Jerimaya 12:6 - FỊAFỊA BAỊBỤLỤ

⁶ Ị́ amịnapụ kịngẹ sọ ị́ warị-kuḅu ḅẹ apụ, ị́ kẹ tomina ḅara-ḅio dẹrịma tẹẹ; tomi kẹ ị́ pakarị owu mẹ ini sọ anị ḅio emi. Ḅioḅẹngbọ kẹ ịna ọgọnọ gbana ma, ini ikia ḅara kẹ ẹkwẹn-arị sọ.”

Jerimaya 12:6 Iomraidhean Croise

Jobu 6:15

Ogilolo minji oḅori-kẹ-kịnịsịn ḅara, mie ị̀ amịnapụ ma sime-ḅara, puu mu tọrụ koroarị minji ḅọrọ-so ḅara,

Devidi-Anume 12:2

Inimgba iruo jụmọ-jụmọ pịrịarị: ịn kịnị furuma-ẹkwẹn kẹ oḅori kẹ ọrụḅọ-ọrụḅọ sịn-arị.

Devidi-Anume 12:3

Yei KỊNỊNYANAḄỌ, furuma-ẹkwẹn ma kọn-arị aḅẹlẹ ma mịẹ tẹ arị gbọsime! Ḅụụ-bomarị aḅịḅị ma gbaịn, ini mẹ,

Devidi-Anume 69:8

Ị̀ amịnapụ ma ḅụ à kịnị tọrụ nimi-a ḅọ kịka tẹ, ị̀ warị-kuḅu ḅẹ apụ ḅụ à jen sịẹ ḅẹ ḅọ kịka tẹ.

Egberima-Ẹkwẹn 23:8

Ị́ fị tẹ ye mẹmgba sọ ị́ ọsụ pakama-ḅo ḅa, tẹ ị́ kẹ ò furumatẹ ye mẹmgba ḅo papaa fa ye sọ ḅa.

Egberima-Ẹkwẹn 26:25

Arị ḅeri ḅụ ḅẹlẹ ḅa, kụma ò minini ma, ò ḅioḅẹngbọ ḍiki-ḅioḅu ḅin pampam wararị ẹrẹsị.

Ayịzaya 31:4

KỊNỊNYANAḄỌ ḅe ị̀ ḅẹẹm, “Anana-ḍikiḍikiapụ oloku ḅara oloku ḅara sọ, ini inetẹ ọkụkụ mịẹ tẹ ọ̀ ḅụụ-gbiripu tẹ ọ̀ ḅaa tẹ nama kuroma mangị-so ḅịa; anị gbọrụ ḅara mẹ ḅụ gberie-sọ inetẹ yẹrị Kụrọmamgba nyana KỊNỊNYANAḄỌ ḅe kiki ḅịa Zayọnị tụndụ gbaịn ḅọrọma ḅụ.

Jerimaya 11:19

À minini nyanaḅọ pịrị wararị anana kịkam, kẹ paka mu ḅaa ḅẹ-yearị ye, tẹ à nimi-a mịnẹ yẹrị mie in gotẹ si-ḅẹrẹ mẹ ḅiya sime ye. In ḍuko simem, “Ó yee wa sịn mẹ pẹlẹ-gbin anị paa ḍumo wararị ogbo; yee wa ọ̀ ḅaa, mịẹ tẹ gbọrụḅọ-sọ ḅarị jen kẹ ọ̀ kẹ ḅiokoroma ḅịa ḅara.”

Jerimaya 11:21

Anatọtị ḅẹ atomi ma ḅiim ini ị̀ ḅaa, tẹ in ḍuko ị̀ pịrịm mịnẹ ini ị̀ ḅaa ḅa, à paa KỊNỊNYANAḄỌ ḅe oku mẹ ḍuko wasamarị ḅẹḅẹ.

Jerimaya 20:10

À naarị ḅẹḅọ-ḅẹḅọ ḅeri-ḅio ḅeri-ḅio ḅarị, “Anga mamgba tẹmẹ-naịn-naịnmaye! Ó yee wa ọ̀ mịẹarị ye mẹ ḍuko sịḅịdapụ ma pịrị!” Ọkị mu ị̀ na kpeki tẹịn ikiapụ la sọ à ḅịkị-koro ḅẹ ḅara ḍikiarị. Ini mẹẹ: “Ẹbịsịya kịnị inetẹ ò tuu koroma ḅa”, “anịtẹso wa nwẹnị ò kun tẹ wamịna gbẹẹfị ḅii ḅa.”

Jerimaya 9:2

À ḅiiarị mimgbe arị ịkpa ḅio sime-yọ nyanam, arị ì atomi ḅụụ ḅele sime ḅẹ anga, inimgba ḅioḅẹngbọ-kẹ-sịrẹrẹ-niḅi-a apụụ, kịnị kẹ jen-apụ ḅara-ḅio dẹrịmarị inweni-ogbo.

Jerimaya 9:3

Sakị mamgba ịn tẹlẹma wararị iruo aị ḍuko; karakara nakara kịnị mingirima mie ama kiri mẹ daarị. KỊNỊNYANAḄỌ ḅe mẹẹ, “Ị̀ atomi gbọrụ si mịẹ tẹ so jen si mịẹarị, tẹ yẹrị ịna Tamụnọ ḅara kẹ ị̀ ọkị-a.”

Jerimaya 9:4

Ọrụḅọ-ọrụḅọ mḅọ ikiaḅọ ẹbị nyanam, tẹ gbọrụḅọ-sọ ḅioḅẹngbọ kẹ mḅọ mịnaḅọ ọgọnọ gbana ḅịa; kẹ gotẹ ọkọ ḍukoarị, mịnaḅọ goḅọ-goḅọ Jekọbụ oḅori-kẹ-kịnịsịn ḅara kẹ oḅori-kẹ-kịnịsịn ḅa, tẹ ọrụḅọ-ọrụḅọ amịna ikiapụ ḍuko-simarị.

Jerimaya 9:5

Ikiaḅọ oḅori kẹ ikiaḅọ sịn-arị, tẹ gbọrụḅọ-sọ karakara mẹ ḍuko-ḍuko-a; Ini ịna aḅẹlẹ toluma tẹ arị iruoarị, in si mịẹ nwenii ịnyọ ịna pọkọ-ta tẹẹ.

Matiyo 10:21

“Tomi ịna amịnapụ pakama-ḅo tẹ ini ịn ḅaa ḅa, tẹ anị gbọrụ ḅara mie ḍapụ sọ kẹ ịna awọmẹ mịẹ ḅarị ḅara; awọmẹ ịna ḍapụ-na-iyingiapụ-na tụḅụrụ tẹ ẹrị ḅa mịnẹ ini ịn ḅaam.

Makị 12:12

Juu-ḅẹ sịḅịdapụ ma Jizọsị kun ḅẹ ḅọkọ ḍọkịm, in nimim ọ̀ mị egberi mẹ gbaa ịna ọgọnọ gbanam ẹrẹsị. Kụma in tomina-ogbo mẹ gotẹ ḅalafaam, anie ḅụ ịn nwẹnị ọ̀ wẹrịso tẹ mẹnjị so.

Jọnị 7:5

(Ori owiapụ-amịnapụ kịngẹ sọ ò minini-a.)

Fịrịmẹnjịapụ 16:22

Tẹ tomina-ogbo mẹ sọ nwẹnị ịna ḅụụ sọ tẹ Pọlụ na Sayịlasị na, na tụḅụrụ. Anịtẹso fịrịmẹnjị-opuapụ ma nwẹnị Pọlụ na Sayịlasị na akapa kan-siin, tẹ tọn mịnẹ ini in fomuu.

Fịrịmẹnjịapụ 18:12

Romu ḅẹ apụ Galiyo kẹ Akaya ḅẹ Ḅẹrẹtọnḅọ mịẹ tẹso, Juu-ḅẹ-apụ ma ḅiya tẹ Pọlụ kun tẹ kẹ ọ̀ ḅẹrẹkọn warị mum.