Jerimaya 13:14 - FỊAFỊA BAỊBỤLỤ

¹⁴ Anịtẹso maa jongo kẹ jen-jen gbolo tẹ arị fịị kọsị-sara ḅara mie à kẹ ịn ḅaa kọsịma ḅarị ḅara, omongiapụ na ḍọkọḍọkọ-awọmẹ na gbọrụ ḅara mẹ. Ḍiki-ḅụụjịrị ofori ḅara, sịḅị-jịrị anịanịa ọkụrụkụrụ sọ ị̀ dasịẹma ḅịa ịn ḅaa ḅụ.”

Jerimaya 13:14 Iomraidhean Croise

2 Paka-aị 20:23

Amọnị na Mohabụ na nwẹnị sakị tẹ owu kẹ Seya tụndụ mẹ ḅẹ apụ ma paka, tẹ ịkatakirikọn-a-ḅara kẹ in ḅaa fama; in Seya tụndụ mẹ ḅẹ apụ ma ḅaa kụnụnụ tẹso, ịn nwẹnị ḅarasụa tẹ jụmọ-jụmọ ḅaa.

Jobu 27:22

Anị sịḅị-kụrụkụrụ-a ḅara kẹ ọ̀ fọnọm; ori anị ḅẹ kụrọ ḅụ ḍumo-mangị kẹ kọtọm.

Devidi-Anume 2:9

Í ikulele mkpara kẹ ịn fomu kọsịma ḅa; ị́ ịn ḅaa gẹrẹ-gẹrẹma ḅa, aḅaịn-ḅẹlẹ ḅaa gẹrẹ-gẹrẹma ḅara.’ ”

Ayịzaya 27:11

Sịn ma aḅara kpatụ tẹ anyị sara tẹ, tẹ ereme arị kolokolo tẹ kẹ fịnị sọmarị. Anị gotẹ ọkọ pakarị ye, tomi ma gberie-sọ fiearị ye naa-a, ịn Tẹmẹ Tamụnọ ḅe in ḍiki-sịḅịjịrị ḅịa, anịanịa ọkụrụkụrụ kalịye kẹ in ḍie.

Jerimaya 15:5

KỊNỊNYANAḄỌ ḅe mẹẹ: Jeruselemu ḅẹ apụ, tụḅọ sịḅị-kụrụkụrụ nyana ọ́ pịrị ḅẹ, tụḅọ ó gotẹ tẹ kururu ḅẹ? Tụḅọ daasịẹ tẹ sakị ọkị tẹ ye kẹ ọmịnị na sime-ḅara gbela ḅẹ?

Jerimaya 15:6

Ọmịnị ma ị̀ sịkị tẹẹ, Ọmịnị ọḅụ pịkị ì gbin tẹẹ. Anie ḅụ àrị ị̀ ḅara sụn-pakama tẹ kẹ ọ́ kọsịma tẹẹ ị̀ ịganị ọlọ-sịẹma ịnyọ kẹ ị̀ tama tẹẹ ẹrẹsị.

Jerimaya 16:5

“Ị́ ịn ḍụẹịn ḍuuarị gbọrụ warị sọ sọ-mu ḅịa. Gbọrụḅọ sọ gotẹ kururuma. À ḅarị jen kẹ ị̀ atomi boma ḅịa, anịanịa ḅẹlẹma na ọkụrụkụrụ na kẹ in ḍie.

Jerimaya 21:7

Kụma ị́yẹrị na, í fịrịmẹnjị-opuapụ na, ama mẹ ḅio ọmụ ḅụ na ḅuru-kụrọ ḅụ na obi ḅụ na fịị-a so apụ ma na wẹrịso tẹ Ama-da Nebukadineza na si kẹ ọ́ tọn apụ tẹ ọ́ ḅaa ḅẹ ḍọkịarị apụ ma na ó kun-so ḅa. Ọmịna ḅụ ḅụụ ọ̀ wẹrịso ḅẹ ḅọ ofori, anịanịa ọkụrụkụrụ, anịanịa ḍiki-sịḅịjịrị nyana gbọrụḅọ kịngẹ sọ pịrị ḅịa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 25:16

Ini anị ḅio ḅuu sakị, in pụmbụma-pụmbụma tẹ ịna akuroma ḅarị tụkụ ḅịa, à kẹ ịn fịrịmarị ọmụ mẹ ẹrẹsị.”

Jerimaya 47:3

Ini asụ aḅụọ kiri ḅụ fiearị ye naa ḅa, kirimẹnjị-arụ ma kiri ḅụ gbolokiarị ye, arịḅẹ aḅụọ ma ḍarị ye na. Ḍapụ-na-iyingiapụ-na tọrụ pịkị ọḅụ ḍiki ḅịa ịna awọmẹ gotẹ, ịna aḅara ma ịna akaka kpalasaịma siin sara ḅa.

Jerimaya 48:12

Mie ḅụ mịọkụ, sakị mẹ ḅoarị, anie à kịnị fịrịma tẹ in mu iru ọsụma pakama ḅara kẹ Mohabụ ọsụma pakama ḅa. Ini ịna iru-ajongo ma ḅio iru mẹ ọsụma-ọsụma sara fama tẹ jongo ma ḅaa kọsịma ḅa.

Jerimaya 6:21

Tẹ anie ḅụ à mịna atomi ma mịẹ tẹ ịn pụmbụ tẹ ḅịkị ḅa. Ḍapụ-na-iyingiapụ-na awọmẹ na fịị ḅa, tẹ anị gbọrụ ḅara mẹ anie anị paka ikiapụ na kpeki tẹ angarị apụ na pịrị ḅarị ḅara.”

Kururu Owu-apọkọ 2:21

Etela ma ḅẹ fọọn ma ḅio asambịrịmaḅọ mẹ na, omongitẹ ḅọ mẹ na ḅọlọlọ simem ị̀ iriawọ ma na, ị̀ asawọ ma na, okologie mẹ ḅụ ḅịkị tẹ; ị́ ịganị ene mẹ ḅụ ị́ ịn ḅaa tẹ, ọkụrụkụrụ nyana-a ḅaa ḅara.

Izikẹlị 24:14

Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ẹkwẹn tẹẹ. À ye mịẹ ḅẹ sakị mẹ ḅo laa tẹẹ. Àrị ọmịna asi ma kẹ ẹrị-a mị ḅịa, anịanịa ḍiki-tọrụ-kụrụkụrụ ḍie anịanịa ọkụrụkụrụ nyana. Ó fomu-ḅara da ḅa ọ́ mịẹ tẹ ye ẹrẹsị.” Tẹịn ḅẹrẹtọn kụrọ nyana KỊNỊNYANAḄỌ ḅe ẹkwẹn tẹẹ.

Izikẹlị 7:3

“Izirẹlị, kunoma mẹ ḅo la tẹ. Ị̀ ịganị mẹ ị́ ịnọ ḅa, àrị ị́ mịẹ tẹ ye kẹ ị́ kọn-arị ẹrẹsị. Àrị ị́ kọn-arị sịḅị-ngụngụnma ḍumo mẹ gbẹẹ-ye kẹ ị́ gbẹẹ ḅa.

Izikẹlị 7:4

À ḅara wẹrị ḅịa anịanịa ọkụrụkụrụ nyana ị́ pịrị. Ị́ mịẹ tẹ sịḅị-ngụngụnma aị ma gotẹ à fomu-ḅara kẹ ị́ pịrị ḅẹ-yearị, mịẹtẹ í nimi mịnẹ yẹrị anie KỊNỊNYANAḄỌ ḅee.”

Izikẹlị 7:9

À ḅara wẹrị ọ́ pịrị ḅịa, à pịkị ọkụrụkụrụ nyana ọ́ pịrị ḅịa. Ọ́ mịẹ tẹ sịḅị-ngụngụnmarị aị ma gotẹ à fomu-ḅara kẹ ọ́ pịrị ḅẹ-yearị, mịẹ tẹ ó nimi ḅarị ḅara mịnẹ yẹrị anie KỊNỊNYANAḄỌ ḅe, tẹ yẹrị ḅe anie ó fomuarị ḅọ ḅe.”

Izikẹlị 8:18

Ị̀ ịganị mẹ ḅẹ kụrọ mamgba ḅo ịn la tẹ ịna ḅụụ ịnọ ḅa. À ḅara-wẹrị ịn pịrị ḅịa anịanịa ọkụrụkụrụ nyana ịn pịrị. Ini oloku-oloku ị̀ tẹkẹ ḅa, ini inetẹ oloku pakama ḅẹ ḅara-ḅara, kụma arị ịn poki ḅịa.”

Izikẹlị 9:10

Kụma arị ọkụrụkụrụ nyana ịn pịrị ḅịa. Àrị ịn kẹ ja apụ mịẹ tẹ ye mẹ kẹ ịn mịẹ ḅa.”

Izikẹlị 9:5

Tẹ Tamụnọ osi owiapụ ma ḅarị tẹ à naam, “Ọmịnị ò ḍuka opu ama mẹ ḅio mẹnjị ḅọrọ, tẹ kịnị ḅaa. Gbọrụḅọ sọ ọ́ kọnma ma; ọmịnị ọkụrụkụrụ nyana gbọrụḅọ-sọ pịrị ma.

Hosiya 2:4

Àrị ọkụrụkụrụ nyana árị awọmẹ pịrị ḅịa, ini ḅụụ-jịrị-jịrị-a sẹfị-ẹrẹḅọ awọmẹ ẹrẹsị.

Zẹkaraya 11:6

(KỊNỊNYANAḄỌ ḅe ḅẹẹarị, “À ḅarị jen kẹ sịḅị-jịrị nyana gbọrụḅọ-sọ pịrị ḅịa tomikiri ḅụ. Yẹrị ḅarana tomi mamgba kẹ ḅẹrẹtọn ịn pịrịarị apụ ma suku-ḅio suu ḅa. Árị ḅẹrẹtọn-apụ ma tomikiri mẹ fama ḅa, tẹ àrị ịn ḅọrọma ḅịa ịna kụrọ ḅara-ḅio.”)

Matiyo 10:21

“Tomi ịna amịnapụ pakama-ḅo tẹ ini ịn ḅaa ḅa, tẹ anị gbọrụ ḅara mie ḍapụ sọ kẹ ịna awọmẹ mịẹ ḅarị ḅara; awọmẹ ịna ḍapụ-na-iyingiapụ-na tụḅụrụ tẹ ẹrị ḅa mịnẹ ini ịn ḅaam.

Makị 13:12

Tomi ịna amịnapụ pakama-ḅo tẹ ini ịn ḅaa ḅa, tẹ ḍapụ pịkị anị gbọrụ ḅara mẹ kẹ ịna awọmẹ mịẹ ḅa. Awọmẹ ịna ḍapụ-na-iyingiapụ-na tụḅụrụ ḅa, tẹ mịẹtẹ ini ịn ḅaa ḅa.

Ditẹrọnọmị 29:20

KỊNỊNYANAḄỌ ḅe ò si-wẹrịso ọ̀ pịrị ḅịa, anie nakara KỊNỊNYANAḄỌ ḅe ịganị na, ori afana na ḅụ fomu-ḅara kẹ anị owiḅọ ḅe da-paka ḅa, tẹ mị ḍiri mẹ ḅio kẹẹ wararị wori-anume ma ori ọgọnọ gbana sime ḅa, tẹ KỊNỊNYANAḄỌ ḅe so mẹ suku-ḅio ḅụ ori ẹrẹ sịkịrị sin ḅa.

1 Samụẹlị 14:16

Benijamịnị ḅẹ Gibiya ḅụ Sọlụ ye-yọ ḍiki apụ ma nwẹnị ẹrị mịnẹ Filisiteni ḅẹ kobiri-ogbo mẹ ḅigiri-ḅigiriarị.