Jerimaya 12:1 - FỊAFỊA BAỊBỤLỤ

¹ KỊNỊNYANAḄỌ, àrị ị́ tọrọkọ ị̀ ḅẹrẹ ịgbanịm ḅẹ kụma, ị́yẹrị mie paa kuraye mịẹ ḅọ sọ ḅẹ yee. Anịsọ à paa inoma ofori gboloma ye kẹ í gbela ḅẹm. Tiye ẹrẹsị si-sịḅịḅio-sụapụ ma loloarị? Tiye ẹrẹsị ye kịnị mingirimarị atomi ma na iḅiarị?

Jerimaya 12:1 Iomraidhean Croise

Suku-saakị 18:25

Iḅieri, kuraye-mịẹapụ kẹ si-sịḅịḅio-sụapụ ḅụụ sụa ḅa guluguluma ḅụ ị́ ḅụụ wẹrị ḅelemaa, anie kuraye-mịẹapụ ma mịẹtẹ ịn si-sịḅịḅio-sụapụ ma mẹnjị ḅara mẹnjị! Iḅieri, anie ḅụ ị́ ḅụụ ḅelemaa! Tomi-juḅẹye, ị́yẹrị tomikiri mẹmgba kọn ḅarị ḅẹrẹkọnḅọ ḅe í kuraye mịẹ ḅa.”

Ẹzịra 9:15

Yei KỊNỊNYANAḄỌ, Izirẹlịapụ tẹkẹarị Tamụnọ, ị́yẹrị ị́ karakaram, wamịnị boowa kala apụ mie paka-ḅo yee, anị wẹrịtẹ mịmgba ḅụ sime-ḅara. Ḍikii, ị́ tọrọkọ ḅụ wa wa mịẹ gbẹẹ aị ma na emi, kẹ gotẹ ọkọ ḅẹẹarị, miemẹ gotẹ inetẹ ị́ tọrọkọ sịẹ ḅẹ ḅọ ofori.”

Nehimaya 9:33

Anịsọ ị́ karakaram, wamịna ọgọnọ gbana ye mamgba ḅụ; kẹ gotẹ ọkọ ḅẹẹarị, ị́ ị́ minini ye kokom, wamịnị masi si-sịḅịḅio-sụam.

Jobu 12:6

Furuapụ ma akpụrụ-awarị ma dein sime wararị, anịsakị Tamụnọ ịganịma apụ ma ye ịn la-a, inima tẹ ḅara-ḅio ịna oru-tamụnọ kẹ ḅo apụ ma.” Jobu nwẹnị pịkị Jọfa ḅẹẹ:

Jobu 13:3

Kụma àrị ẹkwẹn Kụrọmamgba Nyanaḅọ ḅe pịrị ḅa, anịsakị à Tamụnọ na ị̀ ḅẹrẹ mẹ ẹkwẹn ḅii ḅa.

Jobu 24:12

Opu ama mẹ ḅio mie fịịarị ḅọ ḅe ama ḅio fiearị, tẹ ye ḅụụ laa ḅọ ḅe ḅarasụa gotẹ owuarị; anịsọ tamụnọ ịna tẹkẹ poki-a.”

Jobu 24:23

Ori ịn wẹrị kpaịnmam, tẹ ịn palị sịẹmam; anịsakị ori atọrụngbọ ịna etela ma ḅụ emii.

Jobu 8:17

Ori akuno kpoli wararị aḍụḅarị ma fịnamam; ịkụ ma ogboku ḅụ ori angam.

Devidi-Anume 116:5

KỊNỊNYANAḄỌ ḅe ori ọkụrụkụrụ nyanam, ọ̀ pịkị iḅim; wamịna Tamụnọ ḅe ọ̀ lọkọma kịnị na mịẹarị.

Devidi-Anume 119:137

KỊNỊNYANAḄỌ, ị́ karakara mịẹarị, tẹ ị́ oloko ma ḅụ inoma ye ofori.

Devidi-Anume 119:75

KỊNỊNYANAḄỌ, à nimi wararị mịnẹ ị́ aḅẹrẹkọn ma karakaram, tẹ í fomu-ḅara kẹ ị̀ pịrịm, ḅioḅẹngbọ kẹ ị́ ḅụụ ḅụ gbana na-iḅim ẹrẹsị.

Devidi-Anume 145:17

KỊNỊNYANAḄỌ ḅe mịẹarị aị mamgba ḅụ ọ̀ karakaram, ọkụrụkụrụ ḅụ ori arịmgba mịẹarị.

Devidi-Anume 37:1

Si-sịḅịḅio-sụa tomḅọ ḅe gotẹ ḅụụ-ḅalaḅala ma: afana tẹmẹ sụa kura-aye mịẹarị ḅọ mẹ pịrị ma.

Devidi-Anume 37:35

Gbọrụ sakị à gbọrụ si-sịḅịḅio-sụa tomḅọ nimim, kụrọ-kụrọ ḅara mịẹ-mịẹ ḅọ; ò gele ḅẹḅọ-ḅẹḅọ nẹngịm, Lẹbanọnị tụndụ ọgọnọ ḅẹ sida sịn-arị gele ḅara;

Devidi-Anume 51:4

Ị́yẹrị mie à si kẹ mịẹ yee; ị́yẹrị kịngẹ — tẹ ị́ kẹ si sịn ye mie à mịẹ yee. Mie ḅụ ị́ kura ḅẹrẹ kọn ị̀ pịrịm, ị́ pẹlẹ ị̀ ḅara sima ḅẹrẹ mẹ ḅụ aḍụa ofori.

Devidi-Anume 51:6

Aka ofori ḅioḅẹngbọ na karakara na mie í ḅiiarị, ị́ ḅara ḅo nimi kẹ ì kuroma suu ḅinma.

Devidi-Anume 92:7

si-sịḅịḅio-sụapụ ma osuka brebrema so-paka ḅara kẹ loloarị, kura-aye mịẹ apụ ma sọ inetẹ lolo ḅa, anịsọ ịn fịị gulugulu fama ḅa,

Egberima-Ẹkwẹn 1:32

Ye-mịẹmịẹ-ḅara nimi-a apụ fịị ḅa ịn nimi sịkịarị ẹrẹsị. Oḅori-sọarị atomi ma ịna ye-kẹ-yesịn-a mẹ ịn ḅaa gulugulumarị.

Nimi Tolumaḅọ 8:14

Gbọrụ siye tomikiri mẹ ḅụ mịẹarị: ja asakị, karakaraye-mịẹapụ ma si-sịḅịḅio-sụapụ ma nyana fomu-ḅara daarị; tẹ ja asakị, si-sịḅịḅio-sụapụ ma karakaraye-mịẹapụ ma nyana na-iḅi gbẹẹ-ye ọkị nyanarị. À ḅẹẹm miemẹ sọ ḅintẹ ḅara kẹ anị fieye nimi-a ye.

Ayịzaya 41:21

KỊNỊNYANAḄỌ ḅe, Izirẹlị amadaḅọ ḅe, miemẹ nyana tẹ ḍuko ḅẹẹm: Ọmịnị sịẹ-sịẹ ma oru-atamụnọ ma, ọmịnị ọ́ nyana tẹ ḍuko ḅẹ ye ḍukoo. Ọmịnị iḅi tẹịn aị tẹ ọ́ kẹ anị mịẹ kụrọma ḅẹ aị ọkị-ḅoo!

Ayịzaya 48:8

À nimim mịnẹ anie ḅioḅẹngbọ kẹ ḅụụ ḅụ gbana ḅẹ ḅọ-a, anie sakị mamgba kịnị kọngọ-kụrọ ḅọ ḅara kẹ ì nimi tẹ mẹ. Anie ẹrẹsị gbala-gbala mie mamgba ị́ naa-a, anie ẹrẹsị anị ḅẹ ẹkwẹn gbọrụmgbọ-sọ ḅo ị́ aḅeri laa-a.

Jerimaya 11:20

Anịtẹso à tẹkẹm, “Kụrọmamgba nyana KỊNỊNYANAḄỌ, anie karakara ḅẹrẹkọnḅọ; ị́ kịnị kuromarị aị na ịna ḅụụ-ịnọarị aị na tọn-ḍikiarị. Àrị ị̀ ḅẹrẹ kẹ ị́ aḅara-ḅio sụa tẹẹ; mie ḅụ yee àrị ẹbị ị́ mịna apụ ma ḅara ḅụ gbẹẹfị ḅiiarị sakị.”

Jerimaya 12:6

Ị́ amịnapụ kịngẹ sọ ị́ warị-kuḅu ḅẹ apụ, ị́ kẹ tomina ḅara-ḅio dẹrịma tẹẹ; tomi kẹ ị́ pakarị owu mẹ ini sọ anị ḅio emi. Ḅioḅẹngbọ kẹ ịna ọgọnọ gbana ma, ini ikia ḅara kẹ ẹkwẹn-arị sọ.”

Jerimaya 3:20

Kụma si ẹrẹḅọ ḅara ḅụ amụ í ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, KỊNỊNYANAḄỌ ḅe ọkọ ḅẹẹm.

Jerimaya 3:7

À kuromam mịnẹ, á ma-mamgba mịẹ fama tẹso, á pịkị ị̀ ḍọkụma-ḅo ḅa. Kụma á pịkịma-ḅo-a, á si ịyịmbara Juda ma-mamgba ẹrịm.

Jerimaya 32:16

À kiri-fẹ-ḍiri-pakịrị mẹ kẹ Baruku pịrị tẹso, à tẹkẹm,

Jerimaya 5:11

Izirẹlị na Juda na ḅẹ apụ ma gbọrsịḅị ị̀ kẹ dẹrịma tẹẹ. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 9:2

À ḅiiarị mimgbe arị ịkpa ḅio sime-yọ nyanam, arị ì atomi ḅụụ ḅele sime ḅẹ anga, inimgba ḅioḅẹngbọ-kẹ-sịrẹrẹ-niḅi-a apụụ, kịnị kẹ jen-apụ ḅara-ḅio dẹrịmarị inweni-ogbo.

Kururu Owu-apọkọ 1:18

KỊNỊNYANAḄỌ ḅe ọ̀ mịẹ kuramam, kẹ gotẹ ọkọ ḅẹẹarị, yẹrị ori ẹkwẹn-ḅịḅị na tụḅụrụm; kụma ọ́ naa, ọmịnị tomi-kụlọkụlọ mamgba, tẹ ị̀ ḅụụ-fụka mẹ ḍikii; ị̀ iriawọ na ị̀ asawọ na, kun-ḅara ḅụ so fama tẹẹ.

Izikẹlị 18:25

“Kụma ọ́ ḅẹẹarị, ‘KỊNỊNYANAḄỌ ḅe mịẹarị ye kura-a.’ Ọmịnị ì pokii, Izirẹlịapụ. Ó kuromarị à kẹ ị̀ amịẹaị mịẹarị ḅara kura-a aro? Ọmịnị ma ye-mịẹ-ḅara rẹ mie kura-aye.

Danẹlị 9:14

Ị́ yẹrị Yei KỊNỊNYANAḄỌ, wamịna Tamụnọ, tẹlẹmam ị́ wa fomu, tẹ ị́ mịẹm, sakị mamgba í kuraye mịẹarị ẹrẹsị, tẹ wa í poki-a.”

Danẹlị 9:7

Ị́yẹrị, KỊNỊNYANAḄỌ, sakị mamgba kuraye mịẹarị, kụma wamịnị sakị mamgba tọrụ-tuu dogi-ḅo ḅụụ pịrịarị. Mie anị sime wamịnị-mgba tẹ Juda na Jeruselemu na Izirẹlịapụ mamgba tẹ ị́ kẹ sịẹ-sịẹ ma, kpeki anga sime aị na sụma-jụ sime aị na ogboku gala-galama wararị apụ ma na sime-ḅara, wa ḅioḅẹngbọ-kẹ-sịrẹrẹ-niḅi ḅara sime ị́ pịrị-a ẹrẹsị.

Hosiya 6:7

Ini amakiri mẹ sọ-mu gbọrụ-kirikiri, ini Adamụ kịka tẹ àrị ini na mịẹ ọḅọkụ mẹ kanm.

Habakọkụ 1:4

Oloko mẹ ḅarị kụrọ nyana-a, tẹ mịẹ-mịẹ ye ofori ye sọ tẹẹ, tẹ inoma ofori mịẹ ye gbala-gbala mịẹ-a. Si atomi karakaraye-mịẹapụ ma kiri ọkị tẹẹ, mie ḅụ ịn karakara ḅẹrẹkọn pịkị-iḅo tẹẹ.

Zẹfanaya 3:5

Kụma KỊNỊNYANAḄỌ ḅe paa opu ama mẹ ḅio emi; kuraye, anie ọ̀ mịẹarị tẹ gbala-gbala iri-ye mịẹ-mịẹ-a. Dede goyegoye gbarị-a ḅara ḅụ, ori inoma ofori ye ọkị-ḅo ori atomi pịrịarị. Tẹ anịsọ anịanga ḅụ karakara mịẹ-a apụ ma paa iri-ye mịẹ tọrọkọ-tọrọkọ muarị tẹ ḅụụ-jịrị-a.

Malakayị 2:17

Ọmịnị ịnyọ kẹ KỊNỊNYANAḄỌ ḅe tama fama tẹẹ, ọ́ kọn-arị ẹkwẹn ḅụ. Kụma ó gbelarị, “Ndẹẹ wa wẹrị tẹ ịnyọ kẹ ị́ tama ḅara?” Mị-ḅara mẹ ḍuko ḅụ, “Kụrọmamgba nyana KỊNỊNYANAḄỌ ḅe kuromarị mịnẹ siye mịẹ apụ mamgba iḅi apụ; karakara ye ḍuko ḅụ, ịna mịẹye ọ̀ ḅụụ-ḅẹlẹarị.” Anịanịa gbela ḅụ, “Tomi ọkịarị inema ḅụụ ḅụ ofori Tamụnọ ḅe, ndẹẹ ori?”

Malakayị 3:15

Wa ẹrịarị ḅara ḅụ, ḅụụ-gelemarị atomi anie ḅioḅẹlẹarị apụ ma. Si atomi loloarị ngẹrị-a, kụma ịn pịkị Tamụnọ ḅe ye-inema daaḍikiarị ịna si-amịẹaị ḅụ, tẹ gberie-sọ ịn la-a.’ ”

Ditẹrọnọmị 32:4

Ịkụ Ḅe, ọ̀ kọrịnama kara gbasịm; kẹ gotẹ ọkọ ḅẹẹarị, ori etela mamgba ḅụ, karakara ḅẹrẹkọn emii. Iri mịẹye-ofori, tẹ minini ḅụụ ḅụ ḅin wararị gbọrụ Tamụnọ; karakara na kuraye na anie orii.