Jerimaya 10:5 - FỊAFỊA BAỊBỤLỤ

⁵ Ọkọ sime oru-afụḅara ma anie papaa mḅam aḍụọ ḅio sime tẹ feni ḅalafama tẹ in fiin so ḅẹ aị; ini inetẹ ẹkwẹn ḅịa; kịnị mie in dogi ḅarịye ini inetẹ mẹnjị ḅịa ẹrẹsị. Arị ḍiki-ḅalafa ma: arị inetẹ ye kẹ ị́ lama ḅịa, pịkị inetẹ gbọrụ iḅi sọ kẹ ị́ mịẹ ḅịa.”

Jerimaya 10:5 Iomraidhean Croise

1 Amadapụ 18:26

In nwẹnị ịn kẹ ḅo ịna pịrị owi-nambulo mẹ ọkị tẹ anị tẹlẹma, tẹ nwẹnị dede-ḅio saakị Balị sịn nwenii ḅo ene-ogbo la ḅẹẹarị, “yei Balị wa pakịrịị.” Kụma kịnị gbọrụ pọkọ sọ naa-a, gbọrụḅọ-sọ pịkị pakịrị-a, tẹ ịn nwẹnị in nama agbamịẹ-anga mẹ ikelema-koro tẹ ịnyọ-pọkọta tẹ ḅara sime.

2 Paka-aị 25:15

Anị ẹrẹsị KỊNỊNYANAḄỌ ḅe nwẹnị Amazaya ḅụụ ịganị nyana tẹ gbọrụ ịkịankoroḅọ kẹ ọ̀ fịrịma, oriḅe tẹ ọ̀ ḅẹẹm, “í tiegotẹ pịkịma gbọrụ atomi atamụnọ tẹ ì ḅara ḅụ amịna tomi ḍu ḅọrọma-a atamụnọ ma ḍọkụma-mu?”

Ayịzaya 16:12

Mohabụ ḅẹ apụ ma ịnyọ ịna ḅụ fa tẹ, tẹkẹ gotẹ tụndụ ọgọnọ ḅẹ tẹkẹ-ayọ ma mẹnjị iwo-na-ideri-na pịkị ịna tamụnọ awarị mu ma mẹnjị iwo-na-ideri-na pịkị ịna tamụnọ awarị mu ma ḅọrọ na ḅụ, tẹkẹ ẹrẹsị, kụma gbọrụ iḅi sọ anị kẹ ịn mịẹ ḅịa.

Ayịzaya 45:20

KỊNỊNYANAḄỌ ḅe mẹẹ: Ó ḅo kobirii, sịẹ-sịẹ ma ḅẹ atomi; tẹ tomikiri mẹ daarị kụrọ mẹ ḅịkị ye ḅụ fịị-a so apụ, ọ́ ḅẹrẹkọn mẹ ḅoo! Tomi ma ịn sịn kẹ kịra oru-afụḅara ma dogi mẹnjịma-mẹnjịmarị tẹ inetẹ ịn ḅọrọma ḅịa atamụnọ ma tẹkẹarị arị atomi ma in nimi gberie-sọ ofori!

Ayịzaya 46:1

Mie Babịlọnị ḅẹ oru-atamụnọ ma kunoma mẹ! Gbọrụ sakị ḅụ in sunsin Bẹlị na Nebo na pịrị simem, kụma ini arị tan yedogi-anama ọgọnọ gbanatẹ, arị nwẹnị iku dogiye sọ ịnyọ-pọkọta tẹ anama ma pịrịarị.

Ayịzaya 46:7

Ini anị kẹ apana ḅaa tẹ dogiarị; ini anị kẹ gbọrụ yọ koromarị, tẹ anị yọ anị koro-simearị. Gbọrụḅọ nwẹnị anị tẹkẹ-tẹkẹ, anị inetẹ pakịrị-a, anịanịa mḅọ ḅọrọma opu ḅụụ-fụka ḅụ.

Jerimaya 10:14

Miemẹ ẹrị atomi oḅori ḅara na nuaa ḅara na sime ḅa; oru-afụḅara kịrarị apụ ma ḅo arị papaa aị ḅara lekiri ḅa, tamụnọ nwẹn ḅẹẹ aị ma iruo aị, tẹ in ḍumo nyana-a ẹrẹsị.

Habakọkụ 2:19

Ị́ fa tẹẹ! Ị́ sịn-ikiḅa ḅẹẹarị, “Naa saakị!” anịanịa ḍụḅarị kpoo, “Saakị sịẹ!” Oru-fụḅara inetẹ mịẹfinji ị́ pịrị ḅẹ ye emi? Ẹbịsịya ini inetẹ seleḅa na golu na kẹ anị sara-gbaịn ḅa, kụma anị ḅio ḍumo ofori.

1 Kọrịntị 12:2

Ó nimi ḅara ḅụ, ọ́ paa oru nimi sime sakị mẹ ḅụ tọnwa aḅọkọ ḅụ ini ó toluma irima mu ḍumo nyana-a oru afụḅara kẹ tamụnọ sọma tẹkẹ etela ḅụ suum.

1 Kọrịntị 8:4

Mie ḅụ, kẹ agba mịẹ oru pịrị tẹ fịye gboloma ye mẹ ḅụ, wa nimi wararị mịnẹ oru fụḅara mẹ, ofori ye mie anị sịẹ pịrị ye; wa nimi wararị, mịnẹ kpọkpọ gbọrụ Tamụnọ ḅe sikima jen ofori.

Ditẹrọnọmị 4:28

Anịjụ ọ́ fịrịmẹnjị sịn na, ḍụḅarị na oru-atamụnọ pịrị ḅa, tomina aḅara ḅẹ kọrịnama tẹ ye ẹrị, anịanịa ye naa, anịanịa fịye fị, anịanịa ye fụrụ naa-a aị.