Jerimaya 13:27 - FỊAFỊA BAỊBỤLỤ

²⁷ Ori ị́ ẹrị tẹ í ò ḍiki-ḅioḅuarị aị ma mịẹarị. Ori ị́ ẹrị tẹ í oru nimi apụ ma ḍuka muarị tụndụ ma ọgọnọ na ḍụọ ḍiḅi akiri ma ḅio na, tomḅọ mḅọ na kpekitẹ angarị ḅọ taḅọ gotẹ lẹlẹ tẹ à ḍukarị ḅara, anịanịa owi-asụ ịyọrọ gotẹ lẹlẹ ḅara. Jeruselemu ḅẹ apụ ọ́ fa tẹẹ, ọ́ fa tẹẹ! Ó ḅo kpaịn ḅẹ sakị ḅọrọ tọ sakị?

Jerimaya 13:27 Iomraidhean Croise

Devidi-Anume 94:4

Si amịẹaị mịẹ apụ ma paa ḅụụ-gelema nwenii mu tọ sakị la ḅẹ tẹ ịna si amịẹaị ma kẹ ḅụụ-boma ḅẹ?

Devidi-Anume 94:8

Ị̀ atomi, ndẹẹ ọmịnị inetẹ nwẹn sime opu oḅori-sọarị ḅara? Tọ sakị ḅụ ọ̀ ḅọrọ ye ḍawọ ḍin ḅẹ?

Egberima-Ẹkwẹn 1:22

Oḅori-sọarị atomi! Tọ sakị na gbasị ye ọ́ nwẹn kẹ oḅori-sọ ḅẹ? Tọ sakị na gbasị ye ọ́ nwẹn kẹ ḍawọye ḍiki-iderima ḅụ ḍereku ḅẹ? Gbala-gbala ó minini tẹ ye ḍawọ ḅịa?

Ayịzaya 57:7

Ó gele lama tẹ tụndụ ma kpọlị-kpọlị tẹ agba mịẹ-mịẹ tẹ owiḅọ na ẹrẹḅọ na gboloma mịẹ mịẹarị.

Ayịzaya 65:7

ịna asi ma na ịna elemu aḍapụ ma asi ma na gotẹ. Ịn kụnụaị dọkịma tẹ tụndụ ọgọnọ ḅẹ oru tẹkẹ awarị ḅio, tẹ ị̀ ḅụ siye ḍuko tẹẹ. Mie ḅụ arị ịna ḅọrọ tẹ amịẹaị ma gbẹẹ ḅara kẹ in fomu ḅa.”

Jerimaya 11:15

KỊNỊNYANAḄỌ ḅe mẹẹ, “À ḅẹlẹmarịapụ ma si-amịẹaị mịẹarị. Ịn tọ kụrọ nyana ị̀ Warị ḅio sime ḅụ? In kuromarị ini inetẹ ḅo ịn la ḅẹ opu ḅụụ-fụka mẹ dasịẹma ḅa, papaa ḅịḅị ḅẹ ye minini ḅụ, pịkị nama kẹ mịẹarị agba ma ḅụ? Anie ḅọrọ mịẹ tẹ in ḅioḅẹlẹ ḅẹ?

Jerimaya 3:6

Josaya ama-daarị sakị ḅụ, KỊNỊNYANAḄỌ ḅe ị̀ ḅẹẹm, “Ị́ ẹrị tịya, Izirẹlị, anị si ẹrẹḅọ ma mịẹ tẹ ye? Árị ọḅụ pịkị ì gbin tẹ mẹnjị so tẹ, tụndụ goyegoye ọgọnọ na ḍumo wararị sịn goyegoye suku ḅụ na arị ama-mẹnjị-ẹrẹḅọ mịẹ-mịẹ ye mịẹ tẹẹ.

Izikẹlị 16:23

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Ị́ fa tẹẹ! Ị́yẹrị anị siye mẹmgba mịẹm, anị tẹso

Izikẹlị 2:10

Ḅara mẹ nwẹnị in-ikoarị-abịlala mẹ finji-sara, tẹ àrị ẹrịm maa apakịrị ma ḅụ kẹẹ wararị ye — owu na kururu na iningi na anị ḅio kẹẹ wararị.

Izikẹlị 20:28

Àrị ini ọkị-ḅo à minini ịn pịrị amakiri mẹ lamam. In gele atụndụ ma na ịwọ asịn ma na ẹrị sakị ini arịmgba ḅụ agba mịẹm. Ini ị̀ ịganịmam ịn mịẹ dọkịma-agba na iru ḍiepịrị-aị agba na tẹ ini ọkị-ḅo aị na ḅụ.

Izikẹlị 24:12

karakaraye anị ḅẹ asarị mẹmgba so fama ḅịa sọ kọrị-fịnị mẹ ḅio.

Izikẹlị 24:13

Jeruselemu, ị́ kọn sẹfị si mẹ í pilema tẹẹ. Tụkụmaye àrị ị́ kpaịnma ḅẹ mịẹm sọ ị́ paa pile tẹ simearị. Ị́ ḅarị jen kẹ kpaịn ḅịa nwenii ị́ ị̀ ịganị ḅẹ kụrọ laa ḅiri laa ḅiri da sakị la ḅa.

Izikẹlị 24:6

Mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye: “Kịnị-ḅaapụ opu ama mẹ ḅẹrẹ fa tẹẹ! Anị kịkarị ye anie asarị-sọ tẹ ḅẹlẹ tẹ gbala-gbala amụ ịn kụrọrọ fịafịama-a ye. Nama mẹ pakịrị-pakịrị ma in ḍuu pakama-ḅo tẹ, gberie-sọ kọnma ḅara.

Izikẹlị 36:25

À kịọnkịọn minji kẹ ọmịnị asana tẹ mị tẹ ọmịna oru-afụḅara mamgba na jen ye goyegoye tẹ ó pilematẹ ye mẹ ḅụ ọ́ sịkịrị fịafịa ḅa.

Izikẹlị 36:37

Tẹịn-Ḅẹrẹtọn-Kụrọ-Nyana KỊNỊNYANAḄỌ ḍukoarị, “À pịkị siin jen gbọrụ sakị kẹ Izirẹlị ḅẹ apụ ma wẹrịso tẹ ini ị̀ ḅara ḅarasụa ḅii ḅa, tẹ à wẹrịso ịn pịrị tẹ ịna akịẹn-ḅịḅị sun anana-ogbo kịka ḅa.

Izikẹlị 6:13

Ḍụẹịn-ḍụẹịn-ḍụẹịn gala-gala sara ḅa oru-afụḅara ma na agbamịẹ-anga ma na ogboku, tụndụ goyegoye ọgọnọ-jụ na, gele tụndụ goyegoye na ọgọnọ-jụ, ịwọ sịn goyegoye na oku nwẹn-sịn asịn ma na suku, anga goyegoye tẹ in mu dọkịma-agba mịẹ ịna oru-afụḅara pịrị-pịrị ayọ mamgba. Anịtẹso ḅẹḅọ-ḅẹḅọ nimi ḅa mịnẹ yẹrị anie KỊNỊNYANAḄỌ ḅe.

Hosiya 1:2

KỊNỊNYANAḄỌ ḅe tarị-tarị Hosiya ḅụ ḅọrọ tẹ ẹkwẹn Izirẹlị pịrị sakị, ori Hosiya ḅẹẹm, “Mu ẹrẹḅọ simee; ị́ ta ma á sẹfị ḍumo kọn ḅa, tẹ ị́ awọmẹ sọ á kịka tẹ á sime-ḅara sime ḅa. Anị gbọrụ ḅara ḅụ, ị̀ atomi sẹfị tẹ ì koroma-so tẹẹ.”

Hosiya 4:2

In ye minini-minini tẹ in minini ḅara kan-arị; ini iruoarị, kịnị ḅaarị, furuarị, tẹ pịkị sẹfịarị. Si amịẹaị ḅaka-ḅaka-ḅakarị tẹ in tomi ḅaa-ḅaa sararị.

Hosiya 8:5

À Sameriya opu ama mẹ ḅẹ apụ ma sunsin pịrịarị golu mḅudu mẹ ḍiki-ḅioḅuarị. Àrị ịn gotẹ ịganị ḅụramarị. Mu tọ sakị la tẹrẹmẹ ini ịna oru-afụḅara tẹkẹ mẹ ḅụ ḅara-siin ḅẹ?

Zẹfanaya 3:1

Jeruselemu fa tẹẹ, anị ḅụrụ-kọsị tẹ kọngọ-kụrọmarị opu ama mẹ tẹ amịna atomi ponomarị ye mẹ.

Matiyo 11:21

Ori mẹẹ, “Korazịnị, tẹkẹlẹ sime ị́ pịrịm! Bẹtịsayịda, ị́yẹrị sọ tẹkẹlẹ sime ị́ pịrịm. Ọmịna aḅio ḅụ kọrị tẹ ḅụụ-buama-aị ma nwẹnị Taya na Sayịdọnị na ḅio kọrịm namịna mimgbe tomi ma akpa ịnwaịn tẹ fọọn ḍuu ịna sịḅị sara tẹ ḍie-pakama tẹ mịnẹ ini ịna asi ḅụ pịkị tẹ.

2 Kọrịntị 12:21

Ị̀ ḅalafaarị, mịnẹ à jen ḅo ḅarị sakị mẹ ḅụ ị̀ Tamụnọ ọmịna tọrọkọ ị̀ mịẹ iderima ḅa, tẹ à tọnwa-apụ, ḅọrọ tẹ sakị ḅụ si mịẹ tẹ, amụ paa ịna asi amịẹaị ma ḅụ pịkị-a apụ ma, gotẹ owu ḅa — anie owiapụ na ereme na kọn-arị si mẹnjị tẹ ịn lẹlẹmarị aị ma ḅụ.

2 Kọrịntị 7:1

Ì iḅi ikiapụ, mịna aị mamgba Tamụnọ minini wa pịrị tẹẹ. Ọkọẹrẹsị, ó yee wa ye goyegoye, tẹ oju na tẹmẹ na simearị ye ḅụ, wamịna-aḅụụ wẹrị fịafịama, tẹ wa nwẹnị gbọrsịḅị fịafịa fama, Tamụnọ ḍiki-ḅalafa ḅụ ḍumo kọn ḅụ.

Jemụsị 4:4

Ọmịnị sunsin Tamụnọ pịrị sịkịtẹ atomi! Ó nimi-a mịnẹ ḅẹlẹma nyana tomikiri ḅẹ si-aị pịrị anie Tamụnọ na fịya-a? Tomikiri ḅẹ si-aị ḅẹlẹmaḅọ ḅẹlẹmaḅọ, mḅọ Tamụnọ na fịya-a ḅọ sọ tẹẹ.

Mịẹfinji 8:13

Anịtẹso à ḍiki tẹ igo ẹrịm ò fiin So-tọrụ iwo fa wararị, tẹ à nwẹnị ori oloku-oloku tẹ ḍuko sime ye naa, “yei, ḅụụ-fụka! ḅụụ-fụka! Tẹkẹlẹ sime tomikiri angarị apụ mamgba pịrị ḅa, osi tẹra enjẹlị ma sọ ọdụ ma ofuro nyanam!”