Jerimaya 10:9 - FỊAFỊA BAỊBỤLỤ

⁹ Sipeni ḅụ ḅo seleḅa mie ịn kẹ ịna oru-afụḅara ma sara gbaịn ye pịkị Ufazi ḅụ ḅo golu na, arịmgba aka ḍin apụ kọrịnama famam; kẹ kurukuru tọrụ kịka awụ ḅịtẹ na tụkụma awụ tọrụ sụa aḅịtẹ na mie ịn kẹ arị ḅirima ye, ḅịtẹ ḍori ḅara-ḅaatẹ apụ kọrịnama.

Jerimaya 10:9 Iomraidhean Croise

1 Amadapụ 10:22

Ori abajị sọarị opu onwi-arụ ogbo nyanatẹ Hiramụ opu onwi-arụ ogbo na sọ-sọ tẹ Tasịsị dọkụ-dọkụ tẹ tẹra kụra tẹra kụra ḅụ golu na, seleḅa na, ọdụ na, ngẹrị-mẹnjị-ḅụkọ na, ḅụkọ na ogunu na tan-tan ọ̀ pịrịarị.

2 Paka-aị 9:21

Gbala Huramụ afịrịmẹnjịapụ amadaḅọ ḅe opu onwi-arụ ma kẹ Tasịsị mu-mu ḅoarị; anịsakị tẹra akụra goyegoye ḅụ Tasịsị ḅẹ opu onwi-arụ ma golu na, seleḅa na, ọdụ na, ngẹrị-mẹnjị-ḅụkọ na, ogunu na kẹ ḅo-ḅom ẹrẹsị.

Devidi-Anume 115:4

Ini kẹ Tamụnọ sịn-arị aị ma tomi ḅara kẹ golu na seleḅa na kẹ mịẹ aị.

Devidi-Anume 72:10

Sipeni na sọ, sọ ma na ḅụ ama-daarị apụ ma ḍiepịrị-aị kẹ ọ̀ pịrị ḅa; Arebịya na Ẹtịyopịya na ḅẹ amadapụ ma agbamịẹ-aị kẹ ḅo ọ̀ pịrị ḅa.

Ayịzaya 23:6

Ó kururu ḅụ owu pakamaa, ọmịnị Fonisiya ḅẹ apụ. Ọ́ ḅụụkụrọma tẹ mangị-so Sipeni muu!

Ayịzaya 40:19

Kọrịnama kọrị apụ mịẹ mḅudu na ori na kịka-a, anie ini ikulele kẹ mịẹ tẹ golu kẹ anị sara gbaịn tẹ seleḅa kẹ anị ḅẹ suku mẹ mịẹ ye mẹ.

Izikẹlị 27:12

Í Sipeni na tuḅokọnm tẹ seleḅa, ikulele, tini, na lẹjị na ọkị-ḅom, kẹ ị́ tọnwa ngọ ma gbẹẹ ḅụ.

Izikẹlị 27:7

Ị́ avala ma ferefere pịna-pịna ḅịtẹ mie ịn kẹ gbin yee, Ijiputi ḅụ ḅo ḅirima-aị ḍori sụa wararị ferefere pịna-pịna ḅịtẹ, Ala-jụ kịnị sarama lekiri ḅarị ye. Ị́ arụ-kuḅu ḅẹ tọrọkọ gbaịn isun mẹ, iḅitẹịn ḅịtẹ anie ịn kẹ arị mịẹ yee, awụ tọrụ sụa ye tẹ Sayịpụrọsị asọ ḅụ ḅo ye.

Danẹlị 10:5

À tọrụ saakị ḍiki tẹ ferefere pịna-pịna kapa sụa tẹ iḅi golu kẹ ḅiri pono ḅọ ẹrịm.

Hosiya 8:6

Gbọrụ ḅara-ḍịn Izirẹlị ḅẹ ḅọ oru-fụḅara mịẹm, tẹ ḅọkọ-ḅọkọ ḅụ mamgba anị tamụnọ-a! Sameriya ḅụ ịn tẹkẹarị golu mḅudu mẹ ini anị ḅaa gẹrẹ-gẹrẹma ḅa!

Jona 1:3

Anị sime-ḅara sime-ḅara sọ, Jona saakị tẹ anị na dama pakịrị anga mum, ọ̀ KỊNỊNYANAḄỌ ḅe ḅụụ ḅụ mẹnjị so ḅẹ ḅara. Ò Jọpa mu tẹ anịanga paka-so Sipeni mu ḅẹ-yearị arụ ẹrịm. Ọ̀ nwẹnị ọ̀ gbẹ tẹ ḅụkụlọ ḅẹ igbigi gbẹ tẹ arụ mẹ ḅio ye-muapụ ma na so Sipeni mu, anie ọ̀ KỊNỊNYANAḄỌ ḅe ḅụụ ḅụ ḅele ḅẹ ḅara.

Habakọkụ 2:19

Ị́ fa tẹẹ! Ị́ sịn-ikiḅa ḅẹẹarị, “Naa saakị!” anịanịa ḍụḅarị kpoo, “Saakị sịẹ!” Oru-fụḅara inetẹ mịẹfinji ị́ pịrị ḅẹ ye emi? Ẹbịsịya ini inetẹ seleḅa na golu na kẹ anị sara-gbaịn ḅa, kụma anị ḅio ḍumo ofori.