Jerimaya 11:13 - FỊAFỊA BAỊBỤLỤ

¹³ Juda ḅẹ opu ama ma kịẹn-ḅịḅị la ḅara mie ịna atamụnọ kịẹn-ḅịḅị sọ la ḅara, tẹ Jeruselemu ḅio angarị apụ ma opu ama mẹ etela mamgba ḅụ agbamịẹ-anga nama sịḅị-ngụngụnmarị Balị nwẹn-sịn tamụnọ ḅe pịrị tẹ.

Jerimaya 11:13 Iomraidhean Croise

2 Amadapụ 23:13

Amadaḅọ ḅe nwẹnị pịkị amadaḅọ Sọlọmọnị Izirẹlị ḅẹ amadaḅọ ḅe Jeruselemu ḅụ ịrụa-saakịarị-anga na, ịn kẹ Kịnị Sima Tụndụ “Koropusiyoni Tụndụ” sịn anga ḅẹ ideri pakịrị ḅụ nama kẹ Asịtatị pịrị Sidọnị ḅẹ apụ tọn-tọn oru pịrị gele-ayeyọ ma pilema.

2 Paka-aị 28:25

Juda ḅụ opu ama goyegoye ḅụ ò gele ayeyọ pakamam kẹ kụnụaị dọkịma oru-tamụnọ pịrị ḅẹ ḅara, tẹ KỊNỊNYANAḄỌ ori aḍapụ ma Tamụnọ ḅe ịganị sịn saakị.

Ayịzaya 2:8

Ịna amakiri ḅụ oru-afụḅara, fụḅara ḅin tẹ, tẹ ini ḅarana tẹmẹ-aị mie in sunsin pịrịarị.

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 17:1

KỊNỊNYANAḄỌ ḅe mẹẹ, “Juda ḅẹ apụ, ọmịna si mẹ ikulele ḍiri kẹẹ ye mie ịn kẹ anị kẹẹ yee; damịnị ḅịḅị nyana ye-kẹẹ-ye mie ịn kẹ anị kẹ ọmịna aḅioḅẹngbọ ḅụ kẹẹ ye, pịkị ọmịna agbamịẹ-anga ma ịkọlị ma ḅụ na.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 19:5

tẹ ịn pịkị agbamịẹ-anga nama Balị pịrịtẹ ini ịna ḍọkọḍọkọ-awọmẹ kẹ fịnị ḅio dọkịma ḅẹ ḅara, agbamịẹ ḅụ. Gbala-gbala arị in mie mị ḅẹ oloko-sụa ịn pịrị-a; gbala-gbala ì kuroma ḅụ sọ anị sọ-a.

Jerimaya 2:28

Ọ́ ḅarana mịẹ ḅụụ pịrị atamụnọ ma ịn tọ-anga emi? Ọ́ ḅụụ-fụka ḅio sọ sakị yee ini ọ́ ḅọrọma — ini inetẹ ḅarị ḅẹḅẹ. Juda, ì opu ama ma kịẹn-ḅịḅị la ḅara mie pịkị ị́ nyana atamụnọ ma la ḅara.

Jerimaya 3:24

Kụma wa sunsin Balị pịrịarị ye mẹ, anị ḅụụ-jịrịma tamụnọ ḅe, mịẹ tẹ wa anana na ja anama na ogbo-ogbo ma fama tẹ, owiapụ-awọmẹ na eremịna-awọmẹ na sọ, ye goyegoye tẹ wamịna elemu aḍapụ elemu sakị kụra ḅio kọrị pakama-ḅo aị ma.

Jerimaya 3:25

Wa ḅụụ-jịrị ḅụ ḅịkị-koro gbẹẹm, tẹ ye tọrụ-tuu ḅụ wa gbaịn sime. Wamịnị na wamịna elemu aḍapụ ma na sakị mamgba si kẹ KỊNỊNYANAḄỌ wamịna Tamụnọ ḅe mịẹ tẹ; gbala-gbala amụ wa ọ̀ tọn wa pịrị aị poki tẹ mịẹ-a.

Jerimaya 32:35

Hinọmụ Tụndụ-suku mẹ ḅụ ini agbamịẹ-anga ma nama Balị pịrịm, kẹ ịna owiapụ-awọmẹ na eremịna-awọmẹ na kẹ agbamịẹ Molẹkị nwẹn-sịn tamụnọ ḅe pịrị ḅẹ ḅara. Yẹrị tọn ịn pịrị-a ịn miemẹ mịẹ, tẹ ì kuroma kịngẹ sọ anị sọ-a mịnẹ ini ọkọ sime ye mịẹ, tẹ Juda ḅẹ apụ ma mịẹ tẹ in si mịẹ.”

Jerimaya 44:21

“Àrị agba ma tẹ ọmịnị na ọmịna elemu-aḍapụ ma na, ọmịna amadapụ na, ọmịna sịḅịdapụ na, amakiri mẹ ḅẹ apụ ma na mịẹ aị ma, Juda ḅẹ ama ma ḅio na Jeruselemu etela-ogbo ma ḅio na ọ́ sịn-arị KỊNỊNYANAḄỌ ḅe ori arị gboloma ye nimi-a, anịanịa ọ̀ kẹ ḅioḅọrọma?

Jerimaya 44:5

Kụma ó poki ḍụkụ-a anịanịa kẹ ye sịn. Agba mịẹ oru-atamụnọ pịrị si mịẹ mẹ ḅụ, ọ́ ḅara-siin ḍụkụ-a.

Jerimaya 48:35

À Mohabụ ḅẹ apụ ma dasịẹma ḅa dọkịma-agba na ja agba na mịẹ-mịẹ ịna atamụnọ ma pịrị ḅụ in sunsin ịn pịrịarị ayọ ḅụ. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 7:9

Ó furuarị, kịnị ḅaarị, sẹfịarị, ye karị tẹ iruo aị ḍukoarị, agbamịẹ Balị pịrịarị, tẹ sunsin ó nimi sọ nimi wẹrị-a atamụnọ pịrịarị.

Izikẹlị 16:24

etela akaka goyegoye ḅụ í oru-afụḅara tẹkẹ ayọ nama tẹ ama-mẹnjị eremịna ḍumo kọnm.

Hosiya 10:1

Izirẹlịapụ ma kịkaye girepu mgbọlụ sụarị vaịnị sịn tẹ girepu sụa ḅinma wararị ye. Ịn lọkọlọkọ la ḅara anie ịn pịkị agbamịẹ-anga nama la ḅara. Ịna amakiri fịaị pakama sara la ḅara anie ịn pịkị kẹ ịn sunsin pịrịarị tọn-tọn ḍụḅarị ḅeriaị ma mịẹ iḅima la ḅara.

Hosiya 12:11

Anịsọ ịn paa sunsin oru-afụḅara pịrịm Giliyadi ḅụ, tẹ sunsin arị pịrị apụ ma ịn fịị ḅa. Giliyadi ḅụ ịn nambulo-nambulo-nambulo kẹ agba mịẹm, tẹ anịanga ḅụ agbamịẹ-anga ma ḅo papaa kobiri-kobiri kirikiri ḅụ kpolima wararị aḍụḅarị sọ ḅa papaa finji sara wararị ḍụọ kọrị-a kiri ḅụ.”

Hosiya 9:10

KỊNỊNYANAḄỌ ḅe ḅẹẹarị, “Àrị Izirẹlị ḍọkị ẹrị sakị, anị kịkaye ịkpa ḅio so-pakarị girepu mgbọlụ sịn ḍọkị ye ọkụ. Àrị ọmịna elemu aḍapụ ma ẹrị sakị, anị kịkaye kụra mẹ ḅẹ tarị figi asịnmgbọlụ ẹrị ye ọkụ. Kụma in ḅo Pẹyọ Tụndụ la sakị, ịn saakị sunsin Balị pịrịm, tẹ ala-a in ḅo ịn ḅẹlẹmarị oru-atamụnọ ma sịḅị-ngụngụnma ḅara kẹ sịḅị-ngụngụmam.