Jerimaya 14:10 - FỊAFỊA BAỊBỤLỤ

¹⁰ KỊNỊNYANAḄỌ ḅe mịna apụ ma gboloma ye ḅụ ḍukoarị: “ini ị̀ ḅụụ mangị-so ḅẹlẹmarị, tẹ ini ịna ḅụụ ọlọ ḅịa. Mie ḅụ ịna mịẹ ye ị̀ ḅụụ ḅẹlẹ-a. Ịn mịẹ tẹ iri-aị ma à kẹ ḅiokoroma ḅa, tẹ fomu-ḅara kẹ ịn pịrị ḅa ịna asi ẹrẹsị.”

Jerimaya 14:10 Iomraidhean Croise

1 Amadapụ 17:18

Á nwẹnị Ịlayịja ḅẹẹ, “Yei Tamụnọ Ịkịankoroḅọ, ị́ ị̀ na tọ ịgbanịya nyana? Ị́ ị̀ asi ma kẹ Tamụnọ ḅiokoroma tẹ mịẹtẹ ì owiḅọtụḅọ ḅe fịị ḅẹ mie í gotẹ ḅo ye?”

Devidi-Anume 119:101

À si ye-mịẹ-ḅara mamgba kọkọrọ tẹ, àrị ị́ ẹkwẹn poki tẹ mịẹ ḅẹ-ḅiiarị ẹrẹsị.

Devidi-Anume 95:10

Kụra amesi ịna amịẹaị nwẹn kẹ ị̀ ḅụụ siinm. À ḅẹẹm, ‘Ịn sịḅị-tuu ị̀ pịrị-a la ḅara ḍiki! Ini à tọn kuroma aị ma poki tẹ mịẹ ḍụkụ-a.’

Paka-so 32:34

Kụma mịọkụ soo, mu etela kẹ tomi ma ḍie anịanga mẹ tẹ à ḍuko ị́ pịrị anga mẹ muu ḍikii ị̀ enjẹlị tọrọkọ ḅụ ị́ na mu ḅa. Anịsọ, à ḅo toluma ịn ḍiki ḅarị ene la sakị, arị ịn mịẹ si mẹ kẹ ịna ọgọnọ gbana ḅa.”

Jerimaya 2:36

Ị́ ị́ ḅụụ mịẹ iderima tẹẹ, pịkị jen asịẹ ḅẹ atamụnọ da ḅụ. Ijiputi í pikirima ḅa, Asiriya kẹ ị́ mịẹ gbọrụ ḅara mẹ.

Jerimaya 3:13

Ị́yẹrị paa minini mịnẹ í siye mịẹ tẹẹ, mịnẹ ị́ kọngọ kụrọma KỊNỊNYANAḄỌ ị́ Tamụnọ pịrị tẹẹ. Ḍuko pakama mịnẹ ịwọ sịn goyegoye suku ị́ ị̀ ḅẹlẹma kẹ jen asịẹ ḅẹ atamụnọ pịrị tẹẹ, ị́ ị̀ tọn-aị ma mịẹ-a. Yẹrị KỊNỊNYANAḄỌ ḅe ọkọ ḅẹẹm.”

Jerimaya 31:34

Ịna ḅụ gbọrụḅọ-sọ mḅọ pembema Izirẹlị ḅẹ ḅọ toluma ḅịa mḅọ KỊNỊNYANAḄỌ ḅe nimi, inimgba ì nimi ḅa ẹrẹsị, iderima-tẹịn ḅọ ḅụ ọkị mu geletẹịn ḅọ la. Arị ịna asi wẹrịso ịn pịrị tẹ ḅarị jen kẹ ịna mịẹ-irima ma kẹ ḅiokoroma ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 6:20

Sẹba ḅụ ini ọkị-ḅo ị̀ pịrịarị kụnụaị dọkịma aị ma à kẹ tiye mịẹ ḅẹ, anịanịa sụma-jụ ḅẹ amakiri ḅụ ḅo kụnụaị ma? Ịn kẹ ḅoarị ḍiepịrị-aị ma à da ḅịa, anịanịa ịna agba ma ị̀ ḅụụ-ḅẹlẹ aị sọ.

Jerimaya 8:5

Ọkọ kụma tiye ẹrẹsị, ì atomi, ọmịnị ị̀ ḅụ pịkị-so tẹ ḅarị pịkị-ḅo-a? Ọmịnị ọmịna oru-afụḅara ma fịnama sịẹma tẹ ḍụkụ tẹ pịkị ị̀ ḍọkụma-ḅoa.

Izikẹlị 29:16

Izirẹlị ḅarị gbala-gbala jen kẹ ịna ḅụ sịrẹrẹ ḅịa, ḅarasụa gotẹ. Ijiputi ḅụ paka ḅarị ye mẹ kẹ Izirẹlị ḅiokoroma ḅa ịna ḅụ sịrẹrẹ mẹ kura-a la ḅara. Anịtẹso Izirẹlị nimi ḅa mịnẹ yẹrị anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe.”

Hosiya 11:7

Ini ịgbanịarị ini ị̀ ḅụ pịkị so. Ịna kọngọ jịjịmarị kọngọ-kpọ-sịn mẹ gotẹ ini oloku pakama ḅa, kụma gbọrụḅọ-sọ anị saakị sin ịn pịrị ḅịa.

Hosiya 11:9

Àrị ị̀ ịganị ḅụ í fomu ḅịa; à ḅarị jen kẹ Izirẹlị guluguluma ḅịa. Gbala yẹrị Tamụnọọ, yẹrị tomḅọ-a. Yẹrị Fịafịa Ḅọ ḅe ị́nịna emi. Àrị ịganị ḅụ ḅo ị́ la ḅịa.

Hosiya 7:13

“Ịn fatẹ! Ini ì koroma-so tẹ pịkị kọngọ-kụrọma ị̀ pịrị tẹ. In gulugulu ḅa. Àrị ịn ḅọrọma ḅẹ ḅiim, kụma ịn kẹ sunsin ị̀ pịrịarị ḅara mẹ kura-a.

Hosiya 7:2

Gbala-gbala anị ịna aḅioḅẹngbọ sọ-sọa mịnẹ mị siye mẹmgba à kẹ ḅiokoroma ḅa; kụma ịna asi in gbori-ikelema wararị, tẹ àrị inetẹ àrị ẹrị ḅịa ọkụ ofori.”

Hosiya 8:13

Ini agbamịẹ-mịẹ ị̀ pịrị tẹ arịḅẹ nama mẹ pẹịarị. Kụma yẹrị KỊNỊNYANAḄỌ ḅe, ịna mịẹ ye ḅẹlẹma-a, tẹ mịọkụ arị ịna si kẹ ḅiokoroma tẹ anị gotẹ in fomu ḅa; arị ịn kẹ pịkị Ijiputi fịrịma ḅa!”

Hosiya 9:9

Ịn mịẹarị siye ḅụ ịn kẹ mịẹ-mịẹ ye ḅarị ofori, anie Gibiya ḅụ in sime sakị ịn mịẹ-mịẹ gbọrụ ḅara mẹ. Tamụnọ ịna si kẹ ḅiokoroma tẹ anị gotẹ in fomu ḅa.

Emọsị 3:2

Tomikiri emi asịẹ mamgba ḅụ ọmịnị ngẹrị mie à nimi wararị, tẹ pịkị kokoarị apụ. Aniemẹ mịẹ tẹ ọmịna asi mị-ḅara kẹ ḅalafama ḅakarị, tẹ anie mịẹ à gotẹ ó fomu ḅarịye.

Emọsị 5:22

Ọ́ dọkịma-agba ma na mgbọlị fịaị ḍiepịrị-aị ma tẹ ọ́ kẹ ḅo ị̀ pịrịarị aị ma à daa ḅịa. Ó koko tim-tim-ma tẹ kẹ ḅo ḍie ị̀ pịrịarị anana ma àrị ọkị ḅịa.

Hiburu 8:12

Àrị ịna asi wẹrịso ḅa, tẹ à ḅarị jen kẹ ịna amịẹ-irima ma kẹ ḅiokoroma ḅịa.”

1 Samụẹlị 15:2

Mie KỊNỊNYANAḄỌ ọmụ-ogbo ma nyana ḅọ ḅe ḍuko yee, “À fomu-ḅara kẹ Amalẹkị pịrị ḅa ịn kẹ Izirẹlị, Ijiputi ḅụ paka-ḅoarị sakị etela ḅụ ini na tụḅụrụ ḅara ḅụ kẹ in mịẹ ye ḅụ.