Jerimaya 13:25 - FỊAFỊA BAỊBỤLỤ

²⁵ Ó ḍuko tẹẹ mịnẹ miemẹ anie ị́ ḅụ paka ḅẹ tẹ sime ị́ pịrị ye. Miemẹ anie ọ̀ kẹ ị́ mịẹ ḅẹ tẹ tọn-pẹlẹ ḅara, ị́ ọ̀ kẹ ḅioḅọrọma tẹ iruo atamụnọ minini tẹ ẹrẹsị.

Jerimaya 13:25 Iomraidhean Croise

Jobu 20:29

Mie tomḅọ ḅe ḍiekiri, Tamụnọ sụa oloko ḅụ sime ọ̀ pịrị kiri.”

Devidi-Anume 11:6

Ori ọgọnọ sime tẹ kọrịarị anyịmgbọ na ọpọlị kịkaye na kẹ si-sịḅịḅio-sụapụ ma fịrịmarị: oju dọkịmarị fẹrụ mie ọ̀ kẹ in fomuarị.

Devidi-Anume 9:17

Fị sime si-sịḅịḅio-sụapụ mamgba pịrịm, pịkị Tamụnọ sịkị tẹ apụ mamgba sọ.

Ayịzaya 17:4

KỊNỊNYANAḄỌ ḅe ḅẹẹm, “Gbọrụ ene ḅụ, Izirẹlị opu mẹ ḅo kunoma ḅa, tẹ igoin ḅo anị ḅẹ ngọ kiri mẹ ḍima ḅa.

Ayịzaya 28:15

Ọ́ ḅụụ boma tẹ ḅẹẹarị mịnẹ ọ́ fị na ḅara kẹ ḍiri pono tẹ ḍuḅu na ḅịḅị-kẹ-ogbosọ tẹẹ. Ó minini lama wararị mịnẹ opu ḅụụ-fụka ḅo ḅarị sakị anị ọ́ kọkọrọ ḅa, ọmịnị iruo-aị na oḅori-kẹ-kịnịsịn na ḅụ sịrẹrẹ tẹ mịẹtẹ ye ḅarị ọ́ la ḅịa ẹrẹsị.

Ayịzaya 34:17

KỊNỊNYANAḄỌ ḅe mie kiri mẹ ḍie, tẹ ọrụḅọ-ọrụḅọ nye kẹ mḅọ pịrị ḅarịye. In kiri mẹ ḅụ anga ḅa ḅụọ-fa-ḅụọ-paka ḅụ, tẹ anị sime ịn pịrị gbamaso ḅa.

Ayịzaya 65:7

ịna asi ma na ịna elemu aḍapụ ma asi ma na gotẹ. Ịn kụnụaị dọkịma tẹ tụndụ ọgọnọ ḅẹ oru tẹkẹ awarị ḅio, tẹ ị̀ ḅụ siye ḍuko tẹẹ. Mie ḅụ arị ịna ḅọrọ tẹ amịẹaị ma gbẹẹ ḅara kẹ in fomu ḅa.”

Jerimaya 10:14

Miemẹ ẹrị atomi oḅori ḅara na nuaa ḅara na sime ḅa; oru-afụḅara kịrarị apụ ma ḅo arị papaa aị ḅara lekiri ḅa, tamụnọ nwẹn ḅẹẹ aị ma iruo aị, tẹ in ḍumo nyana-a ẹrẹsị.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 2:13

kẹ gotẹ ọkọ ḍukoarị ì atomi maa asi mịẹ tẹẹ: ini ị̀ ḅụ pịkị so tẹẹ, ḍumo-pịrịarị ngụngụḅa minji ḅe, tẹ minji koko olulu soku tẹ, paịn-paịn-sararị olulu ma tẹ gbala-gbala inetẹ minji ọlọ wẹrị-a aị ma.

Jerimaya 2:32

Iriawọ-tụḅọ á pọkọsụa ḅiriaị kẹ ḅioḅọrọma-ḅụrama, anịanịa ịya ḅẹ ẹrẹḅọ arị ịya ḅẹ ene ḅẹ ḅiriaị? Kụma ị̀ atomi ị̀ kẹ ḅioḅọrọma tẹ kịẹnkịẹn-ọkụ-ofori ene ma ḅụ.

Jerimaya 3:21

Tụndụ ma ọgọnọ-jụ ḅio ḅịḅị yoko-yokoma fiearị; Izirẹlịapụ owu pọkọ na tẹkẹarị ḅịḅị na, in si ḍumo kọn tẹ ẹrẹsị pịkị KỊNỊNYANAḄỌ ịna Tamụnọ ḅe kẹ ḅioḅọrọma tẹẹ.

Izikẹlị 23:35

Mịọkụ mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “ị́ ị̀ kẹ ḅioḅọrọma tẹ ọḅụ kẹ ì gbin ye ẹrẹsị, ị́ ị́ lẹlẹ na ị́ ama-mẹnjị eremịna ḍumo na gotẹ tọrụsiẹrị ḅa.”

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Zẹfanaya 3:2

Amụ anị KỊNỊNYANAḄỌ ḅe poki-a, anịanịa ò ḅeri nụnụ fomu-ḅara mẹ daa-ọkị. Amụ anị KỊNỊNYANAḄỌ ḅe kẹ ḅiokpọma-a, anịanịa ọ̀ ḅarasụa ḅii.

Matiyo 24:51

Ọ̀ nyanaḅọ ḅe si fịrịmẹnjịḅọ ḅara kẹ ori ọkị, tẹ fịrị ḅụ ọ̀ dasịẹma, tẹ mịẹtẹ si-mịẹapụ ḅụụ paka-paka ye ọ̀ ḅụụ paka ḅa. Anịanga mie ò sime tẹ owu-owu tẹ ori aka farị ḅarịye.

Romu 1:25

Iruo aị anie ịn kẹ Tamụnọ gboloma karakara mẹ ḍima tẹ ye; Tamụnọ tẹmẹ-aị anie ịn tẹkẹ tẹ pịkị fịrịmẹnjị pịrịarị, tẹ nwẹnị ori mịna aị ma tẹmẹḅọ ḅe rẹ tẹkẹ-a anie ịn tokini gbamaso ḅẹ ḅọ ḅee! Amẹnị.