Jerimaya 11:12 - FỊAFỊA BAỊBỤLỤ

¹² Anịtẹso Juda na Jeruselemu na ḅẹ apụ ma ini agbamịẹ pịrịarị atamụnọ ma dama-mu tẹ ḅarasụa gotẹ ịn sịn oloku ḅa. Kụma arị atamụnọ ma inetẹ ịna ḅọrọma ḅịa mịẹ ḅaa-guluguluma mẹ ḅoarị sakị.

Jerimaya 11:12 Iomraidhean Croise

2 Paka-aị 28:22

Mị gbọrụ Amadaḅọ Ahazi ḅe, ọ̀ ḅụụ-fụka sakị ḅụ sọ ọ̀ paa KỊNỊNYANAḄỌ ḅe ḅụụ minini nyana-a tarị ḅara nẹngịm.

Ayịzaya 45:20

KỊNỊNYANAḄỌ ḅe mẹẹ: Ó ḅo kobirii, sịẹ-sịẹ ma ḅẹ atomi; tẹ tomikiri mẹ daarị kụrọ mẹ ḅịkị ye ḅụ fịị-a so apụ, ọ́ ḅẹrẹkọn mẹ ḅoo! Tomi ma ịn sịn kẹ kịra oru-afụḅara ma dogi mẹnjịma-mẹnjịmarị tẹ inetẹ ịn ḅọrọma ḅịa atamụnọ ma tẹkẹarị arị atomi ma in nimi gberie-sọ ofori!

Ayịzaya 46:7

Ini anị kẹ apana ḅaa tẹ dogiarị; ini anị kẹ gbọrụ yọ koromarị, tẹ anị yọ anị koro-simearị. Gbọrụḅọ nwẹnị anị tẹkẹ-tẹkẹ, anị inetẹ pakịrị-a, anịanịa mḅọ ḅọrọma opu ḅụụ-fụka ḅụ.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 2:28

Ọ́ ḅarana mịẹ ḅụụ pịrị atamụnọ ma ịn tọ-anga emi? Ọ́ ḅụụ-fụka ḅio sọ sakị yee ini ọ́ ḅọrọma — ini inetẹ ḅarị ḅẹḅẹ. Juda, ì opu ama ma kịẹn-ḅịḅị la ḅara mie pịkị ị́ nyana atamụnọ ma la ḅara.

Jerimaya 44:8

Ó tiegotẹ ị̀ ịganịmarị oru-afụḅara tẹkẹ na agba mịẹ oru-atamụnọ ma pịrị na ḅụ, mị yọ Ijiputi mẹ ḅio, ọmịnị anga ḅẹ ḅo yọ mẹ. Ọ́ ḅọrọ ọmịna aḅụụ fama ḅẹ-ḅiiarị mụnọọ, mịẹ tẹ tomikiri ḅẹ goyegoye ó ḍiki-iderima tẹ ọmịna ẹrẹ kẹ ye karị?

Ditẹrọnọmị 32:37

Anịtẹrẹmẹ ọ̀ ḅẹẹ ḅa, ndẹẹ ịna oru-atamụnọ ma, ịkụ mẹ tẹ ịn ḅio ḅụ ḅụụ ḅọị anga mẹ,

Ditẹrọnọmị 32:38

tẹ ịna agba ma ḅẹ ḅẹlẹkị taḅa, tẹ ịna iru agba mẹ ḅẹ iru ḅuu apụ ma? Yee ịn saakị tẹ ḅarasụa ọ́ pịrị, yee ini ó ḍikiḍiki apụ sọ!

Ḅẹrẹkọn-apụ 10:14

Ó mu owu oru-atamụnọ ma tẹ ọ́ sẹlẹ-ọkị tẹ aị ma pịrịị; yee ini ọmịna ḅụụ-ḅalaḅala sakị ḅụ ọ́ ḍụa-ḅọrọma.”