Biblia Todo Logo
Bìoball air-loidhne

- Sanasan -




Jerimaya 13:17 - FỊAFỊA BAỊBỤLỤ

17 Ó poki ḅịa ḅẹḅẹ, à ḅọị ḅara kẹ ọmịna ḅụụ-gelema mẹ gotẹ owu ḅa; à tẹmẹ-akụ ḅara kẹ owu tẹ ị̀ tọrụ ḅẹ owu minji mẹ ogilolo puu mẹnjị ḅa, ịn KỊNỊNYANAḄỌ atomi ma kun-so tẹ ẹrẹsị.

Faic an caibideil Dèan lethbhreac




Jerimaya 13:17
25 Iomraidhean Croise  

Owu-minji ị̀ tọrụkuḅu sararị, tọrụ ọgọnọ ḅẹ minji pẹlẹ-pẹlẹ sara ḅara, kịnị í oloko mẹ poki tẹ mịẹ-a ẹrẹsị.


Yei, Anana-ḍikiḍikiḅọ ḅara kẹ Izirẹlị ḍikiḍikiarịḅọ, wa pokii; tọrọkọ tarị amịna anana-ogbo pịrịarị ḅọ, wa naa. Ị́yẹrị amịna tẹmẹ tẹ pamba-sụa wararị aị ọgọnọ jụ ḅụ emine kuroma tẹ lẹgị wararị ḅọ,


Kụma ọkọ sọ in Mozizi gboloma ḅọrọtẹ ene ma kẹ ḅiokoromam, anie KỊNỊNYANAḄỌ ḅe fịrịmẹnjịḅọ ḅe, tẹ ịn nwẹnị gbela, “KỊNỊNYANAḄỌ ḅe tẹ tọrụ mẹ ḅụ ori atomi ma sịḅịdapụ ma ḅọrọma ḅọ ḅe mịọkụ ọ̀ tọ-anga emi? Ọ̀ tẹmẹẹ kẹ Mozizi pịrị KỊNỊNYANAḄỌ ḅe ọ̀ tọ-anga emi?


KỊNỊNYANAḄỌ ḅe tọn ị̀ pịrịm à ḍuko tomi ma pịrị ì kururu gboloma ye tẹ ḅẹẹ: yee eneḅaka na ḍin na ḅụ owu-minji ị̀ atọrụngbọ ḅụ sara, yee gbala-gbala àrị owu pẹlẹma, kẹ gotẹ ọkọ ḅẹẹarị, ị̀ atomi la ye mẹ pokolom, tẹ ye si ḅara kẹ ịn lam.


À ja apụ na sime tẹ ì sakị fama-a, ḍẹrị na tọrụ-ḅẹlẹ na ḅụ. Ị́ tọn aị poki tẹ mịẹ ḅụ arị ngẹrị koro-simem, tẹ ịganị nwẹnị ị̀ ḅụụ ḅio ḅin.


Kụma, KỊNỊNYANAḄỌ, gbala-gbala arị ịgbanị kụrọma-a mịnẹ í opu ḅụụ-fụka ọkị-ḅo ịna ọgọnọ gbana; à ḅụụ-fụka sakị ịgbanị ịn pịrị-a. KỊNỊNYANAḄỌ, miemẹ í nimi wararị; à ḍuko ye í nimi wararị.


Kụma ọmịnị ì oloko ma poki tẹ mịẹ-a ḅẹḅẹ, à karị ọ́ pịrịarị mịnẹ mị amada-warị mẹ ḅịkị tẹ sii kọsị ḅa. Yẹrị, KỊNỊNYANAḄỌ ḅe ọkọ ḅẹẹm.”


KỊNỊNYANAḄỌ ḅe kpọma ḅalafama ḅẹrẹ-pẹlẹ sịḅịdapụ ma tẹ tomi ma ḅaa guluguluma na in dee gala-galama na mịẹarị apụ ma ọgọnọ gbana ḅa.


Mie KỊNỊNYANAḄỌ, Izirẹlịapụ tẹkẹarị Tamụnọ ḅe ḅẹẹ ye, anie ọkịarị mịnẹ ini anie sịḅịdapụ tẹ ị̀ atomi ma ḍikiḍikiarị nwẹn ḅẹẹ apụ ma gboloma ye ḅụ: “Ọmịnị ị̀ atomi ḍikiḍiki-a: ọmịnị ịn gala-gala tẹ in dee fama tẹẹ. Mịọkụ arị ọ́ mịẹ tẹ siye mẹ ḅẹ fomu-ḅara kẹ ọ́ pịrị ḅẹ-yearị.


À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.


“Mịna aị ma gotẹ à tẹmẹ-la ḅara kẹ owum; owu-minji pre-pre-prema ị̀ tọrụ saram; ì dedema ḅẹ ḅọ sọ ị̀ na kpeki-a, ì ḅiokpọ mẹ sịn-saakịma ḅarị gbọrụḅọ; ị̀ awọmẹ fị fama tẹẹ, gbala owu ọmụḅọ ḅe ḅara iḅi tẹ ẹrẹsị.”


Ḍin ḅụ árị akụ ḅara kẹ tẹmẹ-la owu kọnm, owu aminji á tọrụ ḅụ puu-puu saram. Á ḅẹlẹma apụ mamgba ogbo-ḅio ḅụ, gbọrụḅọ-sọ kọn tẹ á dedema-a; árị ikiapụ mamgba oḅori kẹ á sịn ḅara kẹ árị na mịẹ tẹẹ; ịn ḅo árị na fịya-a apụ sọ tẹẹ.


Á sọ muno mẹ á kẹ konju ḅụ sụa iderima kapa ḅụ simem, árị á kọọn ḅẹ fịị kẹ ḅiokoroma-a; anịẹrẹsị á ḅịkị mẹ tẹmẹ-naịn-naịnmam, á dedema ḅọ nyana-a. “Yei KỊNỊNYANAḄỌ, ị̀ ḅụụ-fụka mẹ ḍikii, gbala kịnị-na-fịya-a ḅọ ḅe owu-ḅara-iḅi nyana tẹ ẹrẹsị!”


Oloku-oloku owu KỊNỊNYANAḄỌ ḅe pịrịị, yei kpọma-ḅẹlẹmarị Jeruselemu! Yee owu-minji ofion-minji ḅọrọ-ḅọrọ ḅara kẹ ị́ tọrụkuḅu ḅụ sara, eneḅaka na ḍin na ḅụ! Ịnyọsara kẹ ị́ ḅụụ pịrị ma, pịkị gbene-sime sọ kẹ ị́ atọrụngbọ pịrị ma!


Ị̀ atomi ma ẹrẹḅọtụḅọ ma gotẹ, owu-minji nwẹnị ị̀ atọrụngbọ ḅụ tọrụkuḅu ḅẹ minji sara ḅara kẹ sara.


Ori mẹẹ, “Fịị-fịị tomḅọ, gbọrụ ḅịḅị ḅụ arị ị́ ḅẹlẹma-tẹịn ḅọ mẹ ọkị-so ḅa. Ị́ mbụrụmbụrụ ḅịa, anịanịa owu, anịanịa owu-minji kịngẹ sọ ị́ atọrụngbọ sara.


“Ọmịnị, ị̀ anana, à fịye kẹ pịrị fịarị anana-ogbo mẹ, anie ị̀ atomi ma, yẹrị ọmịna Tamụnọọ,” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅarị.


Mịọkụ ḅụ kaan-sara wararị opu ama ma ḅio tomi nwẹnị ḅin ḅa, gbọrụ sakị ḅụ anana Jeruselemu ḅin-ḅin ḅara, ịn kẹ alalị sakị ḅụ agbamịẹ-mịẹ ḅẹ anana ma. Anịtẹso in nimi ḅa mịnẹ yẹrị anie KỊNỊNYANAḄỌ ḅe.”


“Bebe Jeruselemu mẹ mẹnjị fama tẹ elekima kẹ ḅẹḅọ-ḅẹḅọ tẹ opu ama mẹ ḅio ịn mịẹarị sịḅị-ngụngụnma aị ma gotẹ ḅalaḅalarị pịkị arị ḅụụ-fụkamarị apụ ma fụḅara-ḅọkọ sụa.”


Ọmịnị ị̀ kụn nyanam ọ́ mịẹarị ye ḅụ. Ọmịnị à ḍukoarị ye poki ḅịa ḅẹḅẹ, anịsakị à wori-nume ọkị-ḅo ọmịna ọgọnọ gbana ḅa. Ọ́ kẹ ḅụụ-ḍikiḍiki ḅẹ tẹ daarị aị ma ọgọnọ à wori-nume kẹ gbana ḅa. Karakaraye ḍuko ḅụ, à wori-nume kẹ arị ọgọnọ gbana tẹẹ, ọmịnị ì oloko kẹ tẹmẹ-la ḅara ọkị-a ẹrẹsị.


“À Sọlụ kẹ amadaḅọ mịẹ ye à tiye-ì-gbo ḅẹẹm, kẹ gotẹ ọkọ ḅẹẹarị, ì ḍukamẹnjị ḅụ ọ̀ tọrụ-pịkị ọḅụ ḍiki tẹẹ, tẹ ḅarị à tọn aị mịẹ-a.” Anị nwẹnị Samụwẹlị ḅụụ-ḅẹsọọ; tẹ ọ̀ nwẹnị bebe ḍin mẹmgba kẹ owu KỊNỊNYANAḄỌ ḅe pịrị.


Tẹ Samụwẹlị ḅarị jen-maaịn kẹ Sọlụ ẹrị-a nwenii ọ̀ fịị ḅẹ ene mẹ lam; kụma Samụwẹlị, Sọlụ gotẹ ḅioḅum. Tẹ KỊNỊNYANAḄỌ ḅe nwẹnị ọ̀ Sọlụ kẹ amadaḅọ mịẹ Izirẹlị pịrị ye mẹ ḅụ tiye-ì-gbo ḅẹẹ.


Lean sinn:

Sanasan


Sanasan