Jerimaya 12:4 - FỊAFỊA BAỊBỤLỤ

⁴ Wamịna amakiri mẹ samụnọ mu tọ sakị la ḅẹ, tẹ ḍụọ ma ḅio mamgba nama fị ḅẹ osuka mamgba kpatụ fama ḅẹ? Nama ma na feni ma na fịịarị wamịna ama ḅẹ apụ ma si-sịḅịḅio ẹrẹsị, anie ḅarị apụ ma, “Wa mịẹarị aị ma Tamụnọ ẹrị-a.”

Jerimaya 12:4 Iomraidhean Croise

Devidi-Anume 107:34

Ọ̀ mịẹ tẹ ye pakama-pakama kiri ḅo fụn-fụn-fụn simearị ịkpa sọm anị yọ anga apụ sụa si-sịḅịḅio gotẹ.

Devidi-Anume 50:21

Mie mamgba ọ́ mịẹ tẹ, tẹ à ḅịḅị fie-a, mie ḅụ ọmịnị ọkịarị mịnẹ yẹrị na ọmịnị na kịkarị. Kụma mịọkụ àrị ó ḍiki ịganịarị, tẹ mịẹ tẹ ó giregirema ọ́ mịẹ ye mẹ nimiarị.

Ayịzaya 24:4

Kiri mẹ samụnọ-kpakịkị tẹ anị ḅụ so-paka aị kpatụarị; ịnyọ bebe tomikiri mẹ ḅụ faarị; kiri mẹ na So-tọrụ mẹ na, ma maaịn ma, si tọrọkọ, tọrọkọ muarị.

Ayịzaya 24:6

Mie ḅụ Tamụnọ kiri mẹ wori tẹ. Anị ḅẹ atomi ma ịn mịẹ ye dogi-ḅo ye gbarị. Ḍumo simearị apụ kịẹn-ḅịḅị ideri, ideri, ideriarị.

Jerimaya 12:11

Ini anị kẹ kịnị anga-anga-a yọ sọma tẹ, anị papaa kan-sara tẹ koro-simearị ị̀ tọrọkọ. Bebe amakiri mẹ ḅo ịkpa sọ tẹ, gbọrụḅọ-sọ kẹ ye-sịn-a.

Jerimaya 14:2

Juda kururuarị, anị ḅẹ opu ama ma ḅẹ apụ fịịarị, in kururu ḅụ kiri ḅio ḅọlọlọ wararị, tẹ Jeruselemu ḅarasụa gotẹ owu pakamarị.

Jerimaya 23:10

Amakiri mẹ ḅụ KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi-a atomi ḅin tẹẹ; si-sịḅịḅio-sụa ḍumo mie ịn kọn-arị tẹ ịn nyana kụrọ kẹ si-aị mịẹarị. KỊNỊNYANAḄỌ ḅe wori-nume ḅụ amakiri mẹ kururuarị tẹ nama osuka fịarị ayọ ma samụnọtẹ.

Jerimaya 4:25

Arị ẹrịm tomi oforii; feni ma kịngẹ sọ fiin so tẹẹ.

Jerimaya 4:28

Kiri mẹ kururu ḅa, So-tọrụ mẹ ḅo kanakana ḅa, KỊNỊNYANAḄỌ ḅe ọkọ ḅẹẹm, ori ò kuroma ḍima ḅịa. Ọ̀ tọn pẹlẹ tẹẹ, Ọ̀ ḅarị ọḅụ ḍiki ḅịa.

Jerimaya 5:13

Ịn ḅẹẹ tẹ mịnẹ ịkịankoroapụ ma ḅụụ ye ofori, kụma fẹrụ kịngẹ; anịsakị in KỊNỊNYANAḄỌ ḅe ḅara gbọrụ oku sọ nyana-a.

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 9:10

À ḅẹẹm, “À tụndụ ma gotẹ kururu ḅa tẹ owu iḅi-osuka-akiri ma pịrị ḅa, arị samụnọ-kpakịkịtẹ ẹrẹsị, tẹ gbọrụḅọ-sọ ye-muarị tẹ arị ḅụ mẹnjị tolu ḅọrọ-a. Kịnị ḅarị jen kẹ opu anama olokuarị ye naa-a; feni amẹẹ na piri-ḅio-ḅẹ anama na sọ mangị-so fama tẹẹ.”

Jerimaya 9:9

À fomu-ḅara kẹ mịna aị ma pịrị ḅịa? Nwẹn pembema sịẹ ḅụ à gbẹẹfị ḅii ḅịa? Yẹrị, KỊNỊNYANAḄỌ ḅe ọkọ ḅẹẹm.”

Hosiya 4:3

Tẹ mie ḅụ amakiri mẹ samụnọ-kpakịkị ḅa, tẹ anị ḅụ angarị ye goyegoye fịị ḅa. Nama mamgba na feni ma na pịkị inji sọ fịị ḅa.”

Jowẹlị 1:18

Nambulo ma olokuarị ḅara ḍikii! Ịn fị ḅẹ osuka gotẹ mẹnjị-ikelekelarị; anana ogbo-ogbo ma sọ tọrụsiẹrịarị.

Emọsị 1:2

Emọsị ḅẹẹm, “KỊNỊNYANAḄỌ ḅe Zayọnị ḅụ ekirearị; Ọ̀ pọkọ Jeruselemu ḅụ so-alagba ḅara fiearị. Nama osuka fị-fị ayọ ma samụnọtẹẹ, anịsakị Kamẹlị tụndụ ọgọnọ simearị asịn ma na osuka ma na samụnọtẹ odo tọrụ sụa tẹẹ.”

Habakọkụ 3:17

Anị nwẹnị karakaraye tẹ figi asịn ma mgbọlụ sụa-a sọ, tẹ gbọrụ girepu sọ vaịnị asịn ma ḅụ paka-a sọ anị nwẹnị karakaraye tẹ olivu ḍiḅi-aị ma ye sụa-a sọ, tẹ ḍụọ ḍiḅi akiri ma mbịaka pakama-a sọ, anị nwẹnị karakaraye tẹ anana mamgba fịị sọ, tẹ opu anama koko ayọ ma ḅụ gberie-sọ ofori sọ,

Zẹkaraya 1:12

Anịtẹso enjẹlị ḅe ḅẹẹm, “Kụrọmamgba nyana KỊNỊNYANAḄỌ ị́ ịganị nyana Jeruselemu na Juda ḅẹ opu ama ma na pịrị tẹ kụra atesi oyi finji, tẹ ḅo mịọkụ la. Ọkị mu pịkị tọ sakị la tẹrẹmẹ ị́ ọkụrụkụrụ nyana ịn pịrị ḅẹ?”

Romu 8:22

Gbala wa nimi ḅara ḅụ, ḅo mịọkụ la sọ, Tamụnọ tẹmẹ ye-mẹmgba akụ ye ḅụ iningiarị, iyi la tẹ ẹrẹḅọ akụ ye da ḅara.