Jerimaya 12:3 - FỊAFỊA BAỊBỤLỤ

³ Kụma, KỊNỊNYANAḄỌ, í ì nimi wararị, ị́ à mịẹarị ye ẹrịarị, pịkị àrị ị́ ḅẹlẹmarị ḅara sọ. Mịna si-mịẹapụ ma fọnọ soo, kẹ mu ḅaa ḅẹ anana ọkụ; Tọrụ kẹ ịna ḅụ wẹrị nwenii ini ịn ḅaa ḅẹ sakị la.

Jerimaya 12:3 Iomraidhean Croise

2 Amadapụ 20:3

“Yei KỊNỊNYANAḄỌ, àrị ị́ tẹkẹm, à minini ḅụ ì ḅioḅẹngbọ mẹmgba kẹ ị́ tọrọkọ mẹnjị tẹ í ḍiki-tọrụ ḅụ iḅiye mịẹ ḅara kẹ ḅiokoroma ị̀ pịrịị.” Hẹzịkaya nwẹnị ye ḅụụ ḅụ akụ ḅara kẹ owu.

1 Paka-aị 29:17

Ị̀ Tamụnọ, à nimi wararị mịnẹ ḅioḅẹngbọ mẹ mie ị́ daaḍikiarị ye tẹ tụkụ sịẹ ḅụ ḅioḅẹlẹ nyanam; ị̀ ḅioḅẹngbọ kẹ karakara ḅụ à mịna aị mamgba kẹ tọn ị̀ pịrị-a ḅara ḅụ agba mịẹ ị́ pịrị tẹẹ, à pịkị mịọkụ ị́ atomi ma ẹrị tẹẹ, inima tẹ mịanga ḅụ sime tẹ ḅioḅẹlẹ ḅara kẹ tọn ịn pịrị-a ḅara ḅụ agba mịẹ ị́ pịrịarị apụ ma.

Jobu 23:10

Kụma ori à mẹnjịarị etela mẹ nimi wararị ori ị̀ daaḍiki sakị sakị, à golu paka-ḅo ḅara paka-ḅo ḅa.

Devidi-Anume 11:5

Iḅi-apụ na si-sịḅịḅio-sụapụ na ori ịn tọn ḍikiarị, gbọrụ ḅara mẹ: Ori ò ḅioḅẹngbọ mamgba kẹ oloko bala-a apụ ma ḍiki-ḅioḅuarị.

Devidi-Anume 139:23

Yei Tamụnọ, ì pekele-ḍiki tẹ ì kuroma nimii; ị̀ daaḍiki tẹ ì ḅioḅẹngbọ sime aị ḍọkị-ẹrị.

Devidi-Anume 17:3

Ị́ ì ḅioḅẹngbọ nimi wararị. Ị́ ị̀ dama-ḅo tẹ ḍin ḅụ: í ì pekele-ḍiki fama tẹ tẹ à mịẹ ḅẹ-ḅiiarị siye tẹ ị́ ḍọkị-ẹrị ye ofori ị̀ ḅụụ ḅio.

Devidi-Anume 26:1

Yei KỊNỊNYANAḄỌ, à mie si ofori mẹ mịẹ tẹ kịnị nimi, à kụra ye mịẹarị ẹrẹsị, tẹ à pịkị ị́ kẹ ḅiokpọma fama wararị.

Devidi-Anume 7:9

Ị́yẹrị anie kuraye mịẹarị Tamụnọ tẹ wamịna akuroma ma na wa ḅiiarị aị na kọn-arị. Si atomi ma si-sịḅịḅio mẹ dasịẹmaa tẹ iḅi kẹ iḅi-apụ ma mịẹẹ.

Jerimaya 15:15

Anịtẹso à ḅẹẹm, KỊNỊNYANAḄỌ, ị́yẹrị ye sime-ḅara nimi wararị. Ị̀ kẹ ḅiokoroma tẹ ḅarasụa ị̀ pịrị. Minini ị̀ pịrị tẹ à ḅaa-ḅọkọ kẹ ị̀ ḍọkịarị apụ ma gbẹẹfị ḅii. Gbọsime ịn pịrị nwenii tẹ ini ị̀ ḅaa ma. Kẹ ḅiokoroma mịnẹ ị́ sịḅị mie in gotẹ ị̀ mịẹ-simarị.

Jerimaya 17:16

Kụma, KỊNỊNYANAḄỌ, gbala-gbala arị ịgbanị kụrọma-a mịnẹ í opu ḅụụ-fụka ọkị-ḅo ịna ọgọnọ gbana; à ḅụụ-fụka sakị ịgbanị ịn pịrị-a. KỊNỊNYANAḄỌ, miemẹ í nimi wararị; à ḍuko ye í nimi wararị.

Jerimaya 17:18

Tọrụ-tuu ọkị-ḅo ḅaa-ḅọkọ kẹ ị̀ ḍọkịarị apụ ma pịrịị, kụma ḅara-wẹrị ị̀ pịrị, KỊNỊNYANAḄỌ. Tẹmẹ-naịn-naịn kẹ ịna ḅụụ ḅio suu ḅinma, kụma yẹrị ị̀ tẹmẹ-naịn-naịnma ma. Opu ḅụụ-fụka ọkị-ḅo ịna ọgọnọ gbana tẹ ịn gbẹẹ-kọsịmaa.

Jerimaya 20:12

Kụma, Kụrọmamgba nyana KỊNỊNYANAḄỌ, kura ḅara mie ị́ kẹ tomi daaḍikiarị; ịna aḅioḅẹngbọ na ịna akuroma ma na ḅio sime ye, í nimi wararị. Mie ḅụ yee àrị ị́ ẹrị mịnẹ í si kẹ ị̀ tọn apụ ma ḅara ḅụ ị̀ gbẹẹfị ḅiiarị, kẹ gotẹ ọkọ ḍukoarị, àrị ị̀ ḅẹrẹ kẹ ị́ aḅara-ḅio sụa wararị.

Jerimaya 48:15

Mohabụ na anị ḅẹ opu ama ma na ini arị guluguluma tẹ; anị ḅẹ iḅitẹịn asawọ ma ịn ḅaa pẹị ḅẹ anama ḅaa ḅara kẹ ịn ḅaa tẹẹ. Yẹrị anie amadaḅọ ḅe, Kụrọmamgba nyana KỊNỊNYANAḄỌ ḅe, ọkọ ḅẹẹm.

Jerimaya 50:27

Ịna ọmụapụ mamgba ḅaa famaa! Ḅaa pẹị ḅẹ nama ḅaa ḅara kẹ ịn ḅaa! Babịlonịya ḅẹ apụ in si-so ḅụ sọ tẹẹ. Fomu-ḅara kẹ ịn pịrị ḅẹ sakị mẹ ḅo la tẹẹ!”

Jerimaya 51:4

Ye ịn la tẹ ini ịna opu ama ma ḅẹ etela-ogbo ma ḅụ fịị ḅa.

Jọnị 21:17

Jizọsị tẹra sakị karama ye kẹ ḅẹẹm, “Sayịmọnị, Jọnị tụḅọ ị́ ị̀ ḅẹlẹmarị, ọkọ-a?” Pita nwẹnị kururu. Jizọsị tẹra asakị karama ye kẹ ó gbela ye ẹrẹsị, “Ị́ ị̀ ḅẹlẹmarị, ọkọ-a?” Mie ḅụ ori ọ̀ ḅẹẹm, “KỊNỊNYANAḄỌ, í nimi kọnma ye ofori, í nimi wararị mịnẹ àrị ị́ ḅẹlẹmarị.” Jizọsị nwẹnị ọ̀ ḅẹẹ, “Tọrụ kẹ ị̀ anana ma ḅụụ wẹrịị.

Jemụsị 5:5

Mị tomikiri ḅụ ọ́ kọn-arị ḍumo mẹ ḅụ woso-woso amịẹaị na tọrụ-ḅẹlẹ na mịẹ anị ḅụ ḅin wararị. Ọmịnị ọmịna aḅụụ ḍikiḍiki tim-tim-ma ḅaa ḅẹ ene wẹrịma tẹ.

2 Pita 2:12

Kụma mịna tomi ma, ịna ḅụụ ḅio ye kẹ in sukuruma ḅara, sukuruma ḅara mie in ḍiki mịẹarị ye, gbala piri-ḅio-ḅẹ anama tẹ iyi tẹ tomi kun tẹ ḅaa ḅẹ aị sime-ḅara; ini fiearị ye nimi-a ye mẹ koro kụma, in mịẹ-sima kẹ kamụ pakamam. Piri-ḅio-ḅẹ anama ḅaa guluguluma ḅara ịn nwẹn kẹ ịn ḅaa guluguluma ḅa,