Jerimaya 10:22 - FỊAFỊA BAỊBỤLỤ

²² Ó poki-ye! Ḅịḅị ḅo tẹẹ! Tomikiri mẹ ọgọnọ-jụ ḅụ gbọrụ sịẹ ḅụ opu gbiri-gbiri-gbiri paka tẹẹ; anị ḅẹ ọmụ-ogbo mẹ Juda ḅẹ opu ama ma kẹ ịkpa mịẹ ḅa, piri-obiri angarị anga.”

Jerimaya 10:22 Iomraidhean Croise

Ayịzaya 34:13

Ama-da awarị ma na onu gbori wararị ama mamgba na ḅio nangị asịn na ọmị asịn na so-paka gele ḅa, tẹ piri obiri ma na mgbukumgbuku ma na arị ḅio anga ḅa.

Jerimaya 1:14

Ọ̀ nwẹnị ị̀ ḅẹẹ, “Ḅaa-guluguluma ọgọnọ-jụ daarị yọ ḅụ waa-sara ideri-ḅo mị amakiri mẹ ḅio angarị apụ mamgba ọgọnọ sara ḅa,

Jerimaya 1:15

kẹ gotẹ ọkọ ḅẹẹarị, arị ọgọnọ-jụ mẹ ḅẹ asịẹ mamgba sịn ḅoarị. Ịna amadapụ ma ịna emine ma kẹ Jeruselemu ogigo-ḅọkọ dẹẹ ḅa pịkị kẹ anị ḅẹ onu ma ikelema-koro ḅa, pịkị kẹ Juda ḅẹ opu ama ma sọ ikelema-koro ḅa.

Jerimaya 2:15

Ini oloku ọ̀ pịrịarị ḅara ọkụkụ ekirearị ye ọkụ; ịn mịẹ tẹ ori amakiri mẹ ịkpa sọ tẹ; tẹ ori ama ma kan-sara tẹ ayọ sọ tẹ ini arị kẹ gbin koroma mangị-so fama tẹẹ.

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 4:15

Danị opu ama mẹ na Iferemu atụndụ ma na ḅụ oku-mẹnjịapụ si-oku mẹ ḍuko wasamarị.

Jerimaya 4:6

Ḅọrọ mu etela mẹ tọkịma Zayọnị pịrịị. Ḍumo mangị kọn! Sakị fama ma! KỊNỊNYANAḄỌ ḅe opu ḅụụ-fụka na opu ḅaa-guluguluma na ọkị-ḅoarị ọgọnọ-jụ ḅụ.

Jerimaya 49:33

Hezọ ịkpa sọ ḅa, ḅẹẹ-sakị ḅẹẹ-sakị ḅụ, piri-obiri kịngẹ angarị yọ. Gbọrụḅọ sọ ḅarị jen kẹ anị yọ anga ḅịa. Yẹrị, KỊNỊNYANAḄỌ ḅe, ọkọ ḅẹẹm.”

Jerimaya 5:15

Izirẹlịapụ, KỊNỊNYANAḄỌ ḅe ala-lamatẹ anga ḅụ gbọrụ sịẹ kẹ owu kẹ ọ́ paka ḅẹ ḅoarị. Anie kpọma kụrọtẹ elemu sakị ḅẹ sịẹ, ọmịnị ịna ẹkwẹn-ḅịḅị nimi-a sịẹ.

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Jerimaya 6:22

KỊNỊNYANAḄỌ ḅe mẹẹ, “Ọgọnọ-jụ gbọrụ sịẹ ḅụ kịnị ḅoarị; opu kụrọ nyanatẹ gbọrụ sịẹ sụma-jụ tẹlẹma ọmụ pịrịarị.

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Kururu Owu-apọkọ 1:4

Mẹnjị Zayọnị mu etela ma kururuarị, gbala gbọrụḅọ-sọ ịn pẹlẹ alalị ma ḅo-a ẹrẹsị; árị ogigo-aḅọkọ mamgba fa tẹ koro-sime wararị, árị agbamịẹapụ opu akụ ḅụ iningiarị; árị eremịna-awọmẹ ma ini ịn nụnụ so tẹ, tẹ árịma ḅioju nwẹnị ye ḅụụ ḅụ akụ ḅara kẹ tọrụsiẹrịarị.

Izikẹlị 12:19

Ḍuko bebe sịẹ mẹ pịrị mịnẹ mie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅara ḅo Jeruselemu ḅẹ apụ ma pịrị oku. Ịna oju jike ḅa in yefịarị sakị, tẹ ịn pịkị ḅalafa ḅụ oju sẹkị ḅa in ye ḅuuarị sakị. Kịnị ịna amakiri mẹ ḅụ sime-ye sime-ye ọkị fama ḅa, ịna ḅụ ọrụḅọ-ọrụḅọ oloko koko-koko-a ḍumo kọn-arị ẹrẹsị.

Malakayị 1:3

tẹ Ịsọ na ò furo-ḅẹ-apụ na sịkịm. Ịsọ bebe tụndụ amakiri mẹ à fama tẹ anị kẹ gbin koroma piri-ḅio-ḅẹ anama pịrị tẹẹ.”