Jerimaya 11:19 - FỊAFỊA BAỊBỤLỤ

¹⁹ À minini nyanaḅọ pịrị wararị anana kịkam, kẹ paka mu ḅaa ḅẹ-yearị ye, tẹ à nimi-a mịnẹ yẹrị mie in gotẹ si-ḅẹrẹ mẹ ḅiya sime ye. In ḍuko simem, “Ó yee wa sịn mẹ pẹlẹ-gbin anị paa ḍumo wararị ogbo; yee wa ọ̀ ḅaa, mịẹ tẹ gbọrụḅọ-sọ ḅarị jen kẹ ọ̀ kẹ ḅiokoroma ḅịa ḅara.”

Jerimaya 11:19 Iomraidhean Croise

Jobu 28:13

Tomḅọ mẹnjị mu anị la-la etela mẹ nimi-a, anịsakị ḍumo wararị apụ ma ama mẹ ḅio ini anị ḍọkị-ẹrịa

Devidi-Anume 109:13

Yee ò furo-ḅẹ-apụ mamgba fịị fama, tẹ tọrọkọ ḅo ḅarị ḅụọ ḅẹ apụ ma ori ẹrẹ kẹ ḅioḅọrọma.

Devidi-Anume 112:6

Iḅi ḅọ mẹ gbala-gbala mḅọ ḅịkị ḅịa; kịnị sakị mamgba mḅọ kẹ ḅiokoroma ḅa.

Devidi-Anume 116:9

Anie ḅụ à KỊNỊNYANAḄỌ ḅe tọrọkọ ḅụ mẹnjịarị ḍumo wararị apụ tomikiri mẹ ḅụ.

Devidi-Anume 142:5

KỊNỊNYANAḄỌ, à ḅarasụa gotẹ owu ị́ pịrịarị; KỊNỊNYANAḄỌ, mie ị̀ gbaịn ḅọrọmarị ḅẹ; mịẹ ḍumo mẹ ḅụ í sikima à jen ḅii-a.

Devidi-Anume 27:13

À nimi wararị à ḍumo sime tẹ KỊNỊNYANAḄỌ ḅe iḅi mẹ ẹrị ḅa: mịẹ ḍumo sakị mẹ ḅụ.

Devidi-Anume 31:13

À naarị, si kẹ ị̀ tọn tọn apụ ma kẹlẹkẹlẹ ẹkwẹn-arị; opuma ḅalafamarị apụ ì gbori ikelema-koro wararị: ini ì gotẹ ḅẹrẹ-ḅiyarị, in ḅịyarị ị̀ ḅaa ḅẹ ḅara.

Devidi-Anume 35:15

Kụma ḅụụ-fụka ị̀ la sakị, in ḅioḅẹlẹ tẹ kobiri ḅo ì gbori tẹ ì kombom: jen ama ḅẹ apụ ma ì fomum, dasịẹma-a ḅara mie ịn kẹ ì fomu ye.

Devidi-Anume 52:5

Ọkọ ẹrẹsị Tamụnọ ị́ fama gbamaso ḅa, Ori í kun sịẹma tẹ ị́ warị ḅio ị́ fọnọ pakama ḅa ḍumo wararị apụ ma ogboku ḅụ ori ị́ saakị siin ḅa.

Devidi-Anume 83:4

Ini mẹẹ, “Ó ḅo wa ịna sịẹ mẹ kan sara, anịsakị tomi Izirẹlị kẹ ḅioḅọrọma gbamaso ḅa.”

Egberima-Ẹkwẹn 10:7

Ini iḅi atomi kẹ ḅiokoroma ḅa Tamụnọ boma ḅara ḅụ, kụma Si-sịḅịḅio-sụa apụ ma ala-a tomi ịn kẹ ḅioḅọrọma ḅa.

Egberima-Ẹkwẹn 24:15

Si-sịḅịḅio-sụa apụ ma ḍikima ma, anie ẹbị tẹ kịnị mingirima-mingirima-a tomḅọ ḅe aị furu, anịanịa ọ̀ warị ọkị tẹ kẹ amịna nye mịẹarị apụ ma.

Egberima-Ẹkwẹn 7:22

Anị-gbọrụ-kirikiri, ò gbere-gberema árị na muarị ḅara, gbala ịn kẹ ḅaa ḅẹ-muarị nambulo ọkụ, gbala tụḅara tẹ ḍosi ma-mu ḍiein ḅio koro ḅẹ-yearị ye ọkụ,

Ayịzaya 32:7

Oḅori tomḅọ anie si ḅọọ, tẹ ọ̀ pịkị si-aị mịẹarị. Ọ̀ jen-apụ na ḅiya tẹ iruo-aị kẹ igoin-apụ ma warị famarị, pịkị in kikiarị ịna akarakara nyana ḅụ.

Ayịzaya 38:11

À kuromam mịẹ ḍumo wararị apụ ma tomikiri ḅụ À ḅarị gbala, gbala KỊNỊNYANAḄỌ ḅe ẹrị ḅịa Anịanịa ḍumo wararị tomḅọ goḅọ-goḅọ sọ.

Jerimaya 1:19

Ini owu kẹ ị́ paka ḅa, kụma ini ị́ nẹngịma ḅịa, kẹ gotẹ ọkọ ḍukoarị arị ị́ na sime tẹ ị́ pụkọ-pakamaḅo ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 20:10

À naarị ḅẹḅọ-ḅẹḅọ ḅeri-ḅio ḅeri-ḅio ḅarị, “Anga mamgba tẹmẹ-naịn-naịnmaye! Ó yee wa ọ̀ mịẹarị ye mẹ ḍuko sịḅịdapụ ma pịrị!” Ọkị mu ị̀ na kpeki tẹịn ikiapụ la sọ à ḅịkị-koro ḅẹ ḅara ḍikiarị. Ini mẹẹ: “Ẹbịsịya kịnị inetẹ ò tuu koroma ḅa”, “anịtẹso wa nwẹnị ò kun tẹ wamịna gbẹẹfị ḅii ḅa.”

Jerimaya 26:8

tẹ à KỊNỊNYANAḄỌ ḅe tọn ị̀ pịrịm à ḍuko nwẹn ḅẹẹ aị ma ḍuko fama tẹso, ịn nwẹnị ì kun tẹ oloku, “Ị́ fịị nyanam miemẹ gotẹ!

Kururu Owu-apọkọ 3:60

Ịna gbẹẹfị mamgba ị́ ẹrị tẹẹ, ịn ḅiya ị̀ pịrị ḅẹrẹ mamgba sọ.

Izikẹlị 32:24

Ẹlamụ anịanga emi, árị ọmụapụ aḍuḅu mamgba á gbori wararị. Ọmụ ḅio ini inimgba ḅaam, tẹ ini ịna tarị-ḅụụ siin ḅara mẹ ideri fịtẹ-apụ ma tomikiri mẹ mum. Ḍumo tọrụ ḅụ in gotẹ tẹmẹ-naịn-naịn la-a yọ ofori, kụma mịọkụ ịn fịị tẹ koro simearị tọrụ-tuu ḅụ.

Danẹlị 9:26

Anị sakị mẹ ḅẹ kunoma ḅụ ịn Tamụnọ sẹlẹ pakama-ḅo sịḅịdaḅọ ḅe ḅaa ḅa inoma ḅọkọ ḅụ. Opu ama mẹ na Tamụnọ-warị mẹ na kụrọtẹ ḅẹrẹtọnḅọ ama koro ọmụ-ogbo arị kan-sara ḅa. Kunoma mẹ ḅo ḅarị ḅara ẹgẹnẹ-minji seri sọ ḅara, ọmụ na guluguluma na ọkị-ḅoarị Tamụnọ tẹlẹma wẹrị ḅara ḅụ.

Hosiya 9:8

Tamụnọ ị̀ kẹ fịrịmatẹ ịkịankoroḅọ ḅara ḅụ tẹ ori atomi Izirẹlị ma aḅeri nụnụ. Anịsọ à mu anga mu anga ọmịnị ị̀ kẹ feni kịkama tẹ ọnya kẹ ì tuuarị. Tamụnọ ḅara-kuḅu ḅẹ amakiri ḅụ tomi ma anie si kẹ ịkịankoroḅọ tọn-arị apụ.

Kịẹn-aḅịḅị 1:14

Gadi furo ḅụ, Ẹlịyasafụ, Duhẹlị owiḅọtụḅọ ḅe;