNYANAḄỌ, ḍikii, tẹ ẹrịị! Ị́ ḅọrọ mịẹ ḅara mẹ kẹ tụḅọ na mịẹarị? Ereme ini iyi awọmẹ pẹị na-iḅi, ini ḍikiarị awọmẹ ma? Agbamịẹḅọ na, ịkịankoroḅọ na ḅaa na-iḅi KỊNỊNYANAḄỌ ḅe fịafịa yọ ḅụ?

Izikẹlị 13:14

À ḅiiarị arị in tọrụ kẹ ọmbị onu mẹ kan-sara, anị kọsịma gala-galama, tẹ mịẹ tẹ suku-saakị aḍụḅarị ma wẹrịso tẹ arị paụ sime. Anị fuku koro tẹ ọmịnị-mgba ḅaa ḅa. Anịtẹso ḅẹḅọ-ḅẹḅọ nimi ḅa mịnẹ yẹrị anie KỊNỊNYANAḄỌ ḅe.

Izikẹlị 13:15

“Onu mẹ na ini ma tẹ tọrụ kẹ anị ọmbị gbaịn apụ ma na ị̀ ịganị ḅẹ kụrọ mẹ da ḅa. Anịtẹso à ḍuko ọ́ pịrị ḅa mịnẹ onu mẹ so tẹ, anie tọrụ kẹ anị ọmbị apụ ma sọ so ḅara —

Izikẹlị 13:9

À fomu-ḅara kẹ ọmịnị ịkịankoroapụ ma tẹ papaa ịkịan ẹrịarị tẹ pịkị kịnị toluma irimarị aḅịrị ẹrịarị apụ ma pịrị ḅẹ-yearị. Ị̀ atomi kobiri tẹ ḅẹrẹ-ḅiya ḅarị anga ḅụ ó sime ḅịa; ini Izirẹlị furo-ḅẹ-apụ ẹrẹ kẹẹ-kẹẹ koroma ḅarị ḍiri ḅio ọmịna ẹrẹ sọ ḅịa; gbala-gbala ọ́ pịkịma ḅo ọmịna amakiri la ḅịa. Anịtẹso ó nimi ḅa mịnẹ yẹrị anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe.”

Izikẹlị 14:10

Ini maa apụ ma, ịkịankoroḅọ ḅe na ọ̀ ḅịḅị ye gbela ḅẹ ḅo ḅọ ḅe na, gbọrụ fomu-ḅara nyana ḅa.

Izikẹlị 14:9

Gbọrụ ịkịankoroḅọ oḅori-sọ tẹ, papaa pakịrị-ḅịḅị pịrị-pịrị, anị gotẹ ọkọ paka ye yẹrị, KỊNỊNYANAḄỌ ḅe, oḅori kẹ ọ̀ sịn tẹẹ. Izirẹlịapụ ḅụ arị ò siin ḅa, mie ḅụ ó nimi ḅa mịnẹ yẹrị anie KỊNỊNYANAḄỌ ḅe.

Izikẹlị 33:6

Anị sime-ḅara-ḅara sọ, Ama-koruḅọ ḅe fịya-a ḅọ ḅe ḅoarị ye ẹrịarị tẹ ọdụ mẹ ofuro-a tẹ fịya-a ḅọ ḅe ḅo arị si-mịẹapụ ma ḅaa kụma ịna fịị mẹ Ama-koruḅọ ḅe mie à kẹ ọlọ ḅarịye.

Emọsị 7:17

Miemẹ ẹrẹsị, Amazaya, KỊNỊNYANAḄỌ ḅe ị́ ḅẹẹarị, ‘Ị́ ta ama-mẹnjị-ẹrẹḅọ sọ ḅa etela ma ḅụ, tẹ ị́ awọmẹ ọmụ ḅio fịị ḅa. Ini í kiri ḍie ja apụ pịrị ḅa, tẹ ḅioju oru nimi apụ amakiri ḅụ fịị ḅa. Tẹ piki-pikiye-ofori ḅara ḅụ ini Izirẹlị ḅẹ apụ ma kun-so ḅa ịna soku-ḅẹ amakiri ḅụ.’ ”

Mayịka 3:5

Mie KỊNỊNYANAḄỌ ḅe ịkịankoroapụ ma gboloma ye ḅụ ḅẹ ḅara, inima tẹ etela kẹ ị̀ atomi ma ḍie irima apụ ma; inima tẹ fị-fị ye nyana sakị ḅụ dein karị kụma ọmụ kẹ ye kẹ ịna aḅịḅị ḅio suu apụ ma na gbin-arị apụ ma.

Ditẹrọnọmị 18:20

Kụma gbọrụ ịkịankoroḅọ tẹ ọkọ tẹ ị̀ ẹrẹ ḅụ gbọrụ ẹkwẹn-ḅịḅị tẹ amụ à tọn ọ̀ pịrị-a ye ḍuko anịanịa oru-atamụnọ ẹrẹ ḅụ ẹkwẹn ḅọ, ẹkwẹn ḅọ anị gbọrụ ịkịankoroḅọ ḅe ọ̀ fịị.

Mịẹfinji 19:20

Ịn nwẹnị kịnị-ḅaaḅa opu nama ḅe na ọ̀ tọrọkọ ḅụụ-buama-aị mịẹ iruo ịkịankoroḅọ ḅe na kun ọkị. (Mịna ḅụụ-buama-aị ma ḅụ mie ọ̀ ḅọrọ tẹ oḅori kẹ ịn kịnị-ḅaaḅa opu nama ḅe elekima mẹ kẹ ḅụụ ḅụ sụa apụ ma na, ọ̀ fụḅara mẹ tẹkẹ apụ ma na sin-arị ye.) Ịn kịnị-ḅaaḅa opu nama ḅe na, iruo ịkịankoroḅọ ḅe na kẹ fịị-a ḅara kẹ ọpọlị balị kọrị ḅara kọrịarị fịnị tọrụ ḅio gbin suum.