Jerimaya 11:7 - FỊAFỊA BAỊBỤLỤ

⁷ Àrị Ijiputi ḅụ ịna elemu aḍapụ ma pakama-ḅo sakị, à tẹmẹ-la ḅara kẹ ịna aḅeri nụnụ-nụnụ nwenii ḅo mịmgba lam.

Jerimaya 11:7 Iomraidhean Croise

2 Amadapụ 17:13

Ịn ọkọ mịẹm, anịsọ KỊNỊNYANAḄỌ ḅe ịkịankoroḅọ goḅọ-goḅọ na, so-ḅịrịḅọ goḅọ-goḅọ na Izirẹlị na Juda na aḅeri nụnụ-nụnụ tẹ ḅẹẹm, “Ọmịnị ọmịna asi etela ma ḅụ pịkịị, tẹ à tọn ọ́ pịrị aị ma kokoo, anie Oloko mẹ tẹ à kẹ ọmịna atẹngịapụ pịrị ye mẹ pịkị kẹ ị̀ afịrịmẹnjịapụ ịkịankoroapụ ma ḅara ọ́ fịrịma ye mẹ ḅụ kẹẹ wararị aị ma.”

2 Paka-aị 36:15

KỊNỊNYANAḄỌ ḅe, ịna aḍapụ ma Tamụnọ ḅe, tịngị-tịngịma ori afịrịmẹnjịapụ ḅụụ ịgbanịm, gbala ọ̀ sịḅị-kụrụkụrụ nyana ori atomi na, ò sime anga na pịrịm ẹrẹsị;

Paka-so 15:26

Ọ̀ ḅẹẹm, “Ọmịnị ma nwẹnị yẹrị ọmịna Tamụnọ ḅe pọkọ poki tẹ bala ḅara kẹ iḅiọkụ aniemẹ tẹ ị̀ tọrụ ḅụ kuraye mịẹ, tẹ à tọnm mịẹ ḅẹ aị ḍiki mịẹ, pịkị kẹẹ wararị oloko mamgba kokom ḅẹḅẹ, obi ma tẹ à kẹ Ijiputi-ḅẹ-apụ ma ọgọnọ gbana aị ma ḅẹ gberie-sọ à kẹ ọmịna ọgọnọ gbana ḅịa, gbala yẹrị anie KỊNỊNYANAḄỌ ḅee, ọ́ gwọarị ḅọ ḅe ẹrẹsị.”

Jerimaya 11:4

Mị ọḅọkụ mẹ anie à kẹ ịna elemu aḍapụ ma na fị ye mẹ, àrị Ijiputi ḅio ịn pakama-ḅo sakị, anie fịnị orumo ḅara kẹ kọrị sime akakiri mẹ ịna ḅụụ ḅụ. À ḍuko ịn pịrịm ini ị̀ ḅịḅị poki tẹ à tọn ịn pịrị ye goyegoye mị. À ḍuko ịn pịrịm mịnẹ ini ị̀ ḅịḅị poki-poki, ini ì atomi sọ ḅa, tẹ yẹrị pịkị ịna Tamụnọ sọ ḅa.

Jerimaya 25:3

“si tẹra akụra finji ḅụ, Josaya, Amọnị tụḅọ ḅe Juda da tẹ oyi tẹrẹị finji karama kụra ḅụ ọkị-ḅo mịmgba la, KỊNỊNYANAḄỌ ḅe ẹkwẹn ị̀ pịrị tẹẹ, amụ à pịkị gbarị-a gbala-gbala, ori ị̀ ḅẹẹ ye ḍuko ọ́ pịrị ḅụ. Kụma ọ́ kẹ ye-sịn-a.

Jerimaya 25:4

Ó poki ḍụkụ-a, anịanịa kẹ ye-sịn, karakaraye KỊNỊNYANAḄỌ ḅe ori afịrịmẹnjịapụ, ịkịankoroapụ ma kẹ fịrịma, siin fịrịma tẹ sọ.

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Jerimaya 32:23

Kụma in ḅo mị amakiri mẹ anga tẹ anị kẹ ịna nye sọma sakị ini ị́ tọn koroma aị ma poki tẹ mịẹ-a, anịanịa í tolumaye ḍiki anga. Ị́yẹrị tọn ịn pịrịm ịn mịẹ nwẹn ḅẹẹ aị ma ḅẹ gberie-sọ ịn mịẹ-a. Tẹ mie ḅụ ị́ fịị-gulugulu ọkị-ḅo ịna ọgọnọ gbanam.”

Jerimaya 34:14

‘sọnọma kụra la sakị-sakị, ini ịna Hiburu omoni ma ḅụụ-ḅarasin tẹ ini ịna sịḅị atomi sọ nyanam, in sonio akụra kẹ fịrịmẹnjị ịn pịrị tẹ ḅẹḅẹ. Kụma ọmịna elemu-aḍapụ ị̀ bala-a anịanịa à ḍuko ye poki.

Jerimaya 35:14

Jonadabụ furo-ḅẹ-apụ ma ọ̀ sụa ịn pịrịm ini iru ḅuu ma nwẹn ḅẹẹ oloko mẹ kokoarị, tẹ ḅo mịmgba ḅẹ ene mẹ la sọ ịna ḅụ gbọrụḅọ-sọ gbọrụ iru sọ ḅuu-a. Kụma yẹrị ẹkwẹn, siin ẹkwẹn ọ́ pịrịarị, tẹ ọmịnị ị̀ ḅịḅị poki-a.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 7:13

Ọ́ mịna asi mamgba mịẹ tẹ, karakaraye arị ẹkwẹn ọ́ pịrị, pịkị siin ẹkwẹn ọ́ pịrịm sọ, ọ́ ḍụkụ tẹ poki-a. Àrị ọ́ sịn sakị ọ́ pakịrị-a.

Hosiya 4:1

KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Hosiya 5:1

“Ó miemẹ pokii, ọmịnị agbamịẹapụ! Izirẹlịapụ, ó ḅeri-tokolomaa! Ó pokii, ọmịnị amada-furo mẹ ḅẹ apụ! Kịnị ọmịnị inoma ofori ḅẹrẹ kọn ḅẹ tọrụ kẹ ó ḍikiarị — mie ḅụ ḅẹrẹkọn ọmịnị ọgọnọ gbana ḅa! Ó tuu wararị ọnya sọ wararị Mizipa ḅụ, sụa ịgbọ Tabọ Tụndụ ọgọnọ ḅụ,

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Ẹfisọsị 4:17

Ọkọẹrẹsị, KỊNỊNYANAḄỌ ḅe ẹrẹ ḅụ àrị ọmịna ḅeri nụnụarị: ọ́ ḅarị jen kẹ oru nimi apụ ḍumo kọnma, papaa akuroma nyana wararị apụ ma,

Ditẹrọnọmị 12:32

À tọn ọ́ pịrị ye goyegoye ọ́ ḅụụ ẹbị-ẹbị tẹ anị mịẹ ḅa; ó ye kẹ anị ḅụ sụa, anịanịa ye sin ma.

Ditẹrọnọmị 30:20

Ọ́ KỊNỊNYANAḄỌ ọmịna Tamụnọ ḅe ḅẹlẹmaa, ọ̀ pọkọ pokii, tẹ ori oḅoloo; aniemẹ gbala ḍumo na nangwọ ene na fie ọ́ pịrịarị ẹrẹsị, mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ, kẹ ọmịna aḍapụ Ebira-amụ na, Ayịzịkị na, Jekọbụ na pịrị ḅẹ minini ịn pịrị ama mẹ ḅio ọmịnị anga ḅẹ ḅara.”

Ditẹrọnọmị 4:6

Ọmịnị arị koko tẹ arị mịẹ; kẹ gotẹ ọkọ ḅẹẹarị, aniemẹ ọmịna ye-nimi na, ọmịna yefieye naa na sọ ḅa tomi ma tọrụ ḅụ, inima tẹ mịna ọmịna kẹẹ wararị oloko mamgba naa ḅarị apụ ma arị naa ḅẹ sakị ịn ḅẹẹ ḅa: Tụkụma ḅara ḅụ mị gburo-gburotẹ opu sịẹ mẹ anie ye-nimi, tẹ yefieye naarị atomi.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Ditẹrọnọmị 6:2

Mịẹtẹ ọmịnị na, ọmịna afuro ḅẹ apụ na ọmịna ḍumo-ene mamgba kẹ KỊNỊNYANAḄỌ ọmịna Tamụnọ ḅe mangịma ḅẹ ḅara, ọ́ kẹẹ wararị oloko ma na, ori oloko mamgba na tẹ à tọn ọ́ pịrị aị ma koko ḅụ; mịẹtẹ ọmịna ene ma nangwọ ḅẹ ḅara.

Ditẹrọnọmị 8:6

Anieḅụ ọ́ KỊNỊNYANAḄỌ ọmịna Tamụnọ ḅe oloko ma koko ḅa, ori etela ma ḅụ mẹnjị na, ò mangịma na ḅụ.

2 Tẹsalonịka 3:12

KỊNỊNYANAḄỌ Jizọsị Kịrayịsị ḅe ẹrẹ ḅụ, wa oloko sụa mịna atomi ma pịrị tẹ pịkị ịna ḅeri nụnụarị mịnẹ ini ọrụtọn ḅara sime wararị aḍumo kọn, tẹ pịkị kọrịnama kọrị tẹ ịn fị ḅẹ ye ḍọkị-ḅoo.

1 Samụẹlị 8:9

Mịọkụ anie mịẹtẹ ịna pọkọ pokii, ị́ ị́ tẹmẹ-la ḅara ngẹrị kẹ ịna ḅeri nụnụ ḅa tẹ ama mẹ da ịn pịrị ḅarị amadaḅọ ḅe etela ma kẹ in ḍie ḅa.”