Jerimaya 10:25 - FỊAFỊA BAỊBỤLỤ

²⁵ Ị́ ịganị pịkị siin sunsin ị́ pịrị-pịrị-a apụ ma ọgọnọ gbana pịkị ị́ sịkịarị apụ ma ọgọnọ sọ. Ini ị́ atomi ḅaa tẹẹ; Ịn gbọrsịḅị wa ḅaa-guluguluma tẹ wamịna ama kaan-sara tẹ yọ sọ tẹẹ.

Jerimaya 10:25 Iomraidhean Croise

Jobu 18:21

Tụkụma ḅara ḅụ anie Tamụnọ nimi-a apụ ma anga yọ sime-ḅara, anị ḅara mie anịḅọ ḅe tẹ Tamụnọ nimi-a ḅọ ḅe ye-yọ mẹ sime-ḅara. Wa ḅọrọ gbolomatẹ ideri fọọn mẹ ḅio mu ḅẹ?”

Devidi-Anume 14:4

KỊNỊNYANAḄỌ gbelarị, “In nimi-a aro? Mịna si amịẹaị ma mịẹarị apụ mamgba ye nimi-a apụ aro? Ini ị̀ atomi ma fọịn, fọịn tẹ kẹ angarị, tẹ gbala-gbala ini ị̀ tẹkẹ, tẹkẹ-a.”

Devidi-Anume 147:20

Amụ ò miemẹ mịẹ ja sịẹ pịrị-a; ini ma ini ori oloko ma nimi-a. Ọ́ KỊNỊNYANAḄỌ ḅe tokinii!

Devidi-Anume 27:2

Si atomi ì gbori tẹ ị̀ ḅaa ḅẹ ḍọkị sakị, ini rẹ pụmbụ tẹ ḅịkịm.

Devidi-Anume 69:24

Ị́ ịganị ọsụma ịna ọgọnọ sara; ḍụkụ tẹ ịn mangị í opu ịganị mẹ ḅọrọma.

Ayịzaya 43:22

KỊNỊNYANAḄỌ ḅe mẹẹ: Izirẹlị, àrị ịnyọ kẹ ọ́ tama tẹ; ó sunsin ị̀ pịrị-a.

Ayịzaya 64:7

Gbọrụḅọ sọ pịkị ị́ da-a tẹkẹ ḅụ, ḅarasụa gotẹ ị́ dama-ḅoarị gbọrụḅọ-sọ ofori. Ị́ ị́ ḅụụ ḅọị wa pịrị tẹẹ, tẹ wa kẹ gbin koroma-so tẹ wamịna asi gotẹ.

Ayịzaya 9:12

Siriya ịrụa mẹ saakịarị anga mẹ ḅụ, tẹ Filisiteni ịrụa mẹ tuuideriarị pakịrị ḅụ, ịna ḅịḅị finjitẹ Izirẹlị sịẹ mẹnị ḅẹ tẹ. Anị sọ KỊNỊNYANAḄỌ ḅe ịganị paa kunoma-a; ọ̀ ḅara paa sụụn-paka wararị kẹ in fomu.

Jerimaya 11:1

KỊNỊNYANAḄỌ ḅe ị̀ ḅẹẹm,

Jerimaya 30:16

Kụma mịọkụ, ó kuun-pẹịarị apụ mamgba ini in kuun-pẹị ḅa, tẹ si kẹ ọ́ tọn-arị apụ mamgba ini ikoliapụ ḅara kẹ ini ọkị so ḅa. Ó ponomarị apụ mamgba ini in ponoma ḅa, tẹ ọmịna aị fọịn soarị apụ mamgba ini ịna aị fọịn so ḅa.

Jerimaya 50:17

KỊNỊNYANAḄỌ ḅe mẹẹ, “Izirẹlịapụ ma ọkụkụ ḍuka tẹ dee gala-galamatẹ anana ogbo kịkarị. Tarị-tarị, Asiriya tomikiri mẹ daa sime ḅọ ḅe owu kẹ ịn pakam, anịtẹso Ama-da Nebukadineza, Babịlonịya da ḅọ ḅe, ịna mgbe ma kụngụrụm.

Jerimaya 50:7

Ini ẹrịapụ-ẹrịapụ owu kẹ ịn pakam. Si kẹ ịn tọn apụ ma ḅẹẹarị, ‘In si kẹ KỊNỊNYANAḄỌ ḅe mịẹ tẹẹ, tẹ anie ḅụ wa mịẹ ye kura-aye-a. Ịna atẹngịapụ ma KỊNỊNYANAḄỌ ḅe kẹ ḅiokpọmam, tẹ ini ma ḅioju sọ ḅioḅẹngbọ-kẹ-sịrẹrẹ-niḅi ḅara sime ọ̀ pịrị na-iḅim.’ ”

Jerimaya 8:16

Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Kururu Owu-apọkọ 2:22

Ị́ wẹrịtẹ alalị ene ḅụ kịnị sịn kobiri ḅara, mie pakịrị-pakịrị ḅụ í tẹmẹ-naịn-naịn sịn ì gbori ḅara tẹ KỊNỊNYANAḄỌ ḅe ịganị ene mẹ ḅụ, gbọrụḅọ-sọ mangị-soa, anịanịa ḍumo-sime; inima tẹ à bala tẹ ḍikiḍiki pakama-ḅo apụ ma, ị̀ na fịya-a ḅọ ịn ḅaa famam.

Zẹfanaya 1:6

Ini tẹ ọḅụ pịkị ì gbin tẹ ḅarị ì ḍukamẹnjị-a apụ ma àrị ịn ḅaa guluguluma ḅa, ini tẹ ị̀ dama-ḅo anịanịa ì gbela tẹ arị ịn datụkụma-a apụ ma.”

Zẹfanaya 3:8

KỊNỊNYANAḄỌ ḅe ḅẹẹarị, “Paa koruu; à saakị tẹ ḅẹrẹ ḍuko sịẹ-sịẹ ma sịḅị sẹịn ḅarị ene mẹ koruu. Àrị ì ḅioḅẹngbọ mịẹ kụrọma tẹ sịẹ-sịẹ ma na amadapụ daarị ayọ ma na kobiri ḅo, mịẹtẹ ị̀ ịganị mẹ kụrọ ini ịnọ ḅẹ ḅara. Ì owi ịganị mẹ ḅẹ kọrị-fịnị bebe tomikiri mẹ guluguluma ḅa.”

Zẹkaraya 1:15

tẹ àrị ịganị nyana sịẹ-sịẹ ma tẹ gbene na dein na tọrụ-ḅẹlẹ nyanarị apụ ma pịrị lama wararị. Kẹ gotẹ ọkọ ḍukoarị àrị ị̀ atomi ḅụ ị̀ ịganị dasịẹmarị sakị arị asịẹ ma ịna ḅụụ-fụka mịẹ tẹ arị sii ḅakarị.

Jọnị 17:25

Karakara mịẹarị Ḍaḅọ! Tomikiri mẹ í nimi-a, kụma yẹrị àrị í nimi wararị, tẹ mịnapụ ma sọ nimi wararị mịnẹ ị̀ kẹ fịrịmam.

Fịrịmẹnjịapụ 17:23

À nwẹn ama mẹ mẹnjị-mẹnjị tẹ ọ́ tẹkẹarị anga ma ẹrị ma muarị ogbo à ḅo gbọrụ agbamịẹ-anga ẹrịm, anị ḅụ miemẹ kẹẹ wararị, ‘Sime kịnị lekiri-a Tamụnọ ḅe pịrị anga.’ Anị ó lekiri-a ḅara kẹ tẹkẹarị ḅọ ḅẹ ẹkwẹn mẹ mie à kọn ọ́ pịrị ḅẹ ḅo ye.

1 Kọrịntị 15:34

Ọ́ pịkịma ḅo elemu ọ́ nyana-nyana karakara akuroma ma ḅụ sọ, tẹ ọ́ mẹnjịarị asi etela ma ḅụ daasịẹ. Kẹ mịẹtẹ ọ́ ḅụụ-jịrị ḅẹ ḅara, à ḍuko pakamarị mịnẹ ọmịna ḅụ ḅẹ ja apụ Tamụnọ nimi-a.

1 Tẹsalonịka 4:5

sakị mamgba arị na gboloma ḅẹ tẹ lẹlẹ ḅụ-a, oru nimi apụ, tẹ Tamụnọ nimi-a apụ ma, mịẹ-mịẹ ḅara kịka ḅara.

2 Tẹsalonịka 1:8

tẹ ịn nwẹnị kọrị-fịnị kẹ fomu-ḅara kẹ Tamụnọ sịkịarị apụ ma na wa Nyanaḅọ Jizọsị Iḅi Oku mẹ ḍuko ye mịẹ-a apụ ma na pịrị ḅa.

Mịẹfinji 16:1

Anịtẹso Tamụnọ-warị mẹ ḅio gbọrụ opu pọkọ sime tẹ sọnọma enjẹlị ma ḅẹẹarị tẹ à naam, “Ó mu ịn Tamụnọ ịganị ma kẹ sụa wararị sọnọma abọlị ma ḅio simearị aị ma ọsụma tomikiri mẹ ḅụ sara-a!”