Jerimaya 10:8 - FỊAFỊA BAỊBỤLỤ

⁸ Inimgba oḅori atomi famam. Sịn kẹ kara oru-afụḅara ḅụ ịn ḍawọ ḅo ḅẹ ye tiye?

Jerimaya 10:8 Iomraidhean Croise

Devidi-Anume 115:8

Yee arị mịẹ tẹ arị kẹ ḅiokpọmarị apụ mamgba ḅo ịn tẹmẹ mḅudu ma sọ tẹ ịn kịka.

Devidi-Anume 135:18

Yee ịn mịẹ apụ mamgba, tẹ ịn kẹ ḅiokpọmarị apụ ma ḅo ịn tẹmẹ wararị mḅudu ma na kịka!

Ayịzaya 41:29

Ma oru-atamụnọ mamgba in ye ḅụ sọ-a; gbala-gbala ini inetẹ mịẹ-mịẹ gberie-sọ ofori ma mḅudu ma ini ịnyọ na kụrọ na nyana-a.

Ayịzaya 44:18

Ọkọ sime apụ ma ini oḅori-sọ ḅụra tẹ ḅarị ịn mịẹarị ye nimi-a. Ini ịna atọrụngbọ na ịna akuroma na gbaịn karakara mẹ pịrịarị.

Ayịzaya 44:19

Oru-afụḅara mịẹarị ḅọ ḅe nimi kala ye anịanịa sịḅịḅio nyana tẹ ḅa, “À sịn mẹ ḅụ jen anga dọkịmam. Àrị anyịmgbọ mẹ ọgọnọ fịturu fọịnm, pịkị nama fọị pẹịm. Tẹ sịn mẹ ḅụ kọn ye mẹ à kẹ oru-fụḅara mịẹm. Mie yẹrịị, à tuu ideri-koro sịn ikiḅa pịrịarị!”

Jerimaya 10:14

Miemẹ ẹrị atomi oḅori ḅara na nuaa ḅara na sime ḅa; oru-afụḅara kịrarị apụ ma ḅo arị papaa aị ḅara lekiri ḅa, tamụnọ nwẹn ḅẹẹ aị ma iruo aị, tẹ in ḍumo nyana-a ẹrẹsị.

Jerimaya 2:27

Ọmịnị-mgba tọrụ-tuu fama ḅa, ọmịnị tẹ ḅarị apụ ma mịnẹ sịn anie ọmịna ḍaḅọ, tẹ ịkụ pịkị ọmịna iyingiḅọ. Miemẹ paka ḅa, ọmịnị ọḅụ kẹ ì gbin tẹ so tẹ ẹrẹsị, ọ́ tọrụ pịkị ị̀ da ḅẹ nakara. Kụma ọ́ ḅụụ-fụka ḅio sọ sakị mie ó ḅiiarị à ḅo ḅarasụa ọ́ pịrị.

Jerimaya 3:9

tẹ gbala-gbala ḅụụ-jịrị-a. Árị amakiri mẹ pilema tẹ sẹfị ḅụ sunsin ḍụḅarị na sịn na pịrịm.

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 5:4

Anịtẹso à kuromam, “Mịna apụ ma anie papaa igoin tẹ gberie-sọ nimi-a apụ. Ini oḅori ḅara kẹ ye mịẹarị; ịna Tamụnọ ḅiiarị ye in nimi-a, ịn mịẹ ḅẹ ye tẹ KỊNỊNYANAḄỌ ḅiiarị ye.

Hosiya 4:12

Oru-fụḅara ḅara mie ịn tọrọkọ-jụ paka ḅẹ ye nimi ḅẹ tẹ gbelarị. Oru-fụḅara nwẹnị in nimi ḅẹ-ḅiiarị ye ḍuko ịn pịrịarị! Ini ị̀ ḅụ so tẹẹ. Ini ẹrẹḅọ kịka tẹ akụnakụna sọarị, ini ịna aḅụụ saakị oru-atamụnọ pịrị tẹẹ.

Jona 2:8

Sunsin gberie-sọ ḅụ ofori oru-afụḅara pịrịarị apụ ma ini ị́ sịkị tẹẹ, ị́yẹrị ọkụrụkụrụ nyana in pịrị ḅọ ḅe.

Habakọkụ 2:18

Oru-fụḅara kẹ mịẹ-mịẹ ye tiye? Anị jen-a, tomḅọ ḅara kẹ mịẹ ye kịngẹ, tẹ anị ḍuko ị́ pịrịarị gberie-sọ ofori, iruo sikima. Anị tẹ iḅiye mịẹarị tẹ anị mịẹ ḅọ gotẹ anị kẹ ḅiokpọma ḅẹ tamụnọ tẹ inetẹ ẹkwẹn sọ ẹkwẹn ḅịa ye!

Zẹkaraya 10:2

Tomi oru-afụḅara na ḅịrịapụ na ḅara ye gbelarị, kụma pakịrị-aḅịḅị tẹ ịn nyanarị aị iruo-aị na ofori-ofori aị na. Ja apụ ḍawọ puuarị, kụma ó toluma irima kịngẹ mie ịn mịẹarị; ịn pịrịarị dedema mẹ ye mịẹ-a. Mie ḅụ tomi ma iri-faa tẹ anana ikelekele ḅara ikelekelearị. Ịn ḅụụ-fụka ḅụ emi ịn sịḅịdaḅọ nyana-a ẹrẹsị.