Jerimaya 11:15 - FỊAFỊA BAỊBỤLỤ

¹⁵ KỊNỊNYANAḄỌ ḅe mẹẹ, “À ḅẹlẹmarịapụ ma si-amịẹaị mịẹarị. Ịn tọ kụrọ nyana ị̀ Warị ḅio sime ḅụ? In kuromarị ini inetẹ ḅo ịn la ḅẹ opu ḅụụ-fụka mẹ dasịẹma ḅa, papaa ḅịḅị ḅẹ ye minini ḅụ, pịkị nama kẹ mịẹarị agba ma ḅụ? Anie ḅọrọ mịẹ tẹ in ḅioḅẹlẹ ḅẹ?

Jerimaya 11:15 Iomraidhean Croise

Devidi-Anume 50:16

Kụma Tamụnọ si-sịḅịḅio-sụapụ ma ḅẹẹarị: Tiye ẹrẹsị ọmịnị ì oloko ma gotẹ wasama ḅẹ? Tiye ẹrẹsị ọmịnị ị̀ ọḅọkụ mẹ gbolomaye kẹ ẹkwẹn ḅẹ?

Devidi-Anume 60:5

Í opu kụrọ ḅụ wa ḅọrọma-a; wamịna tẹkẹ pakịrịị, mịẹ tẹ ị́yẹrị ḅẹlẹmarị atomi ma pụkọ-pakaḅo ḅẹ ḅara.

Egberima-Ẹkwẹn 10:23

Ị́yẹrị oḅori-ḅọ, ị́ iri-ye mịẹ ḅụ ḍerekuarị ḅẹḅẹ. Iḅi sịḅịḅio nyana apụ nimi ḅụ tọrụ-ḅẹlẹ nyanarị.

Egberima-Ẹkwẹn 15:8

Anị KỊNỊNYANAḄỌ ḅe ḅụụ-ḅẹlẹ arị iḅi atomi tẹkẹarị sakị, kụma si-sịḅịḅio-sụapụ kẹ ḅo ọ̀ pịrịarị agbamịẹ-aị ma ò ḅioḅumarị.

Egberima-Ẹkwẹn 2:14

tomi tẹ iri-aị mịẹ tọrụ-ḅẹlẹmarị apụ, tẹ ịn mịẹarị asi-aị ḅụ ḍerekuarị apụ,

Egberima-Ẹkwẹn 21:27

Si-sịḅịḅio-sụa apụ agbamịẹ-aị kẹ KỊNỊNYANAḄỌ ḅe pịrịarị sakị arị ò ḅioḅumarị, jen-a jen-a in si akuroma kẹ mịẹarị ḅẹḅẹ.

Egberima-Ẹkwẹn 26:18

Nọmụḅọ tẹ biin-a fịnị-aḅịḅị na, ḍiein na, kịnị-ḅaaḅa ye na kẹ gbin-gbin tii-arị ḅọ ọkụ.

Egberima-Ẹkwẹn 28:9

Í oloko mẹ koko-a ḅẹḅẹ, anị ḅụụ-fụkama ḅa Tamụnọ ị́ atẹkẹ naa, ori arị ḍiki-ḅioḅuarị ḅara sime ḅaka ḅa.

Ayịzaya 50:1

KỊNỊNYANAḄỌ ḅe mẹẹ, Í kuromarị à diḅọ na siya tẹ ẹrẹḅọ ḅara kẹ ị̀ atomi ḅẹẹ tẹ in so? Nwẹnị ọkọ kụma ndẹẹ ḅọrọ siya aḍiri ma? Ó kuromarị arị ọ́ kẹ dẹrị tẹ ini tomḅọ amịna awọmẹ kẹ omoni ḅara dẹrị ḅara? Ẹn-ẹn, ọmịna asi mie ó gotẹ kun ḅio sọ yee; ọmịna asi mịẹ-aị ẹrẹsị ini ọ́ kẹ ala-jụ fịrịmam.

Jerimaya 12:7

KỊNỊNYANAḄỌ ḅe mẹẹ, “Àrị Izirẹlị kẹ gbin koroma-so tẹẹ; Arị ị̀ sịẹ tẹ à sẹlẹ ọkị tẹ apụ ma sịkị tẹẹ. Àrị à ḅẹlẹmarịapụ ma kẹ si kẹ ịn tọn-arị apụ kụrọ ḅara-ḅio suu tẹẹ.

Jerimaya 13:27

Ori ị́ ẹrị tẹ í ò ḍiki-ḅioḅuarị aị ma mịẹarị. Ori ị́ ẹrị tẹ í oru nimi apụ ma ḍuka muarị tụndụ ma ọgọnọ na ḍụọ ḍiḅi akiri ma ḅio na, tomḅọ mḅọ na kpekitẹ angarị ḅọ taḅọ gotẹ lẹlẹ tẹ à ḍukarị ḅara, anịanịa owi-asụ ịyọrọ gotẹ lẹlẹ ḅara. Jeruselemu ḅẹ apụ ọ́ fa tẹẹ, ọ́ fa tẹẹ! Ó ḅo kpaịn ḅẹ sakị ḅọrọ tọ sakị?

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 2:2

à mị oku mẹ ḍuko wasama ḅẹḅọ-ḅẹḅọ pịrịị Jeruselemu ḅụ: Ị́ ịwọ sakị ḅụ í ḅioḅẹngbọ-kẹ-sịrẹrẹ-niḅi ḅara simem mẹ, à kẹ ḅiokoromarị, wa tarị simearị simearị ị́ kẹ ị̀ ḅẹlẹma ḅara mẹ, í ì ḍuka ịkpa mẹ ḅio mẹnjị ḅọrọ ḅara mẹ, kịnị amụ ye ḍiḅi-a kiri mẹ ḅụ tolu-ḅọrọ.

Jerimaya 23:11

KỊNỊNYANAḄỌ ḅe mẹẹ: Ịkịankoroapụ ma na agbamịẹapụ ma na ịn Tamụnọ nimi-a; In siye mịẹarị tẹ arị in kun tẹ Tamụnọ-warị mẹ ḅio ḅioju ḅụ sọ.

Jerimaya 3:14

Ḅioḅẹngbọ kẹ ḅụụ ḅụ gbana na-iḅi ḅara sime-a apụ, ọ́ pịkị-ḅoo; yẹrị ọ́ nyanam. Arị ọmịna ḅụụ ama gbọrụḅọ-gbọrụḅọ na maa apụ maa apụ na ọkị Zayọnị tụndụ ḅo ḅa.

Jerimaya 3:8

Juda sọ ẹrịm mịnẹ arị Izirẹlị siya tẹ á dee-pakama tẹẹ, arị ị́ ḅụ so tẹ ama-mẹnjị-ẹrẹḅọ sọ tẹ ẹrẹsị. Kụma, Juda, Izirẹlị si ịyịmbara ma, á ḅalafa-a. Árị sọ ḅo ama-mẹnjị-ẹrẹḅọ sọm,

Hosiya 3:1

KỊNỊNYANAḄỌ ḅe ị̀ ḅẹẹm, “Siin mu tẹ jụmọ na olo sọ tẹ pịkị sẹfịarị ẹrẹḅọ ma ḅẹlẹmaa. À kẹ Izirẹlịapụ ma ḅẹlẹma gbọrụ ḅara mẹ kẹ á ḅẹlẹmaa, karakaraye ịn pịkị oru-atamụnọ dama-mu tẹ samụnọtẹ girepu-asịnmgbọlụ agba mịẹ oru-afụḅara pịrịarị ḅẹsọ.”

Matiyo 22:11

“Amadaḅọ ḅe ḅo apụ ma ḍiki ḅẹ mu sakị, ori ere-ịya kapa sụa-a ḅọ ẹrịm.

Luku 8:28

Ò Jizọsị ẹrị tẹso, ọ̀ nwẹnị kararama-oloku, tẹ mu Jizọsị ḅụọ suku ọ̀ ḅụụ sẹma-kiri-gbin tẹ oloku, “Jizọsị, Geletẹịn Tamụnọ ḅe Tụḅọ, í tiye kẹ ị̀ mịẹ ḅẹ ḍọkịarị? Sisi, àrị ị́ tẹkẹm, ị̀ kẹ tọrụsiẹrịma ma!”

Romu 11:28

Ini Iḅi Oku mẹ sịkịm ẹrẹsị ini Juu-ḅẹ-apụ ma ḅo Tamụnọ na fịya-a apụ sọ tẹ, ọmịnị Ja asịẹ ḅẹ apụ ma sịḅị ẹrẹsị. Tamụnọ ịna atẹngịapụ ma sẹlẹ-ọkị ye ḅụ in ḅo ori ikiapụ sọ tẹ.

1 Kọrịntị 13:6

ḅẹlẹma siye ḍiki ḅioḅẹlẹ-ḅẹlẹ-a, kụma karakara mie anị ḅioḅẹlẹmarị ye.

Tayịtọsị 1:15

Fịafịa wararị apụ ḅụ ye goyegoye fịafịam; kụma pilematẹ, minini nyana-a apụ ḅụ, gberie-sọ fịafịa-a, kẹ gotẹ ọkọ ḍukoarị, ịna akuroma na, ịna tẹmẹ aḅioḅẹngbọ na pilema tẹ.

Jemụsị 4:16

Kụma mịọkụ ọmịnị opu amịẹaị mịẹarị, tẹ ḅụụ-bomarị; ọkọ sime ḅụụ-boma mẹ kura-a.