Jerimaya 14:12 - FỊAFỊA BAỊBỤLỤ

¹² In ḅuru-ịmọ sọ, ịn ḅarasụa gotẹ kọn-arị owu mẹ à poki ḅịa; ịn dọkịma-agba na mgbọlị fịye agba na mịẹ-mịẹ ị̀ pịrịarị sọ, ịna mịẹ ye ị̀ ḅụụ-ḅẹlẹ ḅịa. Anie nakara, arị ịn ḅaa ḅa ọmụ ḅio na, ḅuru-ḅa na obi na ḅụ.”

Jerimaya 14:12 Iomraidhean Croise

Jobu 27:9

Ḅụụ-fụka ḅo ọ̀ la sakị Tamụnọ ori owu naa ḅa aro?

Egberima-Ẹkwẹn 1:28

Anịtẹso ị́ ḅịḅị kẹ nimi sịn ḅa, kụma arị ị́ ḅịḅị ọkị ḅịa. Ị́ ị̀ ḍọkị ḅa anga mamgba ḅụ, kụma ị́ ị̀ ḍọkị ẹrị ḅịa.

Egberima-Ẹkwẹn 15:8

Anị KỊNỊNYANAḄỌ ḅe ḅụụ-ḅẹlẹ arị iḅi atomi tẹkẹarị sakị, kụma si-sịḅịḅio-sụapụ kẹ ḅo ọ̀ pịrịarị agbamịẹ-aị ma ò ḅioḅumarị.

Egberima-Ẹkwẹn 21:27

Si-sịḅịḅio-sụa apụ agbamịẹ-aị kẹ KỊNỊNYANAḄỌ ḅe pịrịarị sakị arị ò ḅioḅumarị, jen-a jen-a in si akuroma kẹ mịẹarị ḅẹḅẹ.

Egberima-Ẹkwẹn 28:9

Í oloko mẹ koko-a ḅẹḅẹ, anị ḅụụ-fụkama ḅa Tamụnọ ị́ atẹkẹ naa, ori arị ḍiki-ḅioḅuarị ḅara sime ḅaka ḅa.

Ayịzaya 58:3

Tomi ma gbelarị, “Tiye ẹrẹsị wa ḅuru-ịmọ ḅẹ, KỊNỊNYANAḄỌ ḅe gbala-gbala anị kẹ ye-sịn-a kụma? Tiye ẹrẹsị wa fịye fị-a ḅara kẹ sime ḅẹ, ọ̀ gbọrụ ḅọkọ sọ kẹ anị bala-a kụma?” KỊNỊNYANAḄỌ ḅe ịn ḅẹẹarị, “Karakara mẹ anie, ó ḅuru-ịmọarị sakị mie ọ́ pịkị kẹ ọmịna ḅụụ ḅẹlẹ aị ḍọkị-ḍọkị tẹ ọmịna kọrịnama-kọrịapụ inomarị sakị mẹ.

Jerimaya 11:11

Mie ḅụ, mịọkụ yẹrị KỊNỊNYANAḄỌ ḅe ịna ḅeri nụnụarị mịnẹ à ḅaa-guluguluma ọkị-ḅo ịna ọgọnọ gbana ḅa, tẹ ini anị ḅụ pụkọ-so ḅịa. Tẹ ịn ḅara sụa gotẹ oloku sakị arị in poki ḅịa.

Jerimaya 11:14

Jerimaya ị̀ tẹkẹ ma anịanịa ị̀ na ḅịḅị-ọkịya, mịna apụ ma gotẹ. Ịn ḅụụ-fụka ḅio emi tẹ ḅarasụa gotẹ ị̀ sịn sakị àrị in poki ḅịa.”

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 16:4

Ịn ḅalafama obi ḅụ ḅọrọtẹ fịị ḅa, tẹ gbọrụḅọ-sọ in ḍuu ḅịa, anịanịa ịn kẹ ḍiḅi. Ịna oju akpakpa ma tunduru sime ḅarị ḅara sara kịka ḅa kiri mẹ ọgọnọ. Ini ọmụ ḅio fịị ḅa anịanịa ḅuru-ḅa ḅụ fịị, ịna oju akpakpa ma fịye sọ feni amẹẹ na piri-ḅio-ḅẹ anama na pịrị ḅa.”

Jerimaya 21:6

Mị opu ama mẹ ḅio angarị ḅọ goḅọ-goḅọ à ḅaa ḅa; tomi na nama amẹẹ na gbọrụ ḅara kẹ fịị ḅa ḅalafama obi ḅụ.

Jerimaya 24:10

Arị ọmụ na, ḅuru-ḅa na, obi na ọkị-ḅo ịna ọgọnọ gbana ḅa, nwenii ịna ḅụ gbọrụḅọ sọ kirikọn ḅịa à kẹ ini na ịna elemu aḍapụ na pịrị amakiri mẹ ḅụ.”

Jerimaya 32:24

“Babịlonịya ḅẹ apụ ma in sime tẹ owu-sọ ḅẹ ayọ nama ama mẹ ikelema tẹ ama mẹ ọkị ḅẹ ḅara gotẹ owu kẹ anị pakarị. Ọmụ na, ḅuru-ḅa na, obi na mịẹ tẹ ama ḅịkị ịna aḅara-ḅio sọ ḅa. Í inetẹ ẹrị ḅa mịnẹ í ḍuko aị mamgba ḅo karakaraye sọ tẹẹ.

Jerimaya 6:20

Sẹba ḅụ ini ọkị-ḅo ị̀ pịrịarị kụnụaị dọkịma aị ma à kẹ tiye mịẹ ḅẹ, anịanịa sụma-jụ ḅẹ amakiri ḅụ ḅo kụnụaị ma? Ịn kẹ ḅoarị ḍiepịrị-aị ma à da ḅịa, anịanịa ịna agba ma ị̀ ḅụụ-ḅẹlẹ aị sọ.

Jerimaya 8:13

“À ḅiim à tomḅọ fịaị soku sakị ò soku aị kobiri ḅara kẹ ì atomi kobiri, kụma mgbọlụ sụa-a kụrọ-sịn mie ịn kịkarị, gbala ịla sịn tẹ ịla mgbọlụ sụa ye ọkụ. Ọkọ ẹrẹsị à minini anị gboloma-a apụ pịrịtẹ ini amakiri mẹ ọkị ịna nye sọmaa.”

Jerimaya 9:16

Sịẹ-sịẹ tẹ ini anịanịa ịna elemu-aḍapụ amụ arị gboloma ye naa-a apụ ogboku ḅụ, arị ịn kẹ gala-galama ḅa, tẹ ọmụ-ogbo-ogbo kẹ ịn fịrịma nwenii tẹ àrị ịn ḅaa guluguluma fama ḅa.”

Izikẹlị 14:19

“Àrị ama-fama obi kẹ anị bebe amakiri mẹ fịrịma tẹ ị̀ ịganị ḅụ tọnwa aḍumo famarị ḅẹḅẹ, tomi na nama na ḅaa ḅụ,

Izikẹlị 14:21

Mie anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye, “À si-tẹịn inia fomu-ḅara ma fịrịma mu Jeruselemu ọgọnọ gbana ḅa — ọmụ, ḅuru-ḅa, piri-ḅio-ḅẹ si anama, na obi na — kẹ gbọrụ ḅara kẹ tomi na nama ma na ḅaa.

Izikẹlị 8:18

Ị̀ ịganị mẹ ḅẹ kụrọ mamgba ḅo ịn la tẹ ịna ḅụụ ịnọ ḅa. À ḅara-wẹrị ịn pịrị ḅịa anịanịa ọkụrụkụrụ nyana ịn pịrị. Ini oloku-oloku ị̀ tẹkẹ ḅa, ini inetẹ oloku pakama ḅẹ ḅara-ḅara, kụma arị ịn poki ḅịa.”

Hosiya 5:6

Ini ịna anana ma na opu anama ma na kẹ agba mịẹ-mịẹ KỊNỊNYANAḄỌ ḅe pịrịarị, kụma anị gbọrụ iḅi sọ kẹ ịn mịẹ-a. Ini inetẹ ọ̀ ḍọkị ẹrị ḅịa, kẹ gotẹ ọkọ ḍukoarị àrị in koroma-so tẹẹ.

Emọsị 5:21

KỊNỊNYANAḄỌ ḅe ḅẹẹarị, “Àrị ọmịna Tamụnọ alalị ma ḍiki-ḅioḅuarị; àrị inetẹ arị inema ḅịa!

Mayịka 3:4

Sakị mẹ ḅoarị ó peema oloku KỊNỊNYANAḄỌ ḅe sịn ḅarị sakị mẹ, kụma ori ọ́ naa ḅịa; ọmịna atẹkẹ ma sọ, ò poki ḅịa, ó siye mịẹm ẹrẹsị.

Zẹkaraya 7:13

Àrị ẹkwẹn sakị in poki-a ẹrẹsị ịn tẹkẹ sakị àrị ịn pakịrị-a.

Malakayị 1:10

Kụrọmamgba nyana KỊNỊNYANAḄỌ ḅe ḅẹẹarị, “Mimgbe ọmịna ḅụ ḅẹ gbọrụḅọ Tamụnọ-warị mẹ ḅẹ aḅọkọ ma gbaịn tẹẹ, mịẹ tẹ ọ́ ḅarị papaa afịnị tọnọ ḅịa ḅara ị̀ agbamịẹ-anga mẹ ọgọnọ. À ḅioḅẹlẹ nyana ọ́ pịrị-a; ọ́ kẹ ḅo ị̀ pịrịarị aị ma à daa-ọkị ḅịa.

Malakayị 2:13

Mie jen tẹ ọ́ mịẹarị ye. Ọmịnị owu-minji kẹ KỊNỊNYANAḄỌ ḅe agbamịẹ-anga mẹ ḅilemarị, tẹ lee-leema owuarị, ọ̀ ḅarị jen kẹ ọmịnị ọkị-ḅoarị ḍiepịrị-aị ma da-a ẹrẹsị.

Mịẹfinji 6:8

À ḍiki tẹ bosolo ḅara sime asụ ẹrịm. Ori ọgọnọ kpọlị ḅọ ḅe ẹrẹ Fị, tẹ Ḍuḅu ḅio nwẹn-sịn ḅọ ḅe ò pono tẹ ḅoarị, ori ọḅụjụ ḅụ. Ịn kụrọ kẹ ịn pịrịm ịn kẹ tomikiri mẹ kẹ inia akiri ḍiya ḅẹ gbọrụ kiri ḅaa, ọmụ ḅụ na, ḅuru-ḅa ḅụ na, obi ḅụ na, pịkị piri-ḅio-ḅẹ si anama na ḅụ.