Jerimaya 10:19 - FỊAFỊA BAỊBỤLỤ

¹⁹ Jeruselemu ḅẹ apụ ma nwẹnị owu pakama, “Anị kpọma wamịna ḅụ fụka tẹ ḅara ḍikii! Wamịna ịnọ ma ḅịya ḅịa. Wa sịnm miemẹ wa inetẹ inema alama ḅẹ ye!

Jerimaya 10:19 Iomraidhean Croise

Devidi-Anume 39:9

À yaụ-sime ḅa, ẹkwẹn gbọrụmgbọ-sọ à kọọn ḅịa: kẹ gotẹ ọkọ ḅẹẹarị, ị́yẹrị mie mịẹ tẹ à mị-ḅara kẹ tọrụsiẹrịarị.

Devidi-Anume 77:10

Anịtẹso à ḅẹẹm, “Ị̀ ịnọ tẹịn-arị ye anie mie: mịnẹ Tamụnọ ḅarị jen kẹ kụrọ nyana-a.”

Ayịzaya 8:17

KỊNỊNYANAḄỌ ḅe amịna ḅụụ kikima ori atomi pịrị tẹẹ, kụma yẹrị arị ọ̀ kẹ ḅiokpọmarị, tẹ ì ḅiokpọ kẹ ori ọgọnọ gbana wararị.

Jerimaya 14:17

KỊNỊNYANAḄỌ ḅe tọn ị̀ pịrịm à ḍuko tomi ma pịrị ì kururu gboloma ye tẹ ḅẹẹ: yee eneḅaka na ḍin na ḅụ owu-minji ị̀ atọrụngbọ ḅụ sara, yee gbala-gbala àrị owu pẹlẹma, kẹ gotẹ ọkọ ḅẹẹarị, ị̀ atomi la ye mẹ pokolom, tẹ ye si ḅara kẹ ịn lam.

Jerimaya 14:7

Ị̀ atomi owu ị̀ pịrịarị: Tụkụmaye wamịna asi ḅẹrẹ kẹ wamịna sịḅị gbanarị sọ, KỊNỊNYANAḄỌ, ḅarasụa wa pịrịị, í minini tẹ ḅara ḅụ. Tọnwa asakị wa nwẹn kẹ ị́ ḅụụ pịkị-so tẹẹ; wa si kẹ ị́ mịẹ tẹẹ.

Jerimaya 17:13

KỊNỊNYANAḄỌ, anie Izirẹlị ḅiokpọ; í koroma tẹ so apụ mamgba ịna tọrụ-tuu ḅa. Ini ịmaịn-faa ḅarị ḅara fọọn ọgọnọ kẹ ẹrẹ kịka ḅa, ini, KỊNỊNYANAḄỌ ḅe, sịkị tẹ ẹrẹsị, ḍumo-pịrịarị ngụngụḅa minji ḅe.

Jerimaya 4:19

Akụ mẹ! Arị inetẹ akụ mẹ da-a! Ì ḅioḅẹngbọ kịrị ḅara kẹ kpim-kpimarị! Àrị inetẹ yaụ-sime-a; Àrị ọdụ ma fiearị ye naarị, pịkị ọmụ oloku ma sọ.

Jerimaya 4:31

Àrị owu pọkọ naam, iyi la tẹ ẹrẹḅọ ọkụ, Oloku ḅịḅị mẹ kịrarama fie ḅara tarị tụḅọ iyiarị ẹrẹḅọ ọkụ. Anie kpọma-ḅẹlẹmarị Jeruselemu owu pọkọọ, kụma á ḅụụkụrọma ịnyọsararị, arị á ḅara sụn-pakama tẹ ḅẹẹarị, “À ḅarị ḅọrọma ḅịa! Ini ị̀ ḅaa ḅẹ ḅoarị!”

Jerimaya 8:21

Ì ḅioḅẹngbọ kan kọsị tẹẹ, ini ị̀ atomi kọsịma tẹẹ ẹrẹsị; à kururuarị, ì ḅioḅẹngbọ ḅịkị fama tẹẹ.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Kururu Owu-apọkọ 1:2

Ḍin ḅụ árị akụ ḅara kẹ tẹmẹ-la owu kọnm, owu aminji á tọrụ ḅụ puu-puu saram. Á ḅẹlẹma apụ mamgba ogbo-ḅio ḅụ, gbọrụḅọ-sọ kọn tẹ á dedema-a; árị ikiapụ mamgba oḅori kẹ á sịn ḅara kẹ árị na mịẹ tẹẹ; ịn ḅo árị na fịya-a apụ sọ tẹẹ.

Kururu Owu-apọkọ 3:48

Ị̀ atomi ma ẹrẹḅọtụḅọ ma gotẹ, owu-minji nwẹnị ị̀ atọrụngbọ ḅụ tọrụkuḅu ḅẹ minji sara ḅara kẹ sara.

Mayịka 7:9

Wa KỊNỊNYANAḄỌ ḅe ịganị mẹ inema nwenii, ọ̀ wamịna ḅẹrẹ ịgbanị ḅa, gbala wa ọ̀ ḅụụ ḅụ si mịẹm ẹrẹsị, ọ̀ ḅẹrẹkọn wa da-paka tẹ. Ọ̀ wa ọkị-ḅo bele mẹ ḅio suu ḅa; wa tọrụngbọ kẹ ọ̀ ḍụa-ḅọrọma ẹrị ḅa.