Jerimaya 11:21 - FỊAFỊA BAỊBỤLỤ

²¹ Anatọtị ḅẹ atomi ma ḅiim ini ị̀ ḅaa, tẹ in ḍuko ị̀ pịrịm mịnẹ ini ị̀ ḅaa ḅa, à paa KỊNỊNYANAḄỌ ḅe oku mẹ ḍuko wasamarị ḅẹḅẹ.

Jerimaya 11:21 Iomraidhean Croise

Ayịzaya 30:10

Ini ịkịankoroapụ ma ḅẹẹarị ịn ḅịḅị gbaịn. Ịn ḅẹẹarị, “Ó kuraye gboloma ẹkwẹn kọn wa pịrị ma. Ọ́ wa naa ḅiiarị aị ḍuko wa pịrịị. Yee wa wamịna papaa aị ma minini tọrọkọ, tọrọkọ mu.

Jerimaya 1:1

Miemẹ anie Jerimaya, Hilikaya tụḅọ ḅe kọn ẹkwẹn gboloma ḍiri, Benijamịnị ibe ama Anatọtị ḅẹ agbamịẹapụ ma ḅẹ gbọrụḅọ.

Jerimaya 1:19

Ini owu kẹ ị́ paka ḅa, kụma ini ị́ nẹngịma ḅịa, kẹ gotẹ ọkọ ḍukoarị arị ị́ na sime tẹ ị́ pụkọ-pakamaḅo ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 20:10

À naarị ḅẹḅọ-ḅẹḅọ ḅeri-ḅio ḅeri-ḅio ḅarị, “Anga mamgba tẹmẹ-naịn-naịnmaye! Ó yee wa ọ̀ mịẹarị ye mẹ ḍuko sịḅịdapụ ma pịrị!” Ọkị mu ị̀ na kpeki tẹịn ikiapụ la sọ à ḅịkị-koro ḅẹ ḅara ḍikiarị. Ini mẹẹ: “Ẹbịsịya kịnị inetẹ ò tuu koroma ḅa”, “anịtẹso wa nwẹnị ò kun tẹ wamịna gbẹẹfị ḅii ḅa.”

Jerimaya 26:8

tẹ à KỊNỊNYANAḄỌ ḅe tọn ị̀ pịrịm à ḍuko nwẹn ḅẹẹ aị ma ḍuko fama tẹso, ịn nwẹnị ì kun tẹ oloku, “Ị́ fịị nyanam miemẹ gotẹ!

Jerimaya 32:7

mịnẹ Hanamẹlị, ị̀ ḍa iyimbere Salumu tụḅọ ḅe ị̀ dama-ḅo tẹ ị̀ ḅara ḅii ḅa mịnẹ àrị ọ̀ ḍụọ-ḍiḅi kiri fẹẹ Anatọtị ḅụ, Benijamịnị ibe mẹ ḅụ, yẹrị anie ori na kpeki-tẹịn mịnaḅọ tẹ anị fẹ tẹ kẹ ì nye sọma kụrọ mẹ nyanaḅọ ẹrẹsị.

Jerimaya 34:20

àrị ịn saḅama si kẹ ịn tọn-arị apụ ma pịrị ḅa, anie ịn ḅaa ḅẹ-ḅiiarị apụ ma, tẹ feni amẹẹ na piri-ḅio-ḅẹ anama na ịna aḍụẹịn ma pẹị ḅa.

Emọsị 2:12

Kụma ọmịnị anie Nazarẹtị apụ ma mịẹ tẹ ini iru ḅuu yee, tẹ tọn ịkịankoroapụ ma pịrịm mịnẹ ini ì oku ḍuko ma.”

Mayịka 7:6

Mịna asakị ma ḅụ, owiapụ-awọmẹ ịna aḍapụ kẹ oḅori atomi sịn-arị eremịna-awọmẹ ịna iyingiapụ na tụḅụrụarị Owiapụ sime-ereme ịna adiapụ iyingiapụ na kamụ-sọ ma ḅọrọarị; tomḅọ soku-ḅẹ warị ḅio ḅụ mie mḅọ na fịya-a apụ emi ye.

Matiyo 10:21

“Tomi ịna amịnapụ pakama-ḅo tẹ ini ịn ḅaa ḅa, tẹ anị gbọrụ ḅara mie ḍapụ sọ kẹ ịna awọmẹ mịẹ ḅarị ḅara; awọmẹ ịna ḍapụ-na-iyingiapụ-na tụḅụrụ tẹ ẹrị ḅa mịnẹ ini ịn ḅaam.

Matiyo 21:35

Ḍụọ ọkọ-apụ ma ori omoniapụ ma kun tẹ gbọrụḅọ fomu, osi ḅọ ḅaa, tẹ ḍụḅarị kẹ gbọrụḅọ gbinm.

Matiyo 22:6

tẹ osi apụ fịrịmẹnjịapụ ma kun fomu tẹ ịn ḅaam.

Luku 4:24

Jizọsị pịkị ịn ḅẹẹm, “À miemẹ ḍuko ọ́ pịrịarị, tomi ịkịankoroḅọ kẹ ye-sịn sịn-a ọ̀ paka ama ḅụ.