Jerimaya 13:16 - FỊAFỊA BAỊBỤLỤ

¹⁶ Ọ́ kụn kẹ KỊNỊNYANAḄỌ ọmịna Tamụnọ ḅe pịrị, tẹrẹmẹ ọ̀ kanakana ọkị-ḅo sakị la, tẹ ọmịnị tụndụ ma ọgọnọ ḅụ pụmbụma-pụmbụma; tẹrẹmẹ ori ọ́ tọrụ kẹ ḍikiarị bele mẹ pịkị-ḅo kpọma kpititẹ kanakana sọma.

Jerimaya 13:16 Iomraidhean Croise

Jobu 3:5

Yee ḅụụ-oḅoku na furu-kịtịpụtẹ kanakana na anị nyana. Yee kpiti So-tọrụ anị ḅụ anga; Yee ene mẹ ḅẹ kurukuru anị tẹmẹ naịn-naịnma.

Devidi-Anume 107:10

Japụ furu na kanakana na ḅio anga simem, ikoliapụ tẹ ini ikoli kẹ ịkasị kuroma tẹ tọrụsiẹrị sime apụ,

Devidi-Anume 107:14

Ori ịn pakama-ḅom ịna furu na kanakana na ḅio tẹ ịna ikoli ma anyịma kọsịma saram.

Devidi-Anume 29:2

Ọ̀ KỊNỊNYANAḄỌ ḅe ebube nyana ẹrẹ mẹ tokinii; Fịafịa Ḅọ ḅe tolu-sịẹ sakị ọmịnị iḅoo, ọ̀ tọrọkọ.

Devidi-Anume 44:19

Anịsọ ị́ ḅarasụa wa pịrị-a tẹ wa kẹ kịnị-ḅaaḅa piri-ḅio-ḅẹ anama ogboku ḅụ koroma-som; kpiti tẹịn kanakana ḅio mie ị́ wa kẹ gbin kuroma tẹ so ye.

Paka-so 10:21

Anịtẹso KỊNỊNYANAḄỌ ḅe nwẹnị Mozizi ḅẹẹ, “Ị́ ḅara sụn-pakama so daa, mịẹtẹ kanakana Ijiputi ama mẹ gbaịn ḅarị ḅara, tomina aḅụụ ye la ḅarị kanakana.”

Egberima-Ẹkwẹn 4:19

Anị sime-ḅara sime-ḅara sọ, Si-sịḅịḅio-sụa apụ ma etela mẹ ḍin kanakana ḅara kanakana wararị. Ịn ḅịkịarị, kụma ini inetẹ ịna aḅụọ bịan tẹ ịn pụmbụ ye sọ ẹrị-a.

Nimi Tolumaḅọ 11:8

Kẹ gotẹ ọkọ ḅẹẹarị, tomḅọ nwẹnị tọnwa akụra kẹ ḍumo sime-sime, yee mḅọ arịmgba ḅụ ḍereku; kụma yee mḅọ kẹ ḅiokoroma mịnẹ kanakana ene ma tọnwa ene mịẹ ḅa. Ḅo ye ḅo ye mẹmgba sọ anie ḅintẹ ḅara kẹ anị fieye nimi-a ye.

Ayịzaya 5:30

Anị ene mẹ ḅụ, ini ekire Izirẹlị pịrị ḅa, tẹ anị abajị fie ḅara fie ḅa. Paa mị ama mẹ ḍikii! Kanakana na ḅụụ-ḅalaḅala na! Kanakana bele mẹ mẹnị ọkị tẹ.

Ayịzaya 59:10

tẹ wa tọrụngbọ-pụụntẹ-apụ ḅara kẹ ḅii ma mẹnjịarị. Eneḅaka-fịafịa-ogbo ḅụ wa pụmbụma-pụmbụmarị, gbala ḍin ọkụ, gbala wa fịtẹ-apụ kanakana tomikiri ḅụ simem.

Ayịzaya 59:9

Tomi ma mẹẹ, “Mịọkụ wa nimi tẹ Tamụnọ gotẹ wa ponomarị apụ ma ḅara-ḅio wa ḅọrọma-a ye. Wa wa kẹ mẹnjị ḅẹ bele kẹ ḅiotọn-arị kụma kanakana ngẹrị mie emi ye,

Ayịzaya 60:2

Kanakana osi asịẹ ma gbaịn ḅa, Kụma ị́yẹrị kụma, KỊNỊNYANAḄỌ ḅe bele mẹ ị́ ọgọnọ ḅịya ḅa; Ọ̀ tọrụkuḅu ḅẹ ḅịya mẹ ị́ na sime ḅa.

Ayịzaya 8:22

anịanịa bio-bioma kiri mẹ ḍiki ḅa, gberie-sọ ini ẹrị ḅịa, kụma ḅụụ-fụka na kanakana na, iḅiọkụ ḅalafamarị kanakana, ini in sukuruma suuarị yọ mẹ.

Jerimaya 14:19

KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 2:6

Ini ì gbolomaye kẹ ye-sịn-a, karakaraye yẹrị Ijiputi ḅara-ḅio ịn pụkọ-pakamaḅom sọ tẹ tọrọkọ tarị tẹ si piri-ḅio na ịkpa aḅio na onwin ịgwa-ịgwa ḅara sime kiri na, samụnọ tẹ ḍumo fama ḅara sime amakiri na tẹ gbọrụḅọ-sọ anga-a, tẹ gbọrụḅọ-sọ jene-jene ḅọrọ ye mu-mu-a yọ na ḅụ ịn kẹ tolu-ḅọrọ ye.

Jerimaya 23:12

Ịn mẹnjị ḅarị ayọ ma sịnịnị ḅa, pịkị kanakana ḅa; arị ịn mịẹ tẹ ịn pụmbụ tẹ ḅịkị ḅa, Àrị opu ḅụụ-fụka ọkị-ḅo ịna ọgọnọ gbana ḅẹ-yearị; in fomu-ḅara da ḅẹ sakị mẹ ḅoarị. Yẹrị, KỊNỊNYANAḄỌ ḅe ọkọ ḅẹẹm.

Jerimaya 4:23

À kiri mẹ ḍikim — anị kẹ gberie-sọ mịẹ-a ḅara kẹ gbin koro-simem; So-tọrụ mẹ ḅụ sọ, bele ofori.

Jerimaya 50:6

“Ị̀ atomi ma kịkarị ye anie anana ogbo tẹ ḍikiḍikiarị apụ ḍiki-tọrụsin tẹ tụndụ ma ọgọnọ iri-faa aị. Ini anana kịka tẹ ikele-ikele tẹ, gbọrụ tụndụ ḅụ so mu osi ye la, tẹ ini ịna sime-anga kẹ ḅioḅọrọma tẹ.

Jerimaya 6:21

Tẹ anie ḅụ à mịna atomi ma mịẹ tẹ ịn pụmbụ tẹ ḅịkị ḅa. Ḍapụ-na-iyingiapụ-na awọmẹ na fịị ḅa, tẹ anị gbọrụ ḅara mẹ anie anị paka ikiapụ na kpeki tẹ angarị apụ na pịrị ḅarị ḅara.”

Jerimaya 8:15

Wa dein nyana ḅẹ ḅiokpọ nyanam, pịkị gwọ sakị na, kụma anị gbọrụ iḅi sọ nyana-a; anie nakara tẹmẹ-naịn-naịnmaye.

Kururu Owu-apọkọ 4:17

Wa ḅarasụa gotẹ papaa ḍiki-ḍiki-siḅiya, wamịna atọrụngbọ kọrị-kọrịm, wamịna ḍiki mẹ, opu sịẹ tẹ kịnị ḅọrọma ḅịa sịẹ, mie wa ḍiki ye.

Izikẹlị 21:15

Anị ị̀ atomi mịẹ tẹ ịna ḅiokpọ fa tẹ ịn pụmbụarị. Àrị okologie kẹ ịna opu ama mẹ ẹrẹmarị, anie so-ḅalapụ ye kịka tẹ wanama kọrị pakarị tẹ tẹlẹma tẹ kịnị ḅaa ḅẹ ye.

Izikẹlị 34:12

anie anana-ḍikiḍikiḅọ kẹ ori anana ḍikiḍikiarị gbọrụ ḅara mẹ, anie gala-gala tẹ ò kobiri ḅo siin gboloma aị ma. Arị ịn kẹ pịkị-ḅo ḅa anị kanakana opu ḅụụ-fụka ene mẹ ḅụ ịn gala-gala mu la anga mamgba ḅụ.

Izikẹlị 36:15

Amakiri mẹ ḅarị jen kẹ sịẹ-sịẹ ma tẹ anị komboarị apụ ma poki nyana-a anịanịa nini-suku sụa anị pịrịarị apụ ma ẹrị. Amakiri mẹ ḅarị jen kẹ sịẹ mẹ ḅẹ awọmẹ ma kọrị ḅịa. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.”

Jowẹlị 2:2

Anị ene mẹ kanakana tẹ kpiti ḅa, pịkị kurukuru tẹ oḅuto nyana ḅa. Tọnwa-tọnwa ḅẹ ọmụapụ ḅoarị, kanakana ḅo tụndụ ma gbaịn-arị ye ọkụ. Gbala-gbala jene-jene anị kịkaye amụ paka-a, tẹ pịkị ḅarị jen kẹ paka ḅịa gbala-gbala.

Emọsị 4:13

Tamụnọ anie tụndụ ma mịẹ ḅọ ḅe ori pịkị fẹrụ ma tẹmẹm. Ọ̀ mịẹ tẹ tomḅọ ori akụrọ ma nimiarị; ori eneḅaka ḍima ḅo ḍin sọmarị. Kiri mẹ ọgọnọ-jụ ma ḅụ mie ọ́ mẹnjịarị. Mịẹ ori ẹrẹ: KỊNỊNYANA-TAMỤNỌ, Kụrọmamgba Nyanaḅọ!

Emọsị 5:18

Anị kpọma ḅalafama ye sọ ọ́ pịrị ḅarị ḅara ḍiki ọmịnị KỊNỊNYANAḄỌ ḅe eneḅaka mẹ koruarị apụ! Anị ene mẹ tọ iḅi kẹ ọ́ mịẹ ḅẹ? Kẹ gotẹ ọkọ ḅẹẹarị anị ene mẹ kanakana ene sọ ḅa, bele ene-a.

Malakayị 2:2

Ọmịnị ị̀ kụn nyanam ọ́ mịẹarị ye ḅụ. Ọmịnị à ḍukoarị ye poki ḅịa ḅẹḅẹ, anịsakị à wori-nume ọkị-ḅo ọmịna ọgọnọ gbana ḅa. Ọ́ kẹ ḅụụ-ḍikiḍiki ḅẹ tẹ daarị aị ma ọgọnọ à wori-nume kẹ gbana ḅa. Karakaraye ḍuko ḅụ, à wori-nume kẹ arị ọgọnọ gbana tẹẹ, ọmịnị ì oloko kẹ tẹmẹ-la ḅara ọkị-a ẹrẹsị.

Jọnị 12:35

Jizọsị pakịrịm, “Bele mẹ paa boowa kala-sakị kẹ ọmịnị na sime ḅa. Ọ́ mẹnjị ó muarị anga muu, bele paa emi sakị ḅụ, mịẹtẹ kanakana mẹ ḅo ọ́ gbaịn ḅịa ḅara; kẹ gotẹ ọkọ ḅẹẹarị, ye, kanakana ḅio mẹnjịarịḅọ mḅọ muarị anga nimi nimi-a.

Jọsụwa 7:19

Anịtẹso Jọsụwa nwẹnị Ekanị ḅẹẹ, “Ị̀ owiḅọtụḅọ, boma kẹ KỊNỊNYANAḄỌ Izirẹlịapụ tẹkẹarị Tamụnọ ḅe pịrị tẹ ò tokinii; tẹ ị́ mịẹ ye mẹ ḍuko ị̀ pịrịị; anị ḅọị ma ị̀ ḅụụ ḅụ.”

1 Pita 2:8

Jen anga ḅụ Fịafịa Ḍiri mẹ pịkị ḅẹẹm, “Mie kịnị pụmbụma ḅẹ ḍụḅarị mẹ, mịẹtẹ ịn ḅịkị ḅẹ ịkụ mẹ.” In gotẹ pụmbụ ye ini ẹkwẹn mẹ minini-a; anị ḅara anie Tamụnọ tọn ịn pịrị ḅara.

1 Samụẹlị 6:5

Anieḅụ ọmịnị ọmịna apumbulo ma sime-ḅara na, ọmịna ḍọkọḍọkọ ofunguru ma tẹ ama mẹ gbaịn tẹ ye simearị aị ma sime-ḅara sime aị tẹmẹ ḅa; tẹ boma kẹ Izirẹlịapụ tẹkẹarị Tamụnọ ḅe pịrị ḅa; sosi-ọkụma ori ọmịnị na, ọmịna atamụnọ na, ọmịna ama na ọgọnọ ḅụ ọ̀ ḅara siin feke-fekema ḅa.