Jerimaya 13:21 - FỊAFỊA BAỊBỤLỤ

²¹ Ndẹẹ í ḍuko ḅẹ ye, ị́ kẹ í ikiapụ sịn-arị apụ ḅo owu kẹ ị́ paka tẹ ị́ nẹngịma tẹ ḅẹrẹtọn ị́ pịrị kụma?” Ị́ akụye ḅụ sọ ḅa, tụḅọ iyiarị ẹrẹḅọ ọkụ.

Jerimaya 13:21 Iomraidhean Croise

2 Amadapụ 16:7

Anieḅụ Ahazi nwẹnị oku kẹ Asiriya ḅẹ amadaḅọ Tigilati-Pilesa fịrịma, tẹ ḅẹẹm, “Yẹrị anie ị́ fịrịmẹnjịḅọ, pịkị ị́ tụḅọ. Ḅoo, tẹ ị̀ ḅọrọmaa, owu kẹ ị̀ pakarị Siriya ḅẹ amadaḅọ ḅe na, Izirẹlị ḅẹ amadaḅọ ḅe na aḅara-ḅio.”

Ayịzaya 10:3

Tamụnọ ó fomuarị sakị ọ́ mịẹ ḅẹ ye tiye? Ori ala jụ simearị opu sịẹ kẹ opu ḅụụ-fụka ọkị-ḅo ọmịna ọgọnọ gbanarị sakị ọ́ mịẹ ḅẹ ye tiye? Ọ́ mangị tọ-anga mu tẹ ḅarasụa nyana ḅẹ? Ọmịna opu ngọ ma ọmịnị arị ḅọị ḅẹ anga tọ-anga?

Ayịzaya 13:8

Inimgba tẹmẹ-naịn-naịn tẹ akụye ịn nẹngịma ḅa, iyiarị ẹrẹḅọ da-da akụye kịkaye. Ịn jụmọ-jụmọ tọrụ ḅio ḍiki ḅa, ḅalafa ḅụ, tẹ ịna atọrụ ḅịya ḅa ḅụụ-jịrị ḅụ.

Ayịzaya 21:3

Ịkịan mẹ ḅụ arị ẹrị ye na naa ye na opu ḅalafaa na akụ na kẹ ị̀ ḅụụ ḅio suu tẹ, ẹrẹḅọ iyiarị tẹ da-da akụ pembe ye.

Jerimaya 2:25

Izirẹlị, ịnyọ kẹ ị́ aḅụọ tama ma, anịanịa ị́ pọkọ-ḅẹ-ololo kpakịkịma ma, mangị-mangị oru-atamụnọ ḍuka mu ḅụ. Kụma ị́ mẹẹ, ‘Ẹn-ẹn! Arị inetẹ pịkị-ḅo ḅịa. À jen asịẹ ḅẹ atamụnọ ḅẹlẹma tẹ in ḍuka-mu ḅa.’ ”

Jerimaya 22:23

Ọ́ gbala-ḅọrọ Lẹbanọnị asida ma ogboku ḅo aị ḅara kẹ ye-ḅụụ-la-a ḅara kẹ ịnyọsara simearị, kụma anị kpọma sịḅị-jịrịmaye sọ ọ́ pịrị ḅa ḅo ọ́ la ḅarị akụ ye ḅụ, anị iyiarị ẹrẹḅọ daarị akụye kịka ḅa.

Jerimaya 30:6

Mịọkụ daasịẹ tẹ kuromaa! Owiḅọ inetẹ tụḅọ iyi pakama-ḅo ḅẹ? Tiye ẹrẹsị arị owiḅọ goḅọ-goḅọ ẹrịarị ori amịna aḅara kẹ ò furo gbana wararị iyi la tẹ ẹrẹḅọ ọkụ? Tiye ẹrẹsị ḅẹḅọ-ḅẹḅọ bosolo wararị?

Jerimaya 38:22

Anị ḅio ḅụ arị ẹrịm Juda ḅẹ Amada-Opu-warị mẹ ḅio kirikọn ereme mamgba ini ịn kẹ mẹnjị paka mu Babịlonịya ḅẹ amadaḅọ ḅe ọmụ-alapụ ma pịrịm.” In muarị sakị in ḍuko ye poki: Amadaḅọ ḅe ḅụụ iḅitẹịn ikiapụ ọ̀ da irima tẹẹ, ini rẹ ḅẹrẹtọn ọ̀ pịrịm. Tẹ mịọkụ ori aḅụọ opou ḅio ḍiḅi sọ-mu tẹso ori ikiapụ ma ò koroma-so tẹẹ.

Jerimaya 4:30

Jeruselemu, ị́ ḅọrọma ḅẹ ọkụ ḅarị ofori! Í tiegotẹ yela pọkọsụaye ḅiri tẹ ye kẹ ị́ atọrụngbọ ḅọrọma? Ị́ papaa ị́ ḅụụ mịẹ iḅimarị ḍiki-tọrụ ḅụ! Ị́ ḅẹlẹmapụ ma ị́ sịkị tẹ ị́ ḅaa ḅẹ ḍọkịarị.

Jerimaya 4:31

Àrị owu pọkọ naam, iyi la tẹ ẹrẹḅọ ọkụ, Oloku ḅịḅị mẹ kịrarama fie ḅara tarị tụḅọ iyiarị ẹrẹḅọ ọkụ. Anie kpọma-ḅẹlẹmarị Jeruselemu owu pọkọọ, kụma á ḅụụkụrọma ịnyọsararị, arị á ḅara sụn-pakama tẹ ḅẹẹarị, “À ḅarị ḅọrọma ḅịa! Ini ị̀ ḅaa ḅẹ ḅoarị!”

Jerimaya 48:41

tẹ ama ma na kụrọnị-ayọ mamgba ini ọkị fama ḅa. Anị ene mẹ ḅụ, Mohabụ ḅẹ ọmụapụ ma tẹmẹ-naịn-naịn ḅa, iyi la tẹ ẹrẹḅọ ọkụ.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 6:24

Jeruselemu ḅẹ apụ ḅẹẹarị, “Wa paka ye mẹ naa tẹẹ, tẹ wamịna aḅara wamịna akaka kpịlasaịma koro-sime tẹẹ; opu tẹmẹ-akụ wamịna ḅụ sọ tẹẹ, iyi laa tẹ ẹrẹḅọ ọkụ.

Izikẹlị 28:9

In ḅo ị́ ḅaa ḅarị sakị mẹ sọ ị́ paa ọkị ḅẹ mịnẹ tamụnọọ? Ị́ tọrụ kẹ ị́ ḅaa ḅẹ apụ ma na dama-dama sakị ị́ fịị-fịị tomḅọ sọ ḅa, ḅọkọ-ḅọkọ mamgba ḅụ ị́ tamụnọ ḅara sime ḅịa.

Matiyo 24:8

Mịna aị mamgba kịkarị ye anie iyi latẹ ẹrẹḅọ tarị da-da akụ aị.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.