Jerimaya 11:11 - FỊAFỊA BAỊBỤLỤ

¹¹ Mie ḅụ, mịọkụ yẹrị KỊNỊNYANAḄỌ ḅe ịna ḅeri nụnụarị mịnẹ à ḅaa-guluguluma ọkị-ḅo ịna ọgọnọ gbana ḅa, tẹ ini anị ḅụ pụkọ-so ḅịa. Tẹ ịn ḅara sụa gotẹ oloku sakị arị in poki ḅịa.

Jerimaya 11:11 Iomraidhean Croise

2 Amadapụ 22:16

mie KỊNỊNYANAḄỌ Izirẹlịapụ tẹkẹarị Tamụnọ ḅe ḅẹẹ ḅara: ‘ḍikii, à siye kẹ ḅo mị ye-yọ mẹ na anị ḅio sime aị ma na ọgọnọ gbana ḅa, anie ẹkwẹn-aḅịḅị mamgba tẹ Juda ḅẹ amadaḅọ ḅe go aị ma.

2 Paka-aị 34:24

ḍikii, à siye kẹ mị anga mẹ na, anị ḅụ simearị apụ na ọgọnọ gbana ḅa, wori-anume mamgba tẹ ḍiri mẹ ḅio kẹẹ tẹ Juda ḅẹ amadaḅọ ḅe tọrọkọ arị goo ḅara.

Jobu 35:13

Tụkụma ḅara ḅụ Tamụnọ ye ḅio ḅụ ofori owu naa-a, anịanịa Kụrọmamgba Nyanaḅọ ḅe anị kẹ ye sịn.

Devidi-Anume 18:41

Ịn ḅarasụa gotẹ owuarị kụma gbọrụḅọ-sọ ḅo ịn ḅọrọma-a; ịn KỊNỊNYANAḄỌ ḅe tẹkẹarị, kụma ori ịna tẹkẹ pakịrị-a.

Devidi-Anume 66:18

Àrị à mịẹ asi ma kẹ ye-sịn-a namịna, KỊNỊNYANAḄỌ ḅe ori ì poki-a so tẹ.

Egberima-Ẹkwẹn 1:28

Anịtẹso ị́ ḅịḅị kẹ nimi sịn ḅa, kụma arị ị́ ḅịḅị ọkị ḅịa. Ị́ ị̀ ḍọkị ḅa anga mamgba ḅụ, kụma ị́ ị̀ ḍọkị ẹrị ḅịa.

Egberima-Ẹkwẹn 29:1

Kịnị ị́ daa-karakarama sakị goyegoye ị́ kọngọ kụrọmarị ḅẹḅẹ, gbọrụ ene ḅụ ị́ gbọrsịḅị gbẹẹ kọsị tẹ ḅarị saakị paka-ḅo ḅịa.

Ayịzaya 1:15

“Ọ́ ḅara saakị so da tẹ tẹkẹ ḅarị sakị arị ó ḍiki ḅịa. Ọ́ tẹkẹ mu laa ḅara laa ḅara sọ, à poki ḅịa, kẹ gotẹ ọkọ ḍukoarị, ọmbie ọmịna aḅara ọmbịma fama wararị.

Ayịzaya 24:17

Ọrụḅọ-ọrụḅọ ì pokii. Ḅalafama aị na, olulu ma na, ḍiein ma na sime ó koruarị.

Jerimaya 11:14

Jerimaya ị̀ tẹkẹ ma anịanịa ị̀ na ḅịḅị-ọkịya, mịna apụ ma gotẹ. Ịn ḅụụ-fụka ḅio emi tẹ ḅarasụa gotẹ ị̀ sịn sakị àrị in poki ḅịa.”

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 14:12

In ḅuru-ịmọ sọ, ịn ḅarasụa gotẹ kọn-arị owu mẹ à poki ḅịa; ịn dọkịma-agba na mgbọlị fịye agba na mịẹ-mịẹ ị̀ pịrịarị sọ, ịna mịẹ ye ị̀ ḅụụ-ḅẹlẹ ḅịa. Anie nakara, arị ịn ḅaa ḅa ọmụ ḅio na, ḅuru-ḅa na obi na ḅụ.”

Jerimaya 14:2

Juda kururuarị, anị ḅẹ opu ama ma ḅẹ apụ fịịarị, in kururu ḅụ kiri ḅio ḅọlọlọ wararị, tẹ Jeruselemu ḅarasụa gotẹ owu pakamarị.

Jerimaya 15:2

Ini ịn tọ-anga mu ḅarị mọ kẹ í gbela sakị, ḍuko ịn pịrị mịnẹ yẹrị ḅẹẹm: obi ḅụ fịị sime jen-apụ pịrịm; anịanga mie ini mu ḅarịye! Ọmụ ḅio fịị sime osi apụ pịrịm; anịanga mie ini mu ḅarịye! Ḅuru-ḅa fịị sime jen-apụ pịrịm; anịanga mie ini mu ḅarịye! Ikoliapụ ḅara kẹ kun-so sime osi apụ pịrịm; anịanga mie ini mu ḅarịye!

Jerimaya 18:11

Mịọkụ ọkọ ẹrẹsị ḍuko Juda na Jeruselemu na ḅẹ apụ pịrị mịnẹ arị à kẹ ịn mị ḅẹ aị tọn-arị, tẹ ḅụụ-tẹlẹmarị fomu-ḅara kẹ ịn pịrị. Ḍuko ịn pịrị in si mịẹ ḍumo kọn dasịẹmaa — ịna etela ma na ịn mịẹarị aị ma na ḍimaa.

Jerimaya 19:15

mịnẹ Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍuko tẹẹ, “À ḅẹẹm àrị ọkị-ḅo mịẹ opu ama mẹ na anị kpeki ama ma na ọgọnọ gbana ḅa ḅẹ fomu-ḅara mẹ arị ọkị-ḅo ḅa, ọ́ kọngọ kụrọma tẹ à ḍukoarị ye poki ḍụkụ ḅịa ẹrẹsị.”

Jerimaya 19:3

KỊNỊNYANAḄỌ ḅe ḍuko ị̀ pịrịm à ḅẹẹ, “Juda ḅẹ amadapụ na Jeruselemu ḅẹ apụ na, ọmịnị Yẹrị Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, nyana tẹ ḍukoarị ye pokii. Arị ọkị-ḅo mị yọ mẹ ọgọnọ gbana ḅẹ-yearị opu ḅụụ-fụka mẹ gboloma ye naa ḅọ naa ḅọ naịn-ḅọrọ ḅa.

Jerimaya 23:12

Ịn mẹnjị ḅarị ayọ ma sịnịnị ḅa, pịkị kanakana ḅa; arị ịn mịẹ tẹ ịn pụmbụ tẹ ḅịkị ḅa, Àrị opu ḅụụ-fụka ọkị-ḅo ịna ọgọnọ gbana ḅẹ-yearị; in fomu-ḅara da ḅẹ sakị mẹ ḅoarị. Yẹrị, KỊNỊNYANAḄỌ ḅe ọkọ ḅẹẹm.

Jerimaya 25:35

Ọ́ ḅara tẹ mangị-so ḅẹ gbọrụ ḅọkọ sọ paka ḅịa.

Jerimaya 35:17

Mịọkụ mie ḅụ, yẹrị, Kụrọmamgba nyana KỊNỊNYANAḄỌ ḅe, Izirẹlịapụ tẹkẹarị Tamụnọ ḅẹ, à minini guluguluma mamgba ọkị-ḅo ọmịnị Juda na Jeruselemu na ḅẹ apụ ma ọgọnọ gbana ḅa. À miemẹ mịẹ ḅa arị ẹkwẹn ọ́ pịrị sakị ó poki ḍụkụ-a ẹrẹsị, tẹ à pịkị ọ́ sịn sakị sọ ọ́ pakịrị ḍụkụ-a.”

Jerimaya 36:31

À fomu-ḅara kẹ ị́yẹrị na, í furo-ḅẹ-apụ na, ị́ fịrịmẹnjị-opuapụ ma na pịrị ḅa, ọ́ mịẹ tẹ asi mamgba ẹrẹsị. Ị́yẹrị-o, Jeruselemu na Juda na ḅẹ apụ ma-o, amụ à kẹ ọmịna aḅeri nụnụarị aị ma kẹ ye-sịn-a, ọkọ ẹrẹsị arị ẹrịma sime opu ḅụụ-fụka mẹ ọkị-ḅo ọmịna ọgọnọ gbana ḅa.”

Jerimaya 6:19

Kiri, pokii! Ịn ḅọị ḅara kẹ tọn tẹ mịẹ ḅẹ aị ma gotẹ à fomu-ḅara ọkị-ḅo mịna atomi ma pịrịarị, ini ì tolumaye sịkị tẹ ị̀ ẹkwẹn ma poki tẹ arịḅẹ ḅara mịẹ à ẹrẹsị.

Kururu Owu-apọkọ 2:22

Ị́ wẹrịtẹ alalị ene ḅụ kịnị sịn kobiri ḅara, mie pakịrị-pakịrị ḅụ í tẹmẹ-naịn-naịn sịn ì gbori ḅara tẹ KỊNỊNYANAḄỌ ḅe ịganị ene mẹ ḅụ, gbọrụḅọ-sọ mangị-soa, anịanịa ḍumo-sime; inima tẹ à bala tẹ ḍikiḍiki pakama-ḅo apụ ma, ị̀ na fịya-a ḅọ ịn ḅaa famam.

Izikẹlị 14:3

Ori mẹẹ, “Fịị-fịị tomḅọ, mịna owiapụ ma amịna aḅioḅẹngbọ kẹ oru-afụḅara pịrịtẹ, pịkị ḍụkụ tẹ oru-afụḅara ịn kẹ mu si ḅio suuarị. Ịn kuromarị á pakịrị-ḅịḅị kẹ ịn pịrị ḅẹ?”

Izikẹlị 7:5

Miemẹ anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye: “Gbọrụ opu ḅụụ-fụka ḅọrọtẹ so jen ḅụụ-fụka ḅo ị́ la ḅẹ-yearị.

Izikẹlị 8:18

Ị̀ ịganị mẹ ḅẹ kụrọ mamgba ḅo ịn la tẹ ịna ḅụụ ịnọ ḅa. À ḅara-wẹrị ịn pịrị ḅịa anịanịa ọkụrụkụrụ nyana ịn pịrị. Ini oloku-oloku ị̀ tẹkẹ ḅa, ini inetẹ oloku pakama ḅẹ ḅara-ḅara, kụma arị ịn poki ḅịa.”

Emọsị 5:19

Anị kịka ḅarịye tomḅọ ọkụkụ ḅụ mangị-soarị tẹ ḅo tuu na bịamam. Anịanịa anị kịka ḅarịye tomḅọ ḅo warị la tẹ amịna ḅara kẹ warị akaka pono tẹ ododo ọ́ gbọnm!

Mayịka 3:4

Sakị mẹ ḅoarị ó peema oloku KỊNỊNYANAḄỌ ḅe sịn ḅarị sakị mẹ, kụma ori ọ́ naa ḅịa; ọmịna atẹkẹ ma sọ, ò poki ḅịa, ó siye mịẹm ẹrẹsị.

Zẹkaraya 7:13

Àrị ẹkwẹn sakị in poki-a ẹrẹsị ịn tẹkẹ sakị àrị ịn pakịrị-a.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.

Hiburu 1:3

Ọ̀ ḅụụ mie Tamụnọ ebube mẹ ḅịya pakarị ye, tẹ ori anie pịkị gbọrsịḅị Tamụnọ sime-ḅara mẹ kịkaḅọ, tẹ amịna ẹkwẹn mẹ kụrọ mẹ kẹ bebe tomikiri mẹ na So-tọrụ simearị aị mamgba na gboloma ọlọ-sịẹma wararị ḅọ. Tẹ ò tomina asi ma wẹrịso ịn pịrị ḅẹ kọrịnama mẹ kọrị sịẹma tẹso, ò mu So-ḅio Tamụnọ, Kụrọmamgba Nyanaḅọ ḅe, ama-ḅara anga lẹgị simem.