Jerimaya 11:22 - FỊAFỊA BAỊBỤLỤ

²² Mie ḅụ Kụrọmamgba nyana KỊNỊNYANAḄỌ ḅe ḅẹẹm, “À fomu-ḅara kẹ ịn pịrị ḅa! Ịna asawọ ma ọmụ ḅio fịị ḅa; ḅuru-pọkọtarị ịna ḍọkọḍọkọ-awọmẹ ma ḅaa ḅa.

Jerimaya 11:22 Iomraidhean Croise

2 Paka-aị 36:17

Ọkọẹrẹsị ọ̀ nwẹnị Babịlọnị ḅẹ apụ ma amadaḅọ ḅe tẹ ịna fịafịa yọ mẹ ḅẹ warị ḅio ḅụ okologie kẹ ịna asambịrịma owiapụ ma ḅaa ḅọ ḅe ọkị-ḅo in da-paka, tẹ sịḅị-kụrụkụrụ nyana asatụḅọ, anịanịa ḅụụ-gboloa iriawọ, omongi tẹ owiḅọ anịanịa kpọọtẹ ḅọ pịrị-a; ori inimgba kẹ ọ̀ ḅara-ḅio sunm.

Jerimaya 18:21

Kụma mịọkụ, KỊNỊNYANAḄỌ, yee ịna awọmẹ ḅuru-ḅa ḅụ fịị; yee ini ọmụ ḅio ịn ḅaa. Yee ereme ma ịna diapụ na ịna awọmẹ na fama; yee owiapụ ma obi ḅụ fịị, tẹ ini ịna asambịrịma apụ ma ḅaa ọmụ kiri ḅụ.

Jerimaya 21:14

Kụma yẹrị í fomu ḅa ị́ mịẹ tẹ ye gotẹ. À fịnị kẹ ị́ ama-da warị mẹ ḅụ sụa ḅa, tẹ fịnị mẹ anị gbori-ikelema ye goyegoye dọkịma kiri ḅio sara ḅa. Yẹrị, KỊNỊNYANAḄỌ ḅe ọkọ ḅẹẹm.’ ”

Jerimaya 44:13

À fomu-ḅara kẹ Ijiputi ḅio angarị apụ ma pịrị ḅa, à kẹ Jeruselemu fomu gbọrụ ḅara mẹ — ọmụ ḅụ, ḅuru-ḅa ḅụ, pịkị obi ḅụ.

Jerimaya 49:26

Anị eneḅaka mẹ ḅụ ini árị asawọ ma kẹ opu ama mẹ etela-ogbo ma ḅụ ḅaa ḅa tẹ árị ḅẹ ọmụapụ mamgba ḅaa guluguluma ḅa.

Jerimaya 9:21

Fị wamịna ikiḅa-aḅọkọ ḅụ ḅọrọ-so ḅo tẹẹ wamịna amada-awarị ma ḅio sọ; anị wamịna ḍọkọḍọkọ-awọmẹ ma pẹlẹ sara tẹẹ etela-ogbo ma ḅụ asambịrịma owiapụ ma sọ fẹ-siri ma ḅụ.

Kururu Owu-apọkọ 2:21

Etela ma ḅẹ fọọn ma ḅio asambịrịmaḅọ mẹ na, omongitẹ ḅọ mẹ na ḅọlọlọ simem ị̀ iriawọ ma na, ị̀ asawọ ma na, okologie mẹ ḅụ ḅịkị tẹ; ị́ ịganị ene mẹ ḅụ ị́ ịn ḅaa tẹ, ọkụrụkụrụ nyana-a ḅaa ḅara.

Emọsị 4:10

À si obi kẹ ọ́ fịrịmam, à kẹ Ijiputi fịrịma ye pembe ye. Àrị ọmụ kiri ḅụ ọmịna asawọ ma ḅaam, tẹ ọmịna asụ ma ọkị-som. Ọmịna akpụrụ awarị ma tẹ ó sime tẹ paka-paka mu ọmụgbin-gbin aị ma ḅio fịtẹ oju-oju-oju fụrụ ọmịna anini ḅinmam. Anịsọ ọ́ paa pịkị ị̀ dama-ḅoa.