Jerimaya 11:16 - FỊAFỊA BAỊBỤLỤ

¹⁶ Gbọrụ sakị ḅụ àrị ịnyịnya sụa sara wararị olivu-sịn kẹ ịn sịnm, iḅi tẹ mgbọlụ sụa ḅinma wararị ye; kụma mịọkụ so-alagba ḍụrụkụ ḅara, àrị anị ḅẹ ịnyịnya ma ḅụ fịnị sụa tẹ anị ḅe aḅara ma anyịma ḅa.”

Jerimaya 11:16 Iomraidhean Croise

Jobu 8:16

Ịrụa mẹ ḅio ò brebrema so-pakam tẹ ọ̀ ḅụụ so-paka aị ma wasama ọ̀ ḍụọ gbaịnm.

Devidi-Anume 52:8

Kụma yẹrị à Tamụnọ-warị ḅio so-pakarị olivu sịn na kịkarị; tẹ ọ̀ kuno-a ḅẹlẹma mẹ ì ḅiokpọma mu ḅẹẹ-sakị ḅẹẹ-sakị laarị.

Devidi-Anume 80:16

Si kẹ wa tọn apụ ma fịnị kẹ anị ḅụ sụa tẹ anị pẹlẹ-gbin tẹ; ịganị tọrụ kẹ in ḍiki tẹ ịn ḅaa guluguluma!

Devidi-Anume 80:17

Ị́ sẹlẹ ọkị tẹ atomi ma wẹrị kpaịnma tẹ ịn gbaịn, ị́ mịẹ kụrọma lama tẹ sịẹ mẹ.

Devidi-Anume 83:2

Ḍikii! Si kẹ ị́ tọn apụ ma saakị tẹ ị́ na tụḅụrụ tẹ, tẹ í ḍiki-ḅioḅuarị apụ ma kọngọ kụrọma tẹ.

Ayịzaya 27:11

Sịn ma aḅara kpatụ tẹ anyị sara tẹ, tẹ ereme arị kolokolo tẹ kẹ fịnị sọmarị. Anị gotẹ ọkọ pakarị ye, tomi ma gberie-sọ fiearị ye naa-a, ịn Tẹmẹ Tamụnọ ḅe in ḍiki-sịḅịjịrị ḅịa, anịanịa ọkụrụkụrụ kalịye kẹ in ḍie.

Jerimaya 2:21

Iḅi tẹịn kụrọ-sịn mgbọlị ḅara ḅụ mie à kẹ ị́ sẹlẹ pakama-ḅo tẹ ị́ kẹ ḍiḅi ye. Kụma í ḅo sime tẹ ḅara ḍikii! Í ḅo ḅụrụ tẹ kẹ mịẹ-mịẹ ye ofori kụrọ kịka tẹẹ.

Jerimaya 21:14

Kụma yẹrị í fomu ḅa ị́ mịẹ tẹ ye gotẹ. À fịnị kẹ ị́ ama-da warị mẹ ḅụ sụa ḅa, tẹ fịnị mẹ anị gbori-ikelema ye goyegoye dọkịma kiri ḅio sara ḅa. Yẹrị, KỊNỊNYANAḄỌ ḅe ọkọ ḅẹẹm.’ ”

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Hosiya 14:6

In ḍumo ḅa ịwọma so-paka ḅụ, tẹ olivu asịn kịka tẹ iḅi ḅa. Ịn kụnụ ḅarị ḅara Lẹbanọnị ḅẹ Sida asịn kịka ḅa

Matiyo 3:10

Ịn kẹ suku-na-suku-na ḅụ sịn ma pẹlẹ-pẹlẹ-gbin ḅarị kumbu mẹ ini anị kẹ ḅo la tẹẹ; iḅi mgbọlụ sụa-a sịn goyegoye ini anị pẹlẹ-gbin tẹ kẹ wakị kọrị fịnị mẹ ḅio suu ḅa.

Jọnị 15:6

Ị̀ ḅụụ ofori ḅọ, ofori ḅọ, ini mḅọ kẹ wakị nguma ḅa, ḅịyatẹ sịn wakị nguma ḅara; ọkọ sime sịn-aḅara ma ini arị kobiri tẹ kẹ fịnị ḅio gbin suu dọkịma dọkịmam.

Ditẹrọnọmị 28:40

Ọmịna ye-yọ mẹmgba ikelema-koro ḅụ ọmịnị olivu asịn nyana ḅa, kụma ọmịnị arị ḅụ pulo ọkị kẹ ọmịna oju lama ḅịa, kẹ gotẹ ọkọ ḅẹẹarị, ọmịna olivu asịnmgbọlụ ma sịra fa fama ḅa.

Mịẹfinji 11:4

Ḅẹrẹ-kiri sime maa apụ ma anie maa olivu asịn ma na maa atọnjọ ma na, tẹ tomikiri mẹ Nyanaḅọ ḅe tọrọkọ sịẹ wararị aị ma.