Jerimaya 11:10 - FỊAFỊA BAỊBỤLỤ

¹⁰ Ịn pịkị ịna elemu aḍapụ ma asi ma da tẹ ọḅụ kẹ ì gbin tẹ, anie ḍụkụ tẹ à ḍuko ye mịẹ-a apụ ma in sunsin oru-atamụnọ pịrịm. Ini maa apụ ma, Izirẹlị na Juda na, à kẹ ịna elemu aḍapụ ma na fị ọḅọkụ mẹ kan tẹ.

Jerimaya 11:10 Iomraidhean Croise

Devidi-Anume 78:57

kụma ini ịna aḍapụ ma kịka tẹ kọngọ kụrọma tẹ sịḅị-tuu ọ̀ pịrị-a, kpịkịma-kpịkịmatẹ ḍiein tẹ tẹịnḅọ ḅiotọn anga da-mu mu-a ye ọkụ.

Ayịzaya 24:5

Tomi ma kiri mẹ pilema tẹ, Tamụnọ oloko ma kan ḅụ, pịkị ori Ọḅọkụ mẹ tẹ sime-gbamaso ḅẹ ye mẹ sima ḅụ.

Jerimaya 13:10

Mịna si-mịẹapụ ma ḍụkụ tẹ ị̀ ḅịḅịpoki-a. Anịngẹ-kụraḅio ini ma anie kọngọ kụrọma-kụrọma tẹ pịkị si-sịḅịḅio-sụa-sụa apụ, tẹ in sunsin oru-atamụnọ pịrị tẹ fịrịmẹnjị ịn pịrịm. Ọkọ ẹrẹsị ịn mị okolo-kapa mẹ kịka ḅa, anie ḅarị gbọrụ iḅiye ḅụ sọ-sọ ḅịa ye mẹ.

Jerimaya 17:23

Ịna elemu-aḍapụ ma poki-a anịanịa anị kẹ ye kala ye sọ sịn. Anie nakara ịn kọngọ-kụrọmam; ini ị̀ ḅịḅị poki ḍụkụ-a anịanịa ị̀ ḅara ye ḍawọ.”

Jerimaya 22:9

Anịtẹso ịn pakịrị ḅa mịnẹ ọmịnị yẹrị ọmịna Tamụnọ ḅe na ọmịnị na fị ọḅọkụ mẹ kẹ gbin koroma tẹ sunsin oru-atamụnọ pịrị tẹ fịrịmẹnjị arị pịrị tẹẹ.”

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Jerimaya 44:16

“Wa poki ḅịa, KỊNỊNYANAḄỌ ḅe ẹrẹ ḅụ í ḍuko wa pịrị tẹ ye mẹ.

Jerimaya 44:5

Kụma ó poki ḍụkụ-a anịanịa kẹ ye sịn. Agba mịẹ oru-atamụnọ pịrị si mịẹ mẹ ḅụ, ọ́ ḅara-siin ḍụkụ-a.

Jerimaya 7:28

Í ḍuko ịn pịrị ḅa mịnẹ ịna sịẹ mẹ yẹrị ịn Nyana Tamụnọ ḅe ḅịḅịpoki-poki-a, anịanịa ịn daa tẹ fomu-ḅara ḅụ ye-ḍawọ. Ḅioḅẹngbọ kẹ ḅụụ ḅụ gbana na-iḅi ḅara sime mẹ fịtẹ. Kịnị ḅarị jen kẹ anị gboloma ye ḍuko-a.

Jerimaya 9:6

Oḅori-kẹ-kịnịsịn ogboku mie ini angarị Ịna oḅori-kẹ-kịnịsịn ḅụ ịn ḍụkụ tẹ ị̀ kẹ ye-sịn-a, KỊNỊNYANAḄỌ ḅe ọkọ ḅẹẹm.

Izikẹlị 16:59

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Àrị ị́ gbẹẹ ḅara kẹ ị́ na mịẹ ḅa, ị́ ị́ minini aị ma tan anga pịrịtẹ pịkị ọḅọkụ mẹ kan tẹ ẹrẹsị.

Izikẹlị 44:7

Ini ị̀ Warị mẹ kẹ tọn-tọn-a ḅara wẹrịtẹ wẹrịso tẹ tarị-ḅụụ sin-a kịnị-tọrụ-nimia igoniapụ, ị̀ ḅịḅị poki-poki-a apụ ma ị̀ Warị mẹ sọ-ḅo ḅụ, ịn ḅẹlẹkị na ọmbie na kẹ agba mịẹ-mịẹ ị̀ pịrịarị sakị ḅụ. Mie ḅụ ị̀ atomi ị̀ ọḅọkụ simatẹ ịn mịẹ tẹ sịḅị-ngụngụnma aị mamgba ḅụ.

Izikẹlị 5:6

Jeruselemu kọngọ-kụrọma à tọn-koroma-aị ma pịrị tẹ á ḍie-pakamam árị si-sịḅịḅio-sụa osi asịẹ ma nẹngịm, ḅịḅịpoki-a árị ikelema-koro wararị asịẹ ma nẹngị. Jeruselemu à tọn-koroma-aị ma sịkị tẹ ḅarị ḍụkụ tẹ ì oloko ma koko-a.

Hosiya 6:4

Kụma KỊNỊNYANAḄỌ ḅe ḅẹẹarị, “Izirẹlị na Juda na, àrị ọ́ kẹ mịẹ ḅẹ-yearị ye tiye? Ọ́ nyana ị̀ pịrị ḅẹlẹma sarama soarị ḅara dede si-so kaan-so ḅara anị dede igirigi kịkarị anie dede-funfun ịmaịn-faarị ye mẹ.

Hosiya 6:7

Ini amakiri mẹ sọ-mu gbọrụ-kirikiri, ini Adamụ kịka tẹ àrị ini na mịẹ ọḅọkụ mẹ kanm.

Hosiya 7:16

Ini ị̀ ḅụụ pịkị so-so tẹ kụrọ nyana-a tamụnọ dama-muarị. Ḅioḅẹngbọ kẹ ịna ḅụụ ḅụ gbana na-iḅi-a ḅara mẹ gbala fangala-fangalatẹ iboli ḅụ ḅioḅẹngbọ kẹ gbana na-iḅi-a ḅara ọkụ. Ịna sịḅịdapụ ma opu ẹkwẹn opu ẹkwẹn kọn-arị ye mẹ ẹrẹsị ịn kụrọ-kụrọ fịị kọn ḅa, tẹ Ijiputi ḅẹ apụ ma ḍẹrị ḅa.”

Lẹvitikọsị 26:15

ọmịnị ì oloko kẹẹ-koro wararị aị ma sịkị, tẹ kụrọ ḅara-ḅio emi ḅọ ḅara ḅụ à sụa oloko ma ọmịna aḅụụ si tẹ anie ḅụ ọ́ ḅarị ì oloko mamgba koko tẹ mịẹ-a kụma ị̀ ọḅọkụ mẹ kan ḅẹḅẹ;

Zẹfanaya 1:6

Ini tẹ ọḅụ pịkị ì gbin tẹ ḅarị ì ḍukamẹnjị-a apụ ma àrị ịn ḅaa guluguluma ḅa, ini tẹ ị̀ dama-ḅo anịanịa ì gbela tẹ arị ịn datụkụma-a apụ ma.”

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Zẹkaraya 7:11

“Kụma ị̀ atomi kọngọ-kụrọma tẹ ì poki ḍụkụ-a. Ini ịna akuroma gbaịnm

Zẹkaraya 7:13

Àrị ẹkwẹn sakị in poki-a ẹrẹsị ịn tẹkẹ sakị àrị ịn pakịrị-a.

Ditẹrọnọmị 31:16

KỊNỊNYANAḄỌ ḅe nwẹnị Mozizi ḅẹẹ: Ḍikii, ị́ ị́ aḍapụ ma na mono gboloma ḅẹ tẹ, anịtẹso ọkụma mịna tomi ma saakị tẹ ama mẹ ḅẹ igoni oru-atamụnọ ḍukamẹnjị sẹfị mẹnjị kọn ḅa ịn mu ini ogboku sime ḅarị anga ḅụ, tẹ ini ị̀ sịkị ḅa, tẹ ị̀ ọḅọkụ mẹ tẹ arị ini na fị ye mẹ kan ḅa.

Ditẹrọnọmị 9:7

Ọ́ sịḅị-kụrọma kụrọma KỊNỊNYANAḄỌ ḅe pịrịm ọmịnị Ijiputi ḅẹ ama ḅio paka-ḅo ene, nwenii ó ḅo mịanga la sakị la, ọ́ kẹ ịkpa mẹ ḅio KỊNỊNYANAḄỌ ọmịna Tamụnọ ḅe ịganị sịn saakị tẹ ori ịganị ḅara kẹ ḅiokoroma tẹ anị kẹ ḅioḅọrọma ma.

Hiburu 8:9

Anị à ḅara kẹ ini atẹngịapụ ma ọlọ tẹ Ijiputi ḅụ ịn pakama-ḅo eneḅaka mẹ ḅụ arị ini na fị ọḅọkụ mẹ na kịka ḅịa. In ḅioḅẹngbọ-kẹ-sịrẹrẹ-niḅi ḅara sime àrị ini na fị ọḅọkụ mẹ pịrị-a, anie ḅụ yẹrị sọ ḅarị ịn bala-a.

Ḅẹrẹkọn-apụ 2:11

Izirẹlịapụ ma KỊNỊNYANAḄỌ ḅe ḍiki-tọrụ ḅụ siye mịẹm tẹ fịrịmẹnjị Balị ma pịrịm.

Ḅẹrẹkọn-apụ 2:17

Anịsọ ini ịna ḅẹrẹkọn-apụ ma poki-a, gbala ịn sịḅị-tuu-tuu oru-atamụnọ ma pịrị sẹfị mẹnjị mẹ kọn-arị ẹrẹsị; ala-a sakị ḅụ ini etela mẹ tẹ ịna aḍapụ ma tẹ KỊNỊNYANAḄỌ ḅe tọn aị ma poki apụ ma mẹnjị tẹ ye mẹ ḅụ pịkị jen anga dam, tẹ ḅarị ọkọ mịẹ-a.

Ḅẹrẹkọn-apụ 2:19

Kụma ḅẹrẹkọnḅọ ḅe fịị sakị fịị sakị, ini ọḅụ pịkị mu sii ịna aḍapụ mịẹ ḅara nẹngị ḅara mịẹm, oru-atamụnọ ḍukamẹnjị na fịrịmẹnjị ịn pịrị, tẹ sịḅị-tuu-tu ịn pịrị ḅụ; ịna amịẹaị tẹ ịn mịẹ-mịẹ aị ma ḅụ, anịanịa ịna etela ma tẹ kịnị na kura-a aị ma ḅụ gberie-sọ ịn wẹrịso-a.

1 Samụẹlị 15:11

“À Sọlụ kẹ amadaḅọ mịẹ ye à tiye-ì-gbo ḅẹẹm, kẹ gotẹ ọkọ ḅẹẹarị, ì ḍukamẹnjị ḅụ ọ̀ tọrụ-pịkị ọḅụ ḍiki tẹẹ, tẹ ḅarị à tọn aị mịẹ-a.” Anị nwẹnị Samụwẹlị ḅụụ-ḅẹsọọ; tẹ ọ̀ nwẹnị bebe ḍin mẹmgba kẹ owu KỊNỊNYANAḄỌ ḅe pịrị.