Jerimaya 12:13 - FỊAFỊA BAỊBỤLỤ

¹³ Ì atomi mbịaka ḍiḅim, kụma osuka mie ịn pẹlẹ ye; ịn ḅụụ-kọsị tẹ kọrịnama kọrịm, kụma gberie sọ ịn nyana ḅo-a anị ḅụ. Ì opu ịganị gotẹ in ḍiḅi aị ma fịaị pakama-a.”

Jerimaya 12:13 Iomraidhean Croise

Devidi-Anume 78:62

Ori ịganị nyana ọ̀ ḅara-kuḅu ḅẹ atomi ma pịrị tẹ ịn wẹrịso si kẹ ịn tọn apụ ma pịrị tẹ ini ịn ḅaam.

Ayịzaya 55:2

Tiye ẹrẹsị ó furo ḅin ḅịa ye gotẹ igbigi famarị? Tiye ẹrẹsị ọmịnị ọ́ kọrị ḅo igbigi kẹ papaa fama tẹ ḅuru paa ọ́ tarịarị? Ọmịnị ì poki tẹ à ḍukoarị ye mịẹ; anịsakị ó ḅioḅẹlẹ ḅara kẹ fịye mamgba ḅụ iḅitẹịn fịye fị ḅa.

Jerimaya 17:10

Yẹrị, KỊNỊNYANAḄỌ ḅe, anie kuroma ma sọkịrịarị ḅọ, pịkị tomina aḅioḅẹngbọ daaḍikiarị. Ọrụḅọ-ọrụḅọ kẹ ḍumo kọn-arị ḅara mie à ḍiki tẹ mḅọ na mịẹarị, mḅọ mịẹarị ye sime-ḅara.”

Jerimaya 4:26

Ye pakama-pakama kiri mẹ ḅo ịkpa sọm; anị ḅẹ opu ama ma kan-saram KỊNỊNYANAḄỌ ḅe owi ịganị mẹ ẹrẹsị.

Jerimaya 9:5

Ikiaḅọ oḅori kẹ ikiaḅọ sịn-arị, tẹ gbọrụḅọ-sọ karakara mẹ ḍuko-ḍuko-a; Ini ịna aḅẹlẹ toluma tẹ arị iruoarị, in si mịẹ nwenii ịnyọ ịna pọkọ-ta tẹẹ.

Hosiya 8:7

Ịn fẹrụ ḍiḅiarị sakị, ini erise soku ḅa! Kpoo-kpoo-a mbịaka ḍụọ inetẹ gbala-gbala gbọrụ fịturu sọ pakama-ḅo ḅịa. Kụma anị nwẹnị ọkọ mịẹ sọ ja sịẹ ḅẹ apụ mie anị fị sin ḅarịye.

Lẹvitikọsị 26:16

à miemẹ kẹ ọ́ mịẹ ḅa: à bẹkẹ-ḅara-kẹ tẹmẹ-naịn-naịn na, nyana ye goyegoye ḅara-ḅio fa fama na, tọrụngbọ-pụnma ọfịrị na tọn fịrịma tẹ obi na kururu na ḅụ ḍumo guluguluma ḅa. Anịsakị papaa mie ọmịnị ọmịna sịnmgbọlị ḍiḅi ḅarịye, kẹ gotẹ ọkọ ḅẹẹarị, ọmịnị na fịya-a apụ mie anị fị ḅarịye.

Lẹvitikọsị 26:20

anịsakị ọ́ papaa ọmịna ịnyọ fama ḅa, kẹ gotẹ ọkọ ḅẹẹarị, ọmịna kiri ḅarị anị ḅẹ tọnwa aị pakama-ḅo ḅịa, tẹ kiri mẹ ḅẹ opu asịn ma ḅarị ịna sịnmgbọlụ sụa ḅịa.”

Mayịka 6:15

Ọ́ fịaị ḍiḅi ḅa, kụma ó soku ḅịa; ọmịna olivu pulo mịẹ pakama-ḅo ḅa, kụma ọmịnị anị ọkị tẹ kẹ gberie-sọ mịẹ ḅịa; ọmịnị iru mịẹ pakama-ḅo ḅa, kụma gbala-gbala ọmịnị anị ḅuu ḅịa.

Habakọkụ 2:13

Sịẹ-sịẹ ma tẹ ị́ nẹngịma aị ma ye mịẹ-a kụrọ kọrịnama ḅụ ịna ịnyọ fama famam, tẹ ịn nama ye mẹmgba fịnị ḅio dọkịarị. Kụrọmamgba Nyana KỊNỊNYANAḄỌ ḅe miemẹ mịẹm.

Hegayị 1:6

Ọ́ tọnwa mbịaka ḍiḅim, kụma boowa ye mie ọ́ pẹlẹ ḅo yee. Ó fịye nyana tẹ fịarị, kụma ọmịna furo ḅinma ḅẹ ḅara sime-a. Ó ḅuu ḅẹ iru emi, kụma boo tẹ ó ḅuu tọrụ ḅaa ma ḅẹ ḅara la-a! Ọ́ kapa nyana wararị, kụma oḅoku dee ọ́ pịrị ḅẹ ḅara la-a. Tẹ kọrịnama kọrịarị tomḅọ mẹ nyana ḅoarị ye ḅarị inetẹ tomḅọ kara-a, kẹ anga ḅụ.

Hegayị 1:9

“Ọmịnị iḅiọkụ fịaị soku-ḅẹ ḅara kẹ ḅiotọnm, kụma kala ḅara mie arị paka yee. Tẹ ó soku ye mẹ kẹ warị ḅo sakị, Yẹrị anị ḅụrụmarị. À tiegotẹ anie mịẹ? Ị̀ Warị kaan-sara sime wararị tẹ ọrụḅọ-ọrụḅọ mḅọ soku-ḅẹ warị ḅẹ kọrịnama mẹ balarị ẹrẹsị.

Romu 6:21

Ọmịnị arị ḅụụ-jịrịma-aị ma mịẹ sime sakị ọ́ tọ sọye nyana? Arị aị ma dogi-ḅoarị ye anie fịị.

Ditẹrọnọmị 28:38

“Ó gburo-gburoma sịnmgbọlị dogi piri mẹ ḅio sọ-mu ḅa, kụma ịrụtẹ kalịye mie ó kobiri ḅo suu ḅarịye; kẹ gotẹ ọkọ ḅẹẹarị, igurube anị fị fama ḅa.