Jerimaya 14:14 - FỊAFỊA BAỊBỤLỤ

¹⁴ Kụma KỊNỊNYANAḄỌ ḅe pakịrịm, “Ịkịankoroapụ ma iruo aị ḍukoarị ị̀ ẹrẹ ḅụ; yẹrị ịn fịrịma-a, à pịkị gberie-sọ tọn ịn pịrị-a, anịanịa gbọrụ ẹkwẹn sọ kọn ịn pịrị. Ini ẹrị tẹ arị gboloma aị ḍukoarị ịkịan ma ị̀ ḅara ḅo-a; tọrọkọ paka ḅa nwẹn ḅẹẹ tẹ in ḍukoarị ye-ḅụ-sọ-a aị ma ini ḅarana kuroma tẹ ḍukoarị aị.

Jerimaya 14:14 Iomraidhean Croise

Ayịzaya 56:10

Ori mẹẹ, “Sịḅịdapụ mamgba, kịnị ọkịarị ini ì atomi ḅeri nụnụ ḅẹ apụ ma, ịna atọrụngbọ pụụn wararị! Gberie-sọ in nimi-a. Oloku-oloku-a warị-koru-obiri amẹẹ mie ịn kịkarị — koro mono ma ḅọrọ tẹ ḍawọ kịngẹ mie ịn mịẹarị. Ịn kpọma mono ḅẹlẹma ḅara ḍikii!

Ayịzaya 9:15

Omongitẹ kụn kẹ pịrị na-iḅi apụ ma anie sịḅị mẹ — tẹ etemi mẹ nwẹnị iruo aị tolumarị ịkịankoroapụ ma!

Jerimaya 20:6

Ị́yẹrị kịngẹ kụma, Pasọ, na ị́ warị na sọ in kun tẹ ọ́ kẹ so Babịlonịya mu ḅa. Anị anga ị́ fịị tẹ ini í ḍiḅi ḅa, na í ikiapụ mamgba na, ị́ tọnwa iruo aị ḍuko pịrị tẹ apụ ma.”

Jerimaya 28:11

tẹ tomi mamgba tọrọkọ ḅụ ḅẹ, “KỊNỊNYANAḄỌ ḅe ḍuko ị̀ pịrị tẹ mị-ḅara mie ọ̀ kẹ Ama-da Nebukadineza kẹ ma asịẹ mamgba kọngọ sụa wararị aị ma anyịma siin ḅarị ḅara; tẹ ò miemẹ mịẹ ḅa maa akụra amụ ḅọrọ-a ogbo. Anịtẹso à nwẹnị mẹnjị so.”

Jerimaya 28:13

à mu ḍuko Hananaya pịrịị: “KỊNỊNYANAḄỌ ḅe ḅẹẹ tẹ mịnẹ í inetẹ sịn kẹ mị nama kpọọ gboloma sịn anyịma ḅa, kụma ori ikulele kẹ mịẹ ye kẹ anị kiri ḍima ḅa.

Jerimaya 28:15

À miemẹ ḍuko Hananaya pịrịm, tẹ mie kẹ sụa ḍukom, “Hananaya, pokii! KỊNỊNYANAḄỌ ḅe ị́ fịrịma-a, tẹ ị́ mịẹ tẹ mịna atomi ma iruo ye mininiarị.

Jerimaya 29:21

“Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, Ehabụ, Kolaya tụḅọ na Zẹdẹkaya, Masẹya tụḅọ ḅe na ḅụ ye ḍuko tẹẹ, anie ori ẹrẹ ḅụ iruo aị ḍuko ọ́ pịrịarị apụ ma. Ò ḍuko tẹẹ mịnẹ ori ịn saḅama Babịlonịya ḅẹ Ama-da Nebukadineza kụrọ ḅara ḅio suu tẹ ọ́ tọrụngbọ kẹ ẹrị ḅarị ḅara kẹ ịn ḅaa ḅa.

Jerimaya 29:31

“Mị oku mẹ kẹ kun-so apụ mamgba fịrịmaa: ‘Mie KỊNỊNYANAḄỌ ḅe Sẹmaya, Nehelamụ ḅẹ ḅọ ḅe ḅụ ḍukoarị ye, Sẹmaya ịkịankoro ọ́ pịrịtẹ ẹrẹsị, karakaraye yẹrị ọ̀ fịrịma-a sọ, tẹ mịẹ tẹ ọmịnị iruo ye minini tẹ,

Jerimaya 37:19

Ọmịna ịkịankoroapụ ma tẹ ḍuko ọ́ pịrịm mịnẹ Babịlonịya ḅẹ amadaḅọ owu kẹ ọ́ paka ḅịa, anịanịa mị sịẹ mẹ paka ḅịa ḅẹ apụ ma, tiye ịna ḅụ paka?

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Jerimaya 8:11

Ịn mịẹarị ḅara gbala ị̀ atomi ma la aị ma papaa oju kiri ḅụ ọgọnọ-ọgọnọ gọrọrọ ye ọkụ. Ịn ḅẹẹarị, ‘Ye mamgba iḅi wararị’, ye mamgba iḅi-a sakị ḅụụ.

Kururu Owu-apọkọ 2:14

Ị́ ịkịankoroapụ iruo ịkịan na, oḅori kẹ ị́ sịn ịkịan na, koro-koro ị́ pịrị tẹẹ; ini amụ ị́ mịẹ-irima mẹ mịẹ pakama-a kẹ sime ị́ pịrị aị pịkịma-ḅo, kụma iruo aị na, kịnị irima aị na mie ini ẹrị-ẹrị ị́ pịrị yee.

Kururu Owu-apọkọ 2:9

Árị ogigo-aḅọkọ jine kiri-ḅio sọ tẹẹ; arịḅẹ ẹngbẹsẹ-ikulele ma, ò ye kẹ lama tẹ arị anyịma tẹẹ; árị amadaḅọ na, amadaḅọ owiapụ-awọmẹ ma na, opu asịẹ ma ogbo ḅio emi; oloko mẹ ḅarị ofori, anịsakị arị ịkịankoroapụ sọ ḅarị KỊNỊNYANAḄỌ ḅe ḅụ ḅo ịkịan ẹrị-a.

Izikẹlị 12:24

“Izirẹlịapụ ma ogboku iruo ịkịan ma na kịnị toluma fama ịkịankoro ma na ḅarị paka ḅịa.

Izikẹlị 13:2

Ori mẹẹ, “Fịị-fịị tomḅọ, Izirẹlị ḅẹ ịkịankoroapụ ma sime si ḅara ḍuko pakama, anie ḅarana amịna soku-ḅẹ ịkịan mịẹ-pakama tẹ koroarị apụ ma. Ḍuko ịn pịrị tẹ ịn KỊNỊNYANAḄỌ ḅe ẹkwẹn mẹ poki.”

Izikẹlị 13:23

Mịọkụ ọkọ ẹrẹsị ọmịna papaa ịkịan ma na ọmịnị ẹrịarị kịnị toluma irimarị aḅịrị ma na ḅẹrẹ fa tẹ. Àrị ị̀ atomi pụkọ-pakamaḅoarị ọmịna kụrọ ḅụ, mịẹ tẹ ó nimi ḅarị ḅara mịnẹ yẹrị anie KỊNỊNYANAḄỌ ḅe.”

Izikẹlị 21:29

Ọmịnị ẹrịarị ịkịan ma papaa aị, tẹ tọrọkọ-jụ paka ḅa nwẹn ḅẹẹ tẹ ò ḍukoarị aị ma sọ iruo aị. Ó si-sịḅịḅio-sụa wararị pịkị si wararị, tẹ ọmịna eneḅaka ḅoarị, ọmịna kunoma fomu-ḅara ene mẹ. Okologie mẹ ọmịna akọngọ koro ḅẹ-yearị.

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Zẹkaraya 10:2

Tomi oru-afụḅara na ḅịrịapụ na ḅara ye gbelarị, kụma pakịrị-aḅịḅị tẹ ịn nyanarị aị iruo-aị na ofori-ofori aị na. Ja apụ ḍawọ puuarị, kụma ó toluma irima kịngẹ mie ịn mịẹarị; ịn pịrịarị dedema mẹ ye mịẹ-a. Mie ḅụ tomi ma iri-faa tẹ anana ikelekele ḅara ikelekelearị. Ịn ḅụụ-fụka ḅụ emi ịn sịḅịdaḅọ nyana-a ẹrẹsị.

Zẹkaraya 13:3

Anịtẹso gbọrụḅọ paa ḅiiarị mḅọ ịkịankoro ḅẹḅẹ, ò soku-ḅẹ ḍaḅọ na iyingiḅọ na ḍuko ọ̀ pịrị ḅa mịnẹ ini ọ̀ ḅaa ḅa, ori ọ̀ ḅụụ ọkịm ọ̀ KỊNỊNYANAḄỌ ḅe ẹkwẹn kọn-arị, kụma iruoye mie ò ḍuko ye anị kiri ḅụ, ori ịkịankoroarị ogbo ọ̀ ḍa na ò iyingi na ogie kẹ ò temi ḅaa ḅa.

Ditẹrọnọmị 18:20

Kụma gbọrụ ịkịankoroḅọ tẹ ọkọ tẹ ị̀ ẹrẹ ḅụ gbọrụ ẹkwẹn-ḅịḅị tẹ amụ à tọn ọ̀ pịrị-a ye ḍuko anịanịa oru-atamụnọ ẹrẹ ḅụ ẹkwẹn ḅọ, ẹkwẹn ḅọ anị gbọrụ ịkịankoroḅọ ḅe ọ̀ fịị.

1 Timoti 4:2

Ọkọ sime toluma aị ma iruo kẹ oḅori-kẹ-kịnịsịn ḅụ mie ini arị wasamarị, anịsakị aniemẹ mịẹarị apụ ma ịna tẹmẹ aḅioḅẹngbọ fịị tẹ, gbala ọfịrịarị ikulele kẹ dọkịma ye ọkụ.

1 Jọnị 4:1

Ì iḅi ikiapụ, ọmịnị ọ́ ḅẹẹarị mịnẹ ịn Fịafịa Tẹmẹ ḅe nyana wararị ḅẹẹ apụ mamgba minini ma, kụma ọmịnị ịn tọn ḍiki tẹ nimi ịn nyana tẹmẹ mẹ Tamụnọ ḅara ḅoarị ḅoto. Kẹ gotẹ ọkọ ḍukoarị, tọnwa iruo ịkịankoroapụ anga, anga ḅụ saakị paka tẹ.