Jerimaya 13:9 - FỊAFỊA BAỊBỤLỤ

⁹ “Mie à kẹ Juda ḅụụ-tọn mẹ guluguluma ḅarị ḅara, pịkị Jeruselemu opu amịẹaị ma na.

Jerimaya 13:9 Iomraidhean Croise

Egberima-Ẹkwẹn 16:18

Ḅụụ-gelema tomḅọ ḅọrọma mu gulugulu fịị ḅio suu-suum, tẹ opu ẹkwẹn tomḅọ ḅịkịma gbereima koroma-koromam.

Ayịzaya 16:6

Juda ḅẹ apụ ḅẹẹarị, “Wa naa tẹ mịnẹ Mohabụ ḅẹ apụ anie opu-amịẹaị mịẹ-mịẹ apụ. Wa nimi wararị inima anie opu ẹkwẹn kọn, kọn apụ, pịkị amịna ḅụụ ọkị jen-apụ nẹngịma, nẹngịma apụ, kụma ịna aḅụụ boma ma ḅio ye ofori.”

Ayịzaya 23:9

Kụrọmamgba nyana KỊNỊNYANAḄỌ ḅe anị tọnm. Ò gotẹ anị tọn ye, mịẹ tẹ ịn kọrị tẹ aị ḅụ in gelemarị ḅụụ mẹ kunoma, tẹ ịna ḅụ kụn nyana atomi kẹ ḅo iderima kiri ḅụ wẹrị.

Jerimaya 13:8

Anịtẹso KỊNỊNYANAḄỌ ḅe nwẹnị pịkị siin ẹkwẹn ị̀ pịrị. Ori mẹẹ,

Jerimaya 25:18

Jeruselemu na Juda ḅẹ ama mamgba na, pịkị anị ḅẹ amadapụ na sịḅịdapụ na sọ kẹ ịna ḅụ sụa tẹ in ḅuum, mịẹ tẹ ini ịkpa sọ ḅẹ ḅara, tẹ ḍiki-tọrụ ḅụ ḅalafamarị pịkị ḅụụ-gbiripumarị ye, mịẹ tẹ kịnị ịna ẹrẹ kẹ ye karị, anie mịọkụ sọ in paa mịẹarị ḅara.

Jerimaya 48:29

Mohabụ mẹ anị ḅụụ-gelema ḅakam! Ịn kẹ ḅụụ-gelema ḅara na, opu aị opu aị ḍuko ḅara na, ịna atomi ma ịna aḅụụ ọkị tẹịnma jen-apụ nẹngịarị ḅara na, ịn kẹ ịna aḅụụ ḍikiarị ḅaka ḅara mẹ na, à naa tẹẹ.

Izikẹlị 16:50

Ịn ḅụụ-tọn tẹ pịkị kọngọ-kụrọmam tẹ yẹrị ḍiki-ḅioḅuarị aị mịẹm, anie ḅụ àrị ịn ḅaa-gulugulumam, í nimi lama wararị ḅara ḅụ.”

Izikẹlị 16:56

Ị́ ḅụụ-tọn sime ene ma ḅụ Sọdọmụ gboloma ye kẹ ḅịḅịkpọ-tii-tiiḅọ kọkọ ị́yẹrị,

Lẹvitikọsị 26:19

Anịsakị arị ọmịna kụrọ mẹ ḅẹ opu amịẹaị ma anyịma siin ḅa, tẹ ọmịna aso ma kẹ ikulele kịkama mịẹ, tẹ ọmịna kiri mẹ kẹ ojo mẹ kịkama mịẹ ḅa;

Nahọmụ 2:2

(Kẹ gotẹ ọkọ ḅẹẹarị, KỊNỊNYANAḄỌ ḅe Jekọbụ ama-da opu mẹ pịkịma ḅoarị Izirẹlị ama-da opu mẹ sime-ḅara, gbala kụrọ-ḅara kẹ ngọ fọịn apụ ịn fọịn tẹ ịna ịkpangị ma sima sara tẹẹ.)

Zẹfanaya 3:11

Anị ene mẹ ḅụ, ọmịnị ị̀ atomi ma gotẹ ḅụụ-jịrị-jịrị ye ḅarị paka ḅịa, mịnẹ ọ́ kọngọ kụrọma ị̀ pịrịm. Ḅẹḅọ-ḅẹḅọ tẹ ḅụụ-gelema tẹ opu ẹkwẹn kọn-arị ḅo arị mḅọ saakị siin ḅa, anịsakị gbala-gbala ọ́ ḅarị jen kẹ kọngọ kụrọma ị̀ pịrị ḅịa ị̀ fịafịa tụndụ mẹ ọgọnọ.

Luku 18:14

Jizọsị nwẹnị ḅẹẹ, à ḍuko ọ́ pịrịarị, ama-igbigi da ḅọ ḅe mie Tamụnọ na ḅẹrẹ-fama tẹ ye, ọ̀ warị la sakị, Farịsiiḅọ ḅe-a. Gbala amịna ḅụụ gelema ḅọ, gelema ḅọ ini mḅọ iderima ḅa, tẹ amịna ḅụụ iderima ḅọ, iderima ḅọ ini mḅọ kẹ opu sọma ḅa.”

Jemụsị 4:6

Kụma Tamụnọ kẹ tomi pịrịarị ḍiki-ḅụụjịrị mẹ kụrọ anị nẹngịm. Anie Fịafịa Ḍiri mẹ ḅẹẹarị ḅara, “Tamụnọ opu amịẹaị mịẹ apụ na tụḅụrụarị, kụma ò ḍiki-ḅụụjịrị nyana ḅụụ iderima apụ ma pịrịarị.”

1 Pita 5:5

Ọmịnị asawọ ma sọ ọkọ ḍikima tẹ sịḅị-tuu omongiapụ ma pịrịị, tẹ ọmịnị-mgba ḅụụ iderima kẹ tọrọkọ kikima ḅịtẹ sọma tẹ fịrịmẹnjị jụmọ-jụmọ pịrịị, kẹ gotẹ ọkọ ḍukoarị, Fịafịa Ḍiri mẹ ḅẹẹarị, “Tamụnọ ḅụụ-gelemarị ḅọ na tụḅụrụarị, kụma ḅụụ iderimarị ḅọ mẹ mie ori iḅi tọrụ kẹ ḍikiarị.”