Jerimaya 12:8 - FỊAFỊA BAỊBỤLỤ

⁸ À sẹlẹ ọkị apụ ma pịkị tẹ ị̀ na tụḅụrụ tẹ, opu piri-ḅio-ḅẹ ọkụkụ ọkụ, ini oloku ị̀ da tẹẹ, anie ḅụ àrị in ḍiki-ḅioḅuarị.

Jerimaya 12:8 Iomraidhean Croise

Ayịzaya 59:13

Wa kọngọ-kụrọma ị̀ pịrị tẹẹ, ị̀ sịkị tẹẹ, pịkị ḍụkụ tẹ ì ḍukamẹnjị-a. Wa jen-apụ ponoma tẹ ọḅụ kẹ ì gbin tẹ. Wamịna akuroma ma papaa aị; wamịna ẹkwẹn ma iruo aị.

Jerimaya 2:15

Ini oloku ọ̀ pịrịarị ḅara ọkụkụ ekirearị ye ọkụ; ịn mịẹ tẹ ori amakiri mẹ ịkpa sọ tẹ; tẹ ori ama ma kan-sara tẹ ayọ sọ tẹ ini arị kẹ gbin koroma mangị-so fama tẹẹ.

Jerimaya 51:38

Babịlonịya ḅẹ apụ mamgba ọkụkụ ekire ḅara ekirearị, pịkị ọkụkụ ḍọkọḍọkọ-awọmẹ ḅio-fiema ḅara kẹ ḅio-fiemarị.

Izikẹlị 23:18

Árị á ḅụụ finji-sara ama pịrị tẹ mịẹ tẹ ḅẹḅọ-ḅẹḅọ nimim mịnẹ árị ma anie ama-mẹnjị ḅụụ-kpọtẹ ẹrẹḅọọ. Á kẹ ị̀ ḅụụ-ngụngụma la ḅara anie arị mbịra ma sọ kẹ ị̀ ḅụụ sime-ḅara.

Hosiya 9:15

KỊNỊNYANAḄỌ ḅe ḅẹẹarị, “Ịna si mịẹ ye mẹmgba Giligalị ḅụ saakịm. Anị anga mie à saakị in ḍiki-ḅioḅu ye. Tẹ ịn mịẹ tẹ siye mẹ ẹrẹsị, àrị ị̀ amakiri ḅụ in dee-pakama ḅa. À ḅarị jen kẹ ịn ḅẹlẹma ḅịa; ịna sịḅịdapụ mamgba kọngọ-kụrọma ị̀ pịrị tẹẹ.

Emọsị 6:8

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mị tẹmẹ-la ḅeri nụnụ ẹkwẹn mẹ kọn tẹẹ: “Arị Izirẹlị ḅẹ apụ ma ḅụụ-gelema mẹ ḍiki-ḅioḅuarị; ịna igbigi la ḅụratẹ iḅi awarị ma, ị̀ ḅụ gberie sọ la-a. Ịna sịḅịda opu ama mẹ na anị ḅio sime-ye sime-ye na à kẹ ini na fịya-a apụ pịrị ḅa.”

Mayịka 2:8

KỊNỊNYANAḄỌ ḅe nwẹnị pakịrị, Sakị ḅụra tẹrẹmẹ, kịnị na fịya-a apụ owu kẹ ị̀ atomi paka-paka ḅara kẹ ọ́ saakị tẹ owu kẹ ị̀ atomi pakam. Owu ḅụ pịkịma ama ḅo apụ ḅiotọn-arị ye ḅarị ịn la ḅịa, kụma ọmịnị anịjụ emi, tẹ ịna oḅukulo ịna ọgọnọ ḅẹ akapa siin-ọkị ḅara kẹ ịna kụn siin-ọkị ḅẹ koruarị.

Zẹkaraya 11:8

À ḅarị inetẹ tẹra Anana-ḍikiḍikiapụ tẹ ì ḍiki-ḅioḅuarị apụ inema-a tẹ gbọrụ akalụ kịngẹ ḅụ fịrị ḅụ in siinm.