Jerimaya 10:20 - FỊAFỊA BAỊBỤLỤ

²⁰ Wamịna akpụrụ-awarị ma sii gulugulu tẹẹ; kẹ arị kpọọ aḍigi ma pẹlẹ tẹẹ. Wamịna awọmẹ mamgba so fama tẹẹ; Kiri kọn tẹ siin wamịna akpụrụ-awarị ma saakị sịẹma ḅẹ gbọrụḅọ-sọ ofori; ịna kiki-pẹlẹ-aḅịtẹ ma sololo ḅẹ gbọrụḅọ-sọ ofori.”

Jerimaya 10:20 Iomraidhean Croise

Jobu 7:8

Anị ḅọ ḅe tọrụngbọ mẹ tẹ ị̀ ẹrị ye mẹ, ḅarị jen kẹ ị̀ ẹrị ḅịa; ị́ atọrụngbọ ma ị̀ ḅụụ emi ogbo, à so ḅa.

Egberima-Ẹkwẹn 12:7

Si-sịḅịḅio-sụa atomi ḅịkị koro tẹ ịna ḅụụ ḅụ paka-ḅo apụ sọ ofori ḅara kẹ fịịarị, kụma karakaraye-mịẹapụ afuro ma ḍumo tọrọkọ-tọrọkọ muarị.

Ayịzaya 51:16

Yẹrị So ma nụnụ finjimam tẹ kiri mẹ suku mẹ saakịm; À ḍuko Jeruselemu pịrịarị, “Ọmịnị ị̀ atomii! Arị ì tolumaye kẹ ọ́ pịrị tẹẹ, pịkị ị̀ ḅara kẹ ọ́ gbaịn ḅọrọmarị.”

Ayịzaya 51:18

Gbọrụḅọ-sọ ofori etela kẹ í ḍie, ị́ atomi ma ogboku ḅụ gbọrụḅọ-sọ ofori ḅara kẹ ị́ ọlọ mẹnjị.

Ayịzaya 54:2

Ị́ angarị akpụrụ-warị mẹ mịẹ ḍụḅama anị la ḅara nẹngị; anị ḅẹ aḍigi ma nangwọma tẹ dọlịa ma ḅakụ kụrọmaa.

Jerimaya 30:17

À mịẹ tẹ ọmịna oju siin iḅi ḅa; àrị ịnọ ma gwọ ḅa, karakaraye si kẹ ọ́ tọn apụ ḅẹẹarị: Zayọnị anie in dee-pakama tẹ apụ; in gboloma ye kẹ ye-sịn-arị gbọrụḅọ-sọ ofori. Yẹrị, KỊNỊNYANAḄỌ ḅe ọkọ ḅẹẹm.

Jerimaya 31:15

KỊNỊNYANAḄỌ ḅe mẹẹ: Rama ḅụ ịn pọkọ naam, Tẹmẹ-akụ ḅara kẹ owuarị pọkọ. Resẹlị árị awọmẹ gotẹ owuarị, in fịị-faa tẹẹ; á dedema ọkị ḍụkụ-a.

Jerimaya 4:20

Gbọrụ opu ḅụụ-fụka jen pono ḅoarị; bebe yọ mẹ kaan-sara simearị. Ḅiotọn-a ḅara ḅụ ịn wamịna akpụrụ-awarị ma kaan-guluguluma tẹẹ; kẹ kiki-pẹlẹ-aḅịtẹ ma sọ ịn kanị-sara tẹẹ.

Kururu Owu-apọkọ 1:5

Árị na ọmụ gbin apụ ḅo á sịḅịdapụ sọ tẹẹ, árị na fịya-a apụ lọkọlọkọ tẹẹ, gbala KỊNỊNYANAḄỌ ḅe á mịẹ tẹ á tọrụsiẹrị ẹrẹsị á nyana mịẹ-irima aị ma gotẹ; árị awọmẹ ma árị ọmụ gbin apụ tọrọkọ kun-ḅara ḅụ mẹnjị-so tẹẹ.

Mayịka 2:9

Ị̀ atomi ma ḅẹ ereme ma, ịna ḅụụ ḅẹlẹma awarị ma ḅụ, ọmịnị in dee pakamam; tẹ ịna asambịrịma awọmẹ ma ḅụ ì ebube mẹ saakị siin gbamaso tẹ.