Jerimaya 13:19 - FỊAFỊA BAỊBỤLỤ

¹⁹ Juda ḅụ suku-jụ ḅẹ ama ma ama ọkị apụ arị ikelema-koro tẹ. Gbọrụḅọ sọ inetẹ tolu mu arị la ḅịa. Juda ḅụ sime apụ mamgba in kun-so jen asịẹ mu tẹ.”

Jerimaya 13:19 Iomraidhean Croise

2 Amadapụ 25:21

Babịlọnị ḅe amadaḅọ ḅe nwẹnị ịn fomu tẹ ịn ḅaa Hamatị ye-yọ Ribula ḅụ. Anie ịn Juda ye-yọ ḅụ anị ọkị mu omoni sọma ḅara.

1 Paka-aị 9:1

Mị-ḅara mie Izirẹlị mamgba paka-furo-furo ḅụ ẹrẹ kẹ ḍiri ḅio sụa fama ḅara; anịsakị mịna aị mamgba Izirẹlị ḅẹ Amadapụ ma Ḍiri mẹ ḅio kẹẹ wararị. Juda ḅẹ apụ ma nyana-a minini gotẹ in kun-ḅara ḅụ sọ-mu Babịlọnị ḅụ omoniapụ sọm.

Jobu 12:14

Ọ̀ kan-sara kụma, inetẹ siin nama ḅẹ ḅọ ofori; ori ịkasị gbọrụḅọ pịrị kụma inetẹ finji ḅẹ ḅọ ofori.

Jerimaya 17:26

Kịnị ḅo ḅa Juda ḅẹ ama ma ḅụ, pịkị Jeruselemu ikelema-koro ḅụ simearị kala-ama ma na ḅụ; Benijamịnị ibe ḅụ sọ in ḅo ḅa, tụndụ ma na gele-ayọ ma na ḅụ simearị ama ma ḅụ sọ, pịkị Juda suku-jụ ḅẹ apụ sọ. Ịn dọkịma agbamịẹ-aị na ja agbamịẹ-aị na ọkị-ḅo ḅa, mgbọlị afịaị ḍiepịrị-aị na kụnụaị na pịkị ịmịẹtẹ ḅẹ aị na sọ.

Jerimaya 20:4

KỊNỊNYANAḄỌ ḅe ḅioju ḍuko tẹẹ, “Arị ị́ mịẹ tẹ ị́ ḅalafama ye sọ ị́ ḅụụ na í ikiapụ na pịrị ḅẹ-yearị, tẹ ị́ tọrụngbọ kẹ ẹrịarị ogbo ini inimgba ḅaa ḅa, si kẹ ịn tọn apụ ogie ḅịḅị ḅụ. À Juda ḅẹ apụ mamgba kẹ Babịlonịya ḅẹ amadaḅọ kụrọ suku-ḅio suu ḅẹ-yearị; ori ikoliapụ ḅara kẹ jen-apụ ọkị so ori ama iri mu ḅa tẹ osi apụ ḅaa ḅa.

Jerimaya 24:1

KỊNỊNYANAḄỌ ḅe nwẹnị ịla sịnmgbọlụ maa akana kẹ ì ḍie, ịn kẹ Tamụnọ-warị mẹ tọrọkọ sịẹma wararị. (Babịlonịya ḅẹ Amadaḅọ, Nebukadineza, ikoliḅọ ḅara kẹ Juda ḅẹ Amadaḅọ Jehohakịnị, Jehohakịmụ tụḅọ ḅe, kun Jeruselemu ḅụ so Babịlonịya mu tẹso, mie miemẹ mịẹ ye, anịsakị Juda ḅẹ sịḅịdapụ na ḅara-ḍịn apụ na kọrịnama nimi apụ na sọ ịn kẹ amadaḅọ ḅe ḅụ sụa kun som.)

Jerimaya 28:4

Jehohakịnị, Juda ḅẹ amadaḅọ, Jehohakịmụ tụḅọ ḅe na Juda ḅẹ apụ mamgba tẹ ịn kẹ ọ̀ ḅụ sụa kun-so Babịlonịya mu apụ ma sọ. Inn, à Babịlonịya amadaḅọ ḅe kụrọ mẹ ḅịkịma ḅa. Yẹrị KỊNỊNYANAḄỌ ḅe ọkọ ḅẹẹm.”

Jerimaya 32:44

Tomi arị fẹẹ ḅa, tẹ ḅara kẹ kiri-fẹ-ḍiri-apakịrị ma ḅio sụa tẹ ye-oḅoloye kẹ oḅolo tẹ ḅẹrẹ-kiri ḅụ sime apụ sọ ḅara sime ḅa. Miemẹ Benijamịnị ibe ḅụ kiri ọkị ḅa, Jeruselemu ikelema-koro wararị kala-ama ma ḅio, Juda ḅẹ ama ma ḅio, na tụndụ ọgọnọ ḅẹ ama aḅio na, tụndụ suku ḅẹ ama ma aḅio na, Juda ḅẹ suku-jụ na ḅụ. À tomi ma kẹ pịkị-ḅo ịna amakiri suu ḅa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 33:13

Tụndụ ọgọnọ ḅẹ ama ma ḅio, tụndụ akaka ḅẹ lẹsẹrẹtẹ akiri ma ọgọnọ, Juda ḅẹ suku-jụ mẹ na, Benijamịnị ibe ḅụ na Jeruselemu ikelema-koro ḅẹ kala-ama ma ḅio na, Juda ḅẹ ama ma ḅio ḅụ anana-ḍikiḍikiapụ siin jen kẹ ịna anana kịẹn nimi ḅa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 39:9

Kunoma ḅụ, Nebuzaradanị, ḅẹrẹtọn ọmụ-ogbo mẹ pịrị ọmụ-alaḅọ ḅe ikoliapụ ḅara kẹ opu ama mẹ ḅio kirikọn atomi ma, pịkị mangị paka mu ịna ḅụụ sọ apụ kẹ sụa, ọkị so Babịlonịya mum.

Jerimaya 52:27

Hamatị amakiri mẹ ḅụ. Anị anga ḅụ amadaḅọ ḅe akụ ye kẹ ịn mịẹ tẹrẹmẹ ịn ḅaam. Anị ḅara ḅụ ịn Juda ḅẹ apụ ma kun-so jen sịẹ iḅere-iḅerea anga mum.

Jerimaya 52:28

Mie ini Nebukadineza ikoliapụ ḅara kẹ ọkị-so apụ ma kịẹn-ḅịḅị kẹ ḍiri ḅio sụa ḅara: ori ama-da tẹ sọnọma kụra karama kụra mẹ ḅụ ori ọkị-so apụ kịnị sọnọma ẹndẹ oyia asi finji na si tẹra apụ finji na (3,023) mie ori ọkị-so ye;

Jerimaya 52:30

tẹ ori ama-da tẹ si tẹrẹị finji karama ye mẹ ḅụ ori ọkị-so apụ kịnị ẹndẹ jeia si finji na kịnị sọnọ apụ fa tesi na (745) — Nebuzaradanị ịn kẹ som. Inimgba kịẹn gboloma ḅụ ori ọkị-so apụ kịnị oyi maa ẹndẹ finji na kịnị oyia asi na (4,600).

Kururu Owu-apọkọ 1:3

Kụrọ ḅara ḅụ in Juda kun-so mu omoni na kụrọ kọrịnama na ḅụ suu tẹẹ; mịọkụ opu asịẹ ma ogbo-ḅio anie árị angarị, kụma ịnyọsara yọ ḍọkị ẹrị-a ḅara; á ḍukarị apụ mamgba ḅo á la fama tẹẹ, á ḅụụ-ḅalaḅala ogboku ḅụ.

Zẹkaraya 7:7

Mie KỊNỊNYANAḄỌ ḅe ọ̀ tarị pịrị-pịrị ḅẹ ịkịankoroapụ ma ḅụ ḅọrọ tẹ ḍuko ye Jeruselemu lọkọlọkọ wararị tẹ tọnwa atomi anị ḅio angarị sakị, opu ama mẹ ikelema-koro ama ma ḅio kịngẹ-a, kụma abajị-suku da anga ḅẹ iri ma na ịrụa-ideriarị-anga mẹ ḅẹ kala atụndụ ma ḅio na sọ.

Ditẹrọnọmị 28:15

Kụma ọ́ KỊNỊNYANAḄỌ ọmịna Tamụnọ ḅe pọkọ poki ḅịa, anịanịa ḅụụ ẹbị-ẹbị ori oloko mamgba na, ori oloko ma tẹ kẹẹ wararị aị ma tẹ mịmgba à tọn ọ́ pịrị aị ma mịẹ ḅịa ḅẹḅẹ, anịrẹ mịna wori-anume ma ḅo ọ́ la, tẹ ọ́ gbaịn-koro ḅa.

Ditẹrọnọmị 28:52

Ọmịna ama mamgba ḅụ ini ọmịnị ikelema-koro tẹ owu kẹ ọ́ paka ḅa, nwenii ọmịnị ọmụ gotẹ mịẹ kụrọma geletẹ onu ma tẹ ó ḅioḅẹngbọ kẹ gbana aị ma ịn nwẹn kan sara fama ḅa ọmịna ama mamgba ikelema-koro ḅụ; tẹ ọmịna ama mamgba tẹ KỊNỊNYANAḄỌ ọmịna Tamụnọ ḅe kẹ ọ́ pịrị tẹ ama mamgba ḅụ ini ọmịnị ikelema-koro tẹ owu kẹ ọ́ paka ḅa.

Jọsụwa 18:5

Ini anị kẹ sọnọma akiri ḍiya ḅa, Juda ò ye-yọ nyana ma muarị suku-jụ ḅụ, anịsakị Josẹfụ warị mẹ ịna ye-yọ nyana ḅa ọgọnọ-jụ ḅụ.