Jerimaya 12:2 - FỊAFỊA BAỊBỤLỤ

² Ị́yẹrị ịn kẹ ḍiḅi tẹ in kuno-sụarị; in so-paka tẹ mgbọlụ sụarị. Sakị mamgba ini ị́ ḅụụ iḅiye ḍukoarị, anịsọ ini ị́ bala ḅaka-a.

Jerimaya 12:2 Iomraidhean Croise

Jobu 24:12

Opu ama mẹ ḅio mie fịịarị ḅọ ḅe ama ḅio fiearị, tẹ ye ḅụụ laa ḅọ ḅe ḅarasụa gotẹ owuarị; anịsọ tamụnọ ịna tẹkẹ poki-a.”

Jobu 5:3

Ye-nimia-ḅọ ḅe kuno nyanarị tẹ àrị ẹrịm, kụma bẹkẹ-ḅara-ḅụ àrị ori angarị anga worim.

Devidi-Anume 37:35

Gbọrụ sakị à gbọrụ si-sịḅịḅio-sụa tomḅọ nimim, kụrọ-kụrọ ḅara mịẹ-mịẹ ḅọ; ò gele ḅẹḅọ-ḅẹḅọ nẹngịm, Lẹbanọnị tụndụ ọgọnọ ḅẹ sida sịn-arị gele ḅara;

Ayịzaya 29:13

KỊNỊNYANAḄỌ ḅe ḅẹẹm, “Mịna apụ ma ọkịarị in sunsin ị̀ pịrịarị, kụma ịna ẹkwẹn ma ye fie-a, tẹ ịna aḅioḅẹngbọ ma pịkị jen yọ ḅụ emi. Ịna Tamụnọ nimi mẹ gberie-sọ gberie-a, tomina oloko na ama-anganga-ḅara na kịngẹ, tẹ ịn papaa ḍawọ sịḅị ḅio suu aị.

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 3:10

Tẹ ma-mamgba ḅọrọ tẹso, Juda, Izirẹlị si ịyịmbara ma, oḅori kẹ ị̀ sịn ḅara kẹ pịkị ị̀ dama-ḅom; anị á tẹmẹ-la-a. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 45:4

“Kụma yẹrị, KỊNỊNYANAḄỌ ḅe, à nama tẹ aị ma nụnụ kan kiri lamarị. Bebe tomikiri mẹ ḅụ à miemẹ mịẹ ḅa.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Hosiya 7:14

Amụ ịn tẹmẹ-la ḅara kẹ ị̀ tẹkẹ-a, kụma ịn tẹmẹ-la ḅara kẹ ị̀ tẹkẹ ḅẹ nakara ini ịna aḅụụ sẹma-kiri-gbin-gbin tẹ pee-peema owuarị oru nimi apụ ma mịẹarị ḅara. Ini mbịaka na iru na gotẹ tẹkẹarị sakị ini ịna oju pẹlẹ-pẹlẹ sọ-muarị Tamụnọ nimi-a apụ ḅara mẹ. Ịn kọngọ-kụrọma la ḅara ḍikii!

Habakọkụ 1:13

Kụma mịọkụ ndẹẹ í inetẹ mịna mbasịarị si-mịẹapụ na inema ḅẹ ḅara? Ị́ atọrụngbọ ma fịafịa ḅaka wararị ya, kẹ siye ḍiki ḅụ, tẹ ị́ inetẹ tọrụ-tọrụ kẹ kura-aye mịẹ ḍiki ḅịa sakị. Mie ḅụ tiye ẹrẹsị í ḅịḅị-fie-a tẹ ịn karakara mịẹ ịn nẹngị atomi ma ḅaa gulugulumarị ḅara?”

Matiyo 15:8

Tamụnọ ḅẹẹm, “mịna atomi ma, ḅịḅị apara ngẹrị mie ịn kẹ ị̀ kụn-arị, kụma ịna aḅioḅẹngbọ ị̀ ḅụụ ḅele la jụ iḅerea.

Makị 7:6

Jizọsị nwẹnị ịn pakịrị, Ọmịnị Ayịzaya ọmịna ḅụ kuro ịkịan mẹ kura ḅara ḍikii! Ọmịnị mịẹ kịnị ḍie atomi, anie ọ̀ kẹẹ gbọrụ ḅara mẹ: Tamụnọ ḅẹẹarị, mịna apụ ma ẹkwẹn-ḅịḅị ḅụ mie ini ị̀ kụn-arị ye, kụma ịna ḅioḅẹngbọ karakara ḅara kẹ ị̀ ḅụ ḅele fa wararị.

Tayịtọsị 1:16

Ini ọkịarị ịn Tamụnọ nimim, kụma ịna amịẹaị anị pikiarị. Ḍiki-ḅioḅu na ḅịḅịpoki-a na ịna ḅụ emi, ini inetẹ gbọrụ iḅiye sọ mịẹ ḅẹ ḅara sime-a.