Jerimaya 12:12 - FỊAFỊA BAỊBỤLỤ

¹² Ịkpa mẹ ḅẹ gele akiri ma mẹnjị saḅa ḅo ye fọịn ḅẹ owiapụ ḅo tẹ. Arị ọmụ kẹ fịrịma bebe amakiri mẹ guluguluma ḅẹ ḅo tẹẹ; gbọrụḅọ-sọ inetẹ dein ḅụ anga ḅịa.

Jerimaya 12:12 Iomraidhean Croise

Ayịzaya 34:6

Ọmbie na ḅẹlẹkị na ori okologie mẹ ọmbịma fama ḅa, anie anana na oḅori na ọmbie na ḅẹlẹkị na mịẹ-mịẹ ḅara kịka ḅa ini ịn kẹ agbamịẹ-anga ḅụ. Bozara opu ama mẹ ḅio mie KỊNỊNYANAḄỌ ḅe mie mị agba mẹ mịẹ ḅarị ye; ò miemẹ kẹ gburo-gburoma Idọmụ amakiri ḅụ tọnwa-apụ kẹ gbọrụ kiri ḅa mịẹ ḅa.

Ayịzaya 57:21

KỊNỊNYANAḄỌ ḅe mẹẹ, “Ye-ḅụụ-la-a sime si-mịẹapụ pịrị-a.”

Jerimaya 15:2

Ini ịn tọ-anga mu ḅarị mọ kẹ í gbela sakị, ḍuko ịn pịrị mịnẹ yẹrị ḅẹẹm: obi ḅụ fịị sime jen-apụ pịrịm; anịanga mie ini mu ḅarịye! Ọmụ ḅio fịị sime osi apụ pịrịm; anịanga mie ini mu ḅarịye! Ḅuru-ḅa fịị sime jen-apụ pịrịm; anịanga mie ini mu ḅarịye! Ikoliapụ ḅara kẹ kun-so sime osi apụ pịrịm; anịanga mie ini mu ḅarịye!

Jerimaya 16:5

“Ị́ ịn ḍụẹịn ḍuuarị gbọrụ warị sọ sọ-mu ḅịa. Gbọrụḅọ sọ gotẹ kururuma. À ḅarị jen kẹ ị̀ atomi boma ḅịa, anịanịa ḅẹlẹma na ọkụrụkụrụ na kẹ in ḍie.

Jerimaya 25:11

Mị bebe amakiri mẹ si tẹ koro-sime ḅa, tẹ ḍiki-tọrụ ḅụ kpọma ḅụụ-gbiripuma ye sọ ḅa, tẹ anị na kpeki wararị asịẹ ma na nwẹnị kụra atesi oyi finji kẹ fịrịmẹnjị Babịlonịya ḅẹ amadaḅọ ḅe pịrị ḅa.

Jerimaya 3:2

Tọrụ sakị tẹ kẹ tụndụ ma ọgọnọ-jụ ḍikii. Gbọrụ anga tẹ amụ ị́ ama-mẹnjị-ẹrẹḅọ ḅara kẹ ḍumo kọn-a anga emi? Etela anga ḅụ sọ í sime tẹ oloapụ korum, anie Arabụ apụ ịkpa ḅio sime tẹ ịn ḅaa ḅẹ ḅara. Ị́ ị́ ama-mẹnjị mịẹ kẹ amakiri mẹ pilema tẹẹ.

Jerimaya 3:21

Tụndụ ma ọgọnọ-jụ ḅio ḅịḅị yoko-yokoma fiearị; Izirẹlịapụ owu pọkọ na tẹkẹarị ḅịḅị na, in si ḍumo kọn tẹ ẹrẹsị pịkị KỊNỊNYANAḄỌ ịna Tamụnọ ḅe kẹ ḅioḅọrọma tẹẹ.

Jerimaya 30:5

“À tẹmẹ-naịn-naịnma owu pọkọ naam, ḅalafa owu pọkọ tẹ dein ye-a.

Jerimaya 34:17

Mịẹ ḅụ mịọkụ, yẹrị, KỊNỊNYANAḄỌ ḅe, ḍukoarị mịnẹ ọmịnị ị̀ ḅịḅị-kan tẹ: amụ ḅarana-sịḅị-nyana kẹ ọmịna pembema Izirẹlịapụ ma pịrị-a. Ọkọ ḅẹḅẹ, iḅi lamam, yẹrị ḅarana-sịḅị-nyana kẹ ọ́ pịrị ḅa: ọmụ ḅio fịị ḅarana-sịḅị-nyana, obi na ḅuru-ḅa na. À kẹ ọ́ mịẹ ḅarịye mẹ, kpọma tomikiri ḅẹ sịẹ goyegoye ḅụụ koro ḅa.

Jerimaya 4:27

KỊNỊNYANAḄỌ ḅe ọkọ ḅẹẹm mịnẹ bebe tomikiri mẹ ḅo kịnị anga-anga-a yọ sọ ḅa, kụma ọ̀ gbọrsịḅị anị guluguluma fama ḅịa.

Jerimaya 46:10

Mịmgba mẹ mie Tẹịn-Ḅẹrẹtọn-Kụrọ-Nyana Kụrọmamgba nyana KỊNỊNYANAḄỌ ḅe eneḅaka mẹ, mịmgba ọ̀ gbẹẹfị ḅii ḅa; mịmgba ò fomu-ḅara kẹ si kẹ ọ̀ tọn apụ ma pịrị ḅa. Ori okologie ḅuru fị nwenii anị furo ḅin ḅa, tẹ ịna ọmbie ḅuu nwenii anị anị pọkọ-ta ḅa. Mịmgba Kụrọmamgba Nyanaḅọ ḅe amịna anama kẹ agba mịẹarị ọgọnọ-jụ mẹ ḅụ, Yuferetisi tọrụ akaka ḅụ.

Jerimaya 47:6

Oloku pakama, ‘KỊNỊNYANAḄỌ ḅe okologie! Ị́ pẹlẹ-pẹlẹ sara mu tọ-sakị la ḅẹ? Pịkị mu í lubulu ḅio sọ, anịanga sime tẹ ịnyọsara!’

Jerimaya 48:2

Mohabụ tọrụ-gbẹ sime-ḅara mẹ so tẹẹ. Si kẹ ịn tọn apụ ma Hẹsịbọnị ọkị tẹẹ, ịn pịkị ḅịyatẹ in Mohabụ sịẹ mẹ guluguluma ḅa. Nọmụapụ nwẹn-sịn ama mẹ yaụ-sime ḅa ọmụ-ogbo-ogbo mẹnjị mu owu kẹ anị paka ḅa.

Jerimaya 8:15

Wa dein nyana ḅẹ ḅiokpọ nyanam, pịkị gwọ sakị na, kụma anị gbọrụ iḅi sọ nyana-a; anie nakara tẹmẹ-naịn-naịnmaye.

Kururu Owu-apọkọ 3:17

Ị̀ ḅala ḅụ í dein ḅaa siin tẹ, ḅioḅẹlẹ nwẹn-sịn ye à kẹ ḅioḅọrọma tẹ.

Izikẹlị 14:17

Anịanịa kẹ ọkị mịnẹ àrị ọmụ ọkị-ḅom anị bebe amakiri mẹ ḅụ, tẹ ḅaa-guluguluma owuna-aị kẹ tomi na nama ma na fama, gbọrụ ḅara mẹ ḅụ

Izikẹlị 21:28

Fịị-fịị tomḅọ, ịkịan koroo. Ḍuko wasamaa, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko Amọnị ḅẹ apụ ma pịrịarị ye mẹ, anie Izirẹlị mịẹ-simarị apụ ma. Ịn ḅẹẹ: okologie tẹlẹma sime wararị, kẹ ḅaa guluguluma; anị sịkịrị-vịọị wararị kẹ kịnị ḅaa, So-tọrụ ḅalapụ ḅọrọ ḅara kẹ wanamụarị.

Izikẹlị 21:4

Àrị ì okologie kẹ ọmịna ḅụ gbọrụḅọ-gbọrụḅọ na mịẹ ḅa ọgọnọ-jụ ideri-ḅo suku-jụ la.

Izikẹlị 21:8

KỊNỊNYANAḄỌ ḅe ị̀ ḅẹẹm,

Izikẹlị 21:9

“Fịị-fịị tomḅọ, ịkịankoro. Yẹrị KỊNỊNYANAḄỌ ḅe ḍukoarị ye ḍuko tomi ma pịrị: Okologie, farị oḅuma tẹ sịkịrị vịọịmatẹ okologie.

Izikẹlị 5:2

Gbọrụ anga dọkịma opuma mẹ ḅio ini anị ọkị tẹso. Osi tẹra kiri ḅẹ gbọrụ pakịrị mẹ okologie kẹ pẹlẹ-pẹlẹ sara í opu ama mẹ ḅio mẹnjị-pakarị ogbo. Kirikọn tẹra kiri ḍie ḅẹ gbọrụ kiri mẹ kẹ fẹrụ ḅio wakị-wakị nguma, tẹ yẹrị ì okologie kẹ anị ḍuka ḅa.

Lẹvitikọsị 26:33

Opu asịẹ ma ogbo-ḅio ḅụ arị ọ́ gala-galama ḅa, anịsakị arị okologie mẹ wọrọ tẹ kẹ ó ḍuka ḅa, tẹ ọmịna ama nwẹnị faa, tẹ ọmịna opu ama ma ḅo sara sọ ḅa.

Emọsị 9:4

Ini na fịya-a apụ in kun so-so à tọn ịn pịrị tẹ ini ịn ḅaa ḅa. À tọn pẹlẹ tẹ àrị ịn ḅaa guluguluma ḅa, à ḅarasụa ịn pịrị ḅịa.”

Zẹfanaya 2:12

KỊNỊNYANAḄỌ pịkị Sudanị ḅẹ apụ sọ mịẹ tẹ ịn fịị ḅa.

Ditẹrọnọmị 32:42

Àrị ì okuro aḍịẹịn mịẹ tẹ arị ọmbie ḅuu tọrụ-ḅama ḅa, tẹ ì okologie meni guluguluma ḅa. Kịnị-na-fịya-a apụ ma ḅẹ sịḅịdapụ ma asịḅị ḅụ saakị mu fịtẹ-apụ ma na, kun-ḅara ḅio emi apụ ma na ọmbie kẹ sụa.

Mịẹfinji 6:4

Jen awụ asụ nwẹnị pịkị paka-ḅo. Ọ̀ kpọlị dọkụarị ḅọ ḅe ịn kụrọ kẹ ọ̀ pịrịm ọ̀ kẹ tomikiri ọmụ koromaa, mịẹtẹ tomi jụmọ-jụmọ ḅaa ḅẹ ḅara. Ịn gbọrụ opu okologie kẹ ọ̀ pịrịm.