Jerimaya 13:22 - FỊAFỊA BAỊBỤLỤ

²² Ị́ nwẹnị gbelarị tiye ẹrẹsị mie-mẹmgba ị́ ḅụụ pakarị ḅẹḅẹ — in tiegotẹ ị́ ḅịtẹ kporima tẹ kụrọ-ḅara kẹ ị́ na ye mịẹ ye mẹ — anị gotẹ ọkọ mịẹ yee, í sii ḅalafamam.

Jerimaya 13:22 Iomraidhean Croise

Ayịzaya 20:4

Asiriya tomikiri mẹ daarị opuḅọ ḅe arị asịẹ ma ḅụ ò kuun-ọkị ikoliapụ ma paụma tẹ ịn kẹ mẹnjị so ḅa. Asambịrịma apụ na omongitẹapụ na papaa aḅụọ kẹ paụ tẹ mẹnjị ḅa, ịna okolo-ḅọkọ ma gbaịn-a ḅara, nwẹnị ḅụụ-jịrị kẹ Ijiputi ọgọnọ gbana ḅa.

Ayịzaya 3:17

Kụma à fomu-ḅara kẹ ịn pịrị ḅa — àrị ịna sịḅị-ḅẹ-inume sẹịn siin ḅa, tẹ ịn kpụkpụnụ wararị ḅara mẹ kẹ ịn wẹrị ḅa.”

Ayịzaya 47:8

Miemẹ pokii, tomikiri ḅẹ tọrụ-ḅẹlẹ ḅẹlẹmarịḅọ, í kuromarị ị́ la-la ye ofori, tẹ ị́ kpaịn sime wararị. Ị́ ọkịarị ị́ Tamụnọ ḍụḅa ḅara ḍụḅa wararị, tẹ í pembema jụmọ ofori. Í kuromarị mịnẹ gbala-gbala í diḅọ-fịtẹ-ẹrẹḅọ sọ ḅịa, anịanịa ị́ awọmẹ ḅarị ofori ḅụụ-fụka da.

Jerimaya 13:26

KỊNỊNYANAḄỌ ḅe ḅarana ị́ paụma sịẹma tẹ ị́ ḅụụ-jịrị ḅa.

Jerimaya 14:16

Ịn mịna aị ma ḍuko pịrịtẹ apụ ma sọ anị gbọrụ ḅọkọ mẹ ḅụ ḅọrọ tẹ fịị ḅa. Ini ịna oju-akpakpa ma kẹ Jeruselemu ḅẹ etela ma ḅụ gbin koroma tẹ àrị ḍiḅi ḅẹ gbọrụḅọ, sọ paka ḅịa. Miemẹ inimgba ḅụ paka ḅa ịna sime-ereme na, ịna owiapụ-awọmẹ na, ịna eremịna-awọmẹ na, kẹ sụa. À mịẹ tẹ ini ịna si-sịḅịḅio-sụa saa mẹ gbẹẹ ḅa.”

Jerimaya 5:19

Ini à gotẹ mịna aị ma mịẹ ye gbela sakị, Jerimaya, ịn ḅẹẹ mịnẹ ini ị̀ ḅụụ pịkị-so tẹ fịrịmẹnjị jen asịẹ ḅẹ atamụnọ pịrị ḅara mẹ ịna ḅara kuḅu ḅẹ amakiri ḅụ, anie ịn pịkị fịrịmẹnjị jen asịẹ ḅẹ apụ pịrị ḅarị ḅara ịna nye-a amakiri ḅụ.”

Kururu Owu-apọkọ 1:8

Jeruselemu kịnị kururuma ḅara kẹ si mịẹm, anịẹrẹsị á ḅo sịḅị-ngụngụnma ḅara simem; kụn kẹ á pịrị apụ mamgba á ḍiki-simam, gbala ini á paụ ẹrị tẹ ẹrẹsị; inn, árị ma ḅioju sọ iningim, tẹ ḅụụ-jịrị ḅụ á tọrụ sikimam.

Izikẹlị 23:26

Ini ị́ kapa kan siin tẹ í yela ḅụụ ḅiriaị ma ọkị ḅa.

Hosiya 12:8

Ịn ḅẹẹarị, ‘Wa ye-kọn tẹẹ, wa ye nyana sara tẹẹ. Tẹ gbọrụḅọ-sọ inetẹ wa kịnị-inoma ḅara kẹ ngọ-kọnm ḅẹ ye kẹ wamịna sịḅị-sẹịn ḅịa.’

Hosiya 2:10

Á ḅẹlẹmapụ ma tọrọkọ ḅụ àrị á paụma ḅa, tẹ gbọrụḅọ-sọ inetẹ ị̀ kụrọ ḅụ á ḅọrọma ḅịa.

Hosiya 2:3

Á ḍụkụ-a ḅẹḅẹ, àrị á paụma fama tẹ árị ini árị iyi ene mẹ ḅụ á sime-ḅara sime ḅa. Àrị á mịẹ tẹ árị ịkpa kịka ḅa, tẹ á minji-pọkọtarị ḅụ fịị ḅa.

Hosiya 2:5

Ịna iyingiḅọ ḅioḅẹngbọ-kẹ-sịrẹrẹ-niḅi-a ḅara sime tẹ tọrụ-tuu ḅụ in furam. Árị mẹẹ, “Àrị ị̀ ḅẹlẹmapụ ma ḍuka-mu ḅa, anie fịye na minji na, oḅoku-dee-ḅịtẹ na, ferefere-ḅịtẹ na, pulo na iru na kẹ ị̀ pịrịarị apụ ma.”

Nahọmụ 3:5

Ḍikii arị ị́ da-paka wararị, Ye mamgba nyana KỊNỊNYANAḄỌ ḅe ọkọ ḅẹẹm; anịsakị à konju ḅụ ị́ sụa akapa saakị ị́ tọrụ gbaịn ḅa; tẹ arị ị́ wẹrịso tẹ opu asịẹ ị́ paụ ḍiki ḅa, tẹ ama kịrị-kịrị ma ị́ ḅụụ-jịrị ẹrị ḅa.

Zẹfanaya 1:12

“Anị sakị ḅụ à kpọọ tọnjọ ọkị tẹ Kireinma ḍọkị-ḍiki ḅa Jeruselemu ḅụ. Àrị árị atomi ma tẹ ọkịarị ye ini na iḅi wararị tẹ ḅiokpọ wararị apụ ma fomu ḅa, anie amịna ḅụụ ḅẹẹarị apụ ma, ‘KỊNỊNYANAḄỌ ḅe gbala-gbala ò gberie-sọ mịẹ-mịẹ-a, mị ḅọkọ anịanịa osi ye.’

Ditẹrọnọmị 18:21

Ọ́ nwẹnị ọmịna ḅioḅẹngbọ ḅụ gbelam: Wa tọ-ḅara kẹ inetẹ ẹkwẹn-ḅịḅị mẹ tẹ KỊNỊNYANAḄỌ ḅe kọn ye mẹ nimi ḅẹ? ḅẹḅẹ,

Ditẹrọnọmị 7:17

Ọmịnị ọmịna ḅioḅẹngbọ ḅụ ḅẹẹm: Mịna opu asịẹ ma ḍụḅa ị̀ nẹngịm, à tọ-ḅara kẹ inetẹ ịn nyana ye ọkị ḅẹ ḅẹḅẹ?

Ditẹrọnọmị 8:17

Ọmịnị ọmịna aḅụụ ẹbị, ó ḅofa ọmịna ḅioḅẹngbọ ḅụ ḅẹẹ: Ị̀ kụrọ na, ị̀ ḅara ḅẹ ịnyọ na ḅụ à mị ngọ mẹ kọnm.